قصيده الزهراء عليها السلام عن السان الشاعر ويه زينب ابليل ابليل نعش امچ مشو بيه يزينب شدي حيلچ گومي عطليه ------------------------------------ مشو باليل ونتي تعاينينه وضعن الحملت متعطلينه بعد هيهات زينب ترتجينه وضعن الشال منج وين تلگيه أم منتظر لأسدي -------------------- صيحي ابصوت يالشلت الحنينات اريد ام المحنه ابيتنه تبات عشرة وانتهت ويه المشفجات بعد ياحيف رسم امچ تشوفيه ✍️ام احمد الهاشمي -------------------- هاي ام المحنه وديعها اشلون ام الموده اتفارگيها تمر اسنين ما ننسه حچيها حنان الوالده امچ وين تلگيه خادمة اهل البيت عليهم السلام العلويه ام سيد مهدي الموسوي -------------------- سنين تمر عليچ او نفس الونين على افراگ الزچيه تهمل العين صيحي وين شلتي يم الحسين ضعن الزاچيه الليله دخليه *الحاجه ام احـــ✍ـــمد الحچامي* -------------------- ضعن ام العلم وام المحنه بعدنه ما شبعنه اوداع منه ابعمره اليفگد امه ما تهنه وعطف الوالده بيمن تعوضيه بقلم خادمة آل البيت ع -------------------- (( رابط راثيات العتره ))) تـــمـ بعون الله تعالى ـــت باقـــ✍ـــلام خادمات اهل البيت ع (((رأّبِطّةّ رثّأّء أّلَعٌتّرهِ))) بتاریخ 1446هـ🌙 لانجيز حذف الاسماء 🙏🏻🙏🏻نسالكم الدعاء🙏🏻🙏🏻 قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة https://t.center/ttrre