Біз кімбіз? Арна туралы соңғы жазбамыздан бері бір жыл өтіпті, сондықтан жаңадан қосылған аудиторияға жұмысымыз жайлы айтып кетсек: 1. Біз Адильхан және Әсел есімді 28 жасар Астана тұрғындарымыз. Арнада ақша үнемдеу, артық шығын шығармау туралы жазбаймыз, арзан тауар сатып алуға үгіттемейміз. Біз баға сәт санап өсіп жатқан заманда сапалы тауар мен қызметтерді қалай арзан бағаға сатып алуға болатыны туралы айтамыз. 2. Ленталарыңызды ақпаратпен толтырып тастамас үшін аптасына бар болғаны 15 жазба жариялаймыз. Бірақ әр жазбаны барынша пайдалы әрі толық етіп жазуға тырысамыз. Арна ашылғалы бері жарияланған үздік жазбаларды бекітілген жазбадан оқи аласыздар. 3. Бізде басқа қатысушылармен пайдалы ақпаратпен алмасуға немесе қызықтырған сұрақтарды қоюға болатын чат бар. Онда банктердің ресми өкілдерінен бөлек 4 модератор бар (Жанар, Инесса, Қорған мен Анара 👏), олар сізді қызықтырған тақырып бойынша кез келген сұраққа жауап береді. Чатқа сілтеме. 4. Біз жариялайтын ақпараттың барлығы қалай болғанда да компаниялармен, қызметтермен, дүкендермен немесе банктермен тығыз байланысты, сондықтан арнадағы әр жазба жарнама сияқты көрінуі мүмкін. Бірақ олай емес. Біз ақпаратты тегін жариялаймыз, бірақ ақпарат шынында пайдалы болса ғана. Егер жазба жарнама берушінің атынан болса, онда ол «серіктестік жазба (партнерский пост)» деп белгіленеді (егер белгіленбесе, демек ақпарат өз қалауымызбен жарияланған). 5. Біз банк карталарынан түсетін кешбэк жайлы көп жазамыз, себебі бұл қажетті сауда бағасын арзандатудың тиімді жолы деп санаймыз. Науқандардан артықшылығы, ол сатып алушыларды саудаға итермелемейді, керісінше үнемдеуге көмектеседі. Сондықтан біз банк карталары бойынша толығымен тегін әдістемелік жасап шықтық. Біз екінші деңгейлі банктер нарығындағы бәсекелестікті қолдаймыз, сондықтан сіз бен бізде түрлі артықшылықтар арасында таңдау мүмкіндігі болу үшін барлық банктердің тиімді тұстары туралы айтамыз. Сөз соңында бізді оқитындарыңыз үшін, сондай-ақ өз пікірлеріңізді білдіретіндеріңіз үшін тағы да рақмет айтқымыз келеді 🙌🏻