Шетелге саяхат. Жұмсаған ақшаңыздың бір бөлігін қалай қайтарып алуға болады? Көптеген елдерде тауар үшін салынған салықты (НДС) қайтарып алуға болатын Tax Free жүйесі бар. Салық пайызы әр елде әртүрлі (әдетте 5-20% шамасында). Бұл қалай жұмыс істейді? 1) Сіз Tax Free жүйесіндегі дүкендерден тауар сатып аласыз: тұрмыстық техника, киім, аяқ киім, аксессуарлар және т.б. 2) Сатушы сіздің деректеріңізді арнайы бланкке жазады немесе форманы электронды түрде толтырады 3) Ұшу алдында сіз ақшаңызды әуежайдағы арнайы пункттерден қолма-қол ала аласыз немесе картаға аударуға болады. Tax Free жүйесіндегі дүкендерді қалай табуға болады? • Дүкен сөресінде, кіреберіс есікте немесе кассада арнайы жапсырма бар-жоғын тексеріңіз • Сатушыдан Tax free тіркеу мүмкіндігі жайлы сұраңыз • Ақпаратты Google-дан іздеп көріңіз. Мысалы, Дубай Tax free деп жазыңыз Нені білу маңызды (оқырмандар кеңесі)? • Дүкендерде сауда жасаған кезде Tax free-ді төлқұжат арқылы тіркейді, сол себепті оны әрқашан өзіңізбен бірге алып жүріңіз • Азық-түлік пен сусындарды қоспағанда, ҚҚС (қосымша құн салығы) қосылған заттардың көпшілігі үшін ақшаны қайтаруға болады. • Тауар ашылмаған болуы керек. • Tax free сауданың белгілі бір сомасынан бастап қолжетімді (әр елде әртүрлі, Google-дан ізде керек). • Көптеген әуежайлардағы Tax free пункттері транзиттік аймақта орналасқан. Сондықтан сатып алынған тауарды қол жүгімен алған дұрыс (кейде бланк пен чекпен бірге тауарды да көрсетуді сұрайды. Ал онсыз ақша қайтарылмайды). • Егер пункт тіркеу кассасының алдында орналасса, тауарды алуға оңай болу үшін сөмкенің бетіне қойған дұрыс. • Ақшаны картаға аударған тиімдірек, себебі бұл жағдайда комиссия алынбайды. • Кейбір жағдайларда Tax Free қызметі тікелей дүкенде немесе қаладағы арнайы пункттерде қолжетімді. Толық ақпаратты 👉 мына мақаладан таба аласыз. Сондай-ақ кейбір елдерде Global Blue-ден бөлек басқа Tax Free бар. Толығырақ 👉 сілтемеде. Егер сіздің аталмыш сұрақ бойынша тәжірибеңіз болса, комментарий бөлімінде пікір қалдыра кетсеңіз🙌🏻 https://t.center/tiimdiqazaqstan