📸 Мин иннибэр Москуба куоракка Щепкин аатынан тыйаатыр үрдүкү училищетын устудьуоннарын 50 сыл анараа өттүгэр бэчээттэммит хаартыскалара сытар. Кинилэр ортолоругар биир дойдулаахпыт Хомустаах бөһүөлэгин олохтооҕо Василий Бурнашев баар. Василий Бурнашев Лөгөй орто оскуолатын 1969 сыллаахха бүтэрэн баран, Москуба куоракка артыыс идэтигэр үөрэнэ киирэр. Кинини кытта Андрей Борисов, Степанида Борисова, Изабелла Николаева, Наталья Степанова, Домна Уйгурова, Степан Сивцев, Анатолий Николаев уо.д.а. биллэр артыыстар үѳрэммиттэрэ. Үөрэҕин ситиһиилээхтик бүтэрэн, Саха драмтыйаатырыгар үлэлээбитэ. Комедия да, драма да жанрдарыгар бэркэ ис-иһиттэн арыллан оонньуура. Кэнники кулууп сэбиэдиссэйинэн, Хомустаах сүрүн оскуолатыгар учууталынан үлэлээбитэ. Баһылай Бурнаһыап төһө да 75 сааһын туоллар, чөл олоҕунан, актыыбынай позициятынан, төрөөбүт дойдутугар бэриниилээҕинэн биһиэхэ, эдэр дьоҥҥо, холобур буолар. Сиһилии уопсас. кэрэсп. Яна Новгородова ⤵️ БАТТАА ✅ @uamurusahargata @ulusmedia