ЦентрКредит Банк ұсынатын #картакартаға шолу (VISA, пластик, виртуалды) (жазба 04.04.2024 жаңартылды) Аталмыш картаның көптеген артықшылықтары бар, бірақ сонымен қатар оны толық пайдалану үшін түсінуді қажет ететін көптеген ерекшеліктері де бар. Білуді қажет ететін бірінші тұсы — карта тек несиелік лимитпен шығарылады, ол арқылы сіз 7 млн теңгеге дейін несие рәсімдей аласыз. Оны 55 күнге дейін комиссиясыз пайдалануға болады. Егер аталмыш несиелік лимитті пайдаланғыңыз келмесе, онда картаны өз ақшаңызбен толтырып, оны кәдімгі дебеттік карта ретінде пайдалана аласыз. Несие лимиті қалай жұмыс істейтіні туралы толығырақ мына жазбадан оқуға болады. Карта артықшылықтары: • Толығымен тегін шығару, қызмет көрсету мен SMS-хабарламалар; • ҚР кез келген банкоматынан айына 300 мың теңгеге дейін комиссиясыз ақша шешу; • Басқа банктердің карталарына айына 300 мың теңгеге дейін комиссиясыз аударымдар (бірақ несие қаражатынан емес, тек өз ақшаңыздан); • қажетсіз төлемдер мен алаяқтардан қорғайтын қолайлы динамикалық CVV-код қызметі бар (толығырақ сілтемеде). Сондай-ақ қосымшада карта бойынша бөліп төлеу режимін қосуға болады. Сонда банк серіктестерінде жасалған барлық төлемдерді 3, 6 немесе 12 айға комиссиясыз бөліп төлеуге болады (серіктестер тізімін сілтемеден таба аласыздар). Бөліп төлеу режимі несиелік лимит ақшасында жұмыс істейді. Кешбэк шарттары: негізгі кешбэк жоқ, таңдауға болатын санаттарда бар. Таңдауға 7 кешбэк санаты беріледі, 3-еуін таңдауға болады. 10%-ға дейінгі жоғарылатылған кешбэк ай сайын өзгеріп отыратын сүйікті санаттар бойынша есептеледі (ай сайын үш санатты өзіңіз таңдай аласыз), серіктестерде жасалған төлем кезінде 30%-ға дейінгі кешбэк беріледі. Кешбэк санаттары әр клиент үшін жеке белгіленеді. Кешбэк 3-5 күн ішінде есептеледі. Бір ай ішіндегі минималды кешбэк сомасы — 500₸ (егер одан аз болса, сома күйіп кетеді). Кешбэкті аударып алу үшін қажетті минималды сома — 2000₸ (картаға ақша ретінде аударылады). Күнтізбелік айдағы кешбэктің максималды сомасы — 20 000₸. 1 транзакция үшін кешбэкке шектеулер жоқ. Пластик карталар тек банк бөлімшелерінде шығарылады. Виртуалды карта BCCKZ қосымшасында ашылады. Картаға байланысты пайдалы лайфхак 👉 сілтемеде. Комиссиясыз толтыру бойынша нұсқаулық 👉 сілтемеде (2,3,4,5,7,10 әдістерді қараңыз) Біздің картаға жасаған бейнешолуымыз сілтемеде. Көптеген банк карталарын ыңғайлы пайдалану бойынша нұсқаулық 👉 сілтемеде.