الوزن نصاري }لسيده زينب عليها السلام ﴿ ﴿العنوان تربات الفخر﴾ ﴿لسان حال الشاعر﴾ وينـك يا بــطل هـد للعقـيـلة كفـوا مــنك ياتـربات الأصيلة گوم اوشوف الارجـاس يبو الغيره يعباس يالجفـك عمـاد الكل وسيـله وينـك يا بــطل هـد للعقـيـلة •✯•✯•✯•✯•✯•✯•✯ گوم إلها يـبن حامي الحميــه هـاي ام عـون فـخـر الرافضيــه رادتــك تجـيـهه ابهـل مسـيــه تگلبـهـا الأرض فـوگ الرعـيـه ياصـگار الانـفـاس يبو الغيره يعباس بت حيـدر علي هـاي الجليــله وينـك يا بــطل هـد للعقـيـلة ✍🏻 *_الشاعــرة ام مهــدي العيــداني_* •✯•✯•✯•✯•✯•✯•✯ گوم وارجع لصولات الطفوف تعذرك لو گلت ماظلت اجفوف بس گلبك جمر واعليه ملهوف تكله انهض يروحي النومتك عوف تدري شايل احساس يبو الغيره يعباس انهض نادتك سيفك دشيله وينـك يا بــطل هـد للعقـيـلة ✍ام اسعد الشمري •✯•✯•✯•✯•✯•✯•✯• تجي وتفرح بجيتك دوم تنهاب تتنومس وظنها بيك ماخاب بسيفك لو تجي تمحيها الاجناب متخلي عدوها يدنس البـاب تبعد عنها الانجاس يبو الغيره يعباس عليهم لو تهد تعدل الميله وينـك يا بــطل هـد للعقـيـلة ✍️☘️ام فراس الساعدي ☘️ •✯•✯•✯•✯•✯•✯•✯• گومـلها يـخوا زينب يوهام تدري بيك عالعيـله فلا اتنام تعال الهـه زحـوف وشد الحزام من صولاتك اتطشرها الاقـزام للخوه انته نبراس يبو الغيره يعباس ندري بيك ماتحمل العيلـه وينـك يا بــطل هـد للعقـيـلة ✍️ام علي المالكي •✯•✯•✯•✯•✯•✯•✯• افـــزع گـوم یـــا حلــو السـجایـه لبـن صهیـون ضـــوگها المـنایــه وامـحـي كل أثـر ليــها أو بقـايـه افنــيــهــم لحــد اخــر نــهایــه مرقـدها مینداس يبو الغيره يعباس يين المصطفى وحامي دخيله وينـك يا بــطل هـد للعقـيـلة ✍️ام مهدی امجدم •✯•✯•✯•✯•✯•✯•✯• سبـع ندريك ابو فاضل المغوار الك عـرج الشهامه يجـدح ابنـار ماتقبـل على اختـك بين الاشـرار تجيـها مـن الطفوف وتأخذ الثـار خط احمر متنجاس يبو الغيره يعباس يتعنه ويجي لخته الكفيـله وينـك يا بــطل هـد للعقـيـلة 📚🖌️ام زهراء •✯•✯•✯•✯•✯•✯•✯• تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي غير مبري الذمه لكل من يغيير الاسماء او ياخذ كلمات القصيده وينسبها اليه https://t.center/typkj