BGI Itiyoophiyaan mana barumsaa magaalaa Baatuutti ijaare eebbisuun hawaasaaf dabarsee kenneera. "BGI Ethiopia" sirna eebbaa mana barumsaa sadarkaa 1ffaa galma Abbaa Gadaa Magaalaa Baatuutti eebbiseera. Ijaarsi mana barumsichaa ji'oota 6 keessatti kan xumurame yoo ta'u bara barnootaa haaraatti barattoonni barnoota eegaluu isaanii himameera. Hojii gaggeessaan 'BGI' Hervee Milhaawud akka jedhanitti, manni barumsaa kun Birrii miiliyoona 9'n ijaaramuun, daa’imman 600 dabareen fayyadamoo taasisa jedhaniiru. BGIn itti gaafatamummaa hawaasummaa isaa bahachuuf bara kana pirojektoota barnoota, fayyaa, fi bishaan dhugaatii qulqulluu irratti Birrii miiliyoona 70 ol baasuu hojii gaggeessaan olaanaa eereera. @tikvahethafaanoromoo