Tengri.kz

Енді Қазақстанда қоғамдық орында түкіру, балағаттау, қорлау немесе қоқыс тастау сияқты ұсақ бұзақылықтар үшін көшелерді сыпыру жазасы қолданылады.

Бұрын мұндай қоғамдық жұмыстар тек қылмыстық құқық бұзушылықтарға тағайындалса, енді олар әкімшілік құқық бұзушылықтар үшін де енгізілді.

Ұсақ бұзақылыққа қоғамдық орындарды ластау, мүлікті бүлдіру және қоғамға құрметсіздік танытатын басқа да әрекеттер жатады. Қазіргі жаза мөлшері – 20 АЕК айыппұл.

https://t.center/tengri_kz

Әзербайжанның Төтенше жағдайлар министрлігі Ақтаудағы ұшақ апатынан аман қалған стюардесса Айдана Рагимлидің суреті мен видеосын жариялады.

Ол Маңғыстау облыстық ауруханасында жатыр. Стюардесса делегацияны көргенде, көз жасын тоқтата алмаған.

Айдана - Бакуден Грозныйға ұшқан, бірақ Ақтауға үш шақырым жерде құлаған Azerbaijan Airlines әуекомпаниясының апатқа ұшыраған ұшағында болғандардың бірі. Стюардессадан бөлек тағы бір экипаж мүшесі аман қалды.

https://t.center/tengri_kz

Ақтаудағы ұшақ апатынан қаза тапқандардың бірі - Сәндібек Төлесінов. Ол 1988 жылы дүниеге келген, Маңғыстау облысы Жаңаөзен қаласының тумасы.

Сәндібек Төлесінов "Өзенмұнайгаз" АҚ-ның мердігер ұйымы "МұнайФилдСервис" ЖШС механикалық-энергетикалық бөлімінің инженері болып жұмыс істеген. Компания мәліметінше, марқұм бұл салада 16 жыл еңбек еткен.

БАҚ пен әлеуметтік желіде марқұмның артында жұбайы және 4 баласы қалғаны туралы ақпарат тарады.

https://t.center/tengri_kz

Ұшақ апатынан қаза тапқандардың арасында Маңғыстау облысының тумасы бар. Ол - Бауыржан Жұмағұлов, 1985 жылы дүниеге келген. Жаңаөзен қаласынан.

Бауыржан Жұмағұлов "ҚазМұнайГаздың" еншілес компаниясы "Өзенмұнайсервис" ЖШС-ның жұмысшысы, 4-ші дәрежелі бұрғышының көмекшісі болған. Компания мәліметінше, марқұм мұнда 2008 жылдан бері еңбек еткен, өзін адал және білікті маман ретінде көрсеткен.

БАҚ пен әлеуметтік желілерде тараған мәліметке сүйенсек, марқұмның артында жұбайы мен 6 баласы қалған.

https://t.center/tengri_kz

Қазіргі уақытта оқиға орнында ұшақтың конструкцияларын бөлшектеу жұмыстары жалғасып жатыр.

Оқиға салдарын жоюға 306 адам, 101 бірлік техника, 2 әуе кемесі және 6 кинологиялық есептоп жұмылдырылды.

Қаза тапқандардың 38 мәйіті табылды, олар медициналық сараптама орталығына жеткізілді, олардың ішінде 6 Қазақстан азаматы және 3 экипаж мүшесі бар. 7 адамның денесі анықталды.

https://t.center/tengri_kz

Бүгін ұшақ апатынан зардап шеккен тоғыз ресейлікті Ақтаудан Мәскеуге жіберді.

https://t.center/tengri_kz

Ақтаудағы ұшақ апатында қаза тапқандардың бірі - стоматолог дәрігер Сәлима Жутаева.

Сәлима 29 жаста болған. Парақшасында оның стоматолог екендігі және саяхаттауды ұнататыны жазылған.

https://t.center/tengri_kz

Ақтауда ұшақ апаты болған жерді суретке түсірген блогер қамауға алынды.

Адвокаттың мәліметінше, Маңғыстау облысы Түпқараған аудандық соты Азамат Сәрсенбаевты құқық қорғау органының заңды талабына бағынбағаны үшін кінәлі деп тауып, 10 тәулікке әкімшілік қамауға алу жазасын тағайындады.

https://t.center/tengri_kz

Талғарда кісі қолынан мерт болған Шерзат Болаттың әкесі Қаржаубай Нұрымов босап шықты.

Әлеуметтік желіде Қаржаубай Нұрымовтың Қазақстан халқына үндеу жасаған видеосы тарады. 

Оны 10 желтоқсанда полиция ұстап, соттың шешімі бойынша 15 күнге қамауға алынған еді. Ол "Ұсақ бұзақылық жасады" деп айыпталған, қазір отбасының жанында.

https://t.center/tengri_kz

Ақтаудағы ұшақ апатынан қаза тапқан қазақстандықтардың тізімі жарияланды:

- Төлесінов Сәндібек Екібайұлы, 16.11.1988 ж.т., туған жері: Маңғыстау облысы, Жаңаөзен қаласының тұрғыны.

- Жұмағұлов Бауыржан Жұмабайұлы, 30.09.1985 ж.т., туған жері: Маңғыстау облысы, Жаңаөзен қаласының тұрғыны.

- Махсудова Галина Растамбековна, 12.01.1978 ж.т., туған жері: Маңғыстау облысы, Ақтау қаласының тұрғыны.

- Шаймерденова Гаухар Жұмағатқызы, 17.07.1975 ж.т., туған жері: Алматы қ., Астана қаласының тұрғыны.

- Гаухар Шаймерденованың ұлы - Жұмағат Эльдар 23.08.2013 жылы туған, Астана қ. тұрғыны.

- Джутаева Салима Аманжолқызы, 21.02.1995 ж.т., туған жері: Қостанай облысы, Қарағанды қаласының тұрғыны.

Отбасыларына қайғыра көңіл айтамыз!

https://t.center/tengri_kz

Қара жәшік табылды. Бұл туралы жаңа ғана брифингте Бас көлік прокуроры Тимур Сүлейменов мәлімдеді.

Көлік министрі Марат Қарабаев әуе апатынан қазақстандықтардың ешқайсысы аман қалмағанын растады.

https://t.center/tengri_kz

Қанат Бозымбаевпен сөйлестік. Оның мәліметінше:

- Ауруханада 29 адам жатыр, оның ішінде екеуі бала

- 11 адамның жағдайы - тұрақты ауыр. Қалғандарының жағдайы - орташа ауыр.

- қаза тапқандардың денелері күйген, жеке басын анықтау үшін сараптамалар жүргізіледі

- зардап шеккендердің бірінің жеке басы әлі анықтамады, ол ес-түссіз

- алдын ала ақпарат бойынша, тірі қалғандардың арасында қазақстандықтар жоқ

- іспен біздің Бас Прокуратура, ІІМ, авиация органдары айналысып жатыр

- әзірбайжандық әріптестер де тергеуге қатысып жатыр

https://t.center/tengri_kz

Үкімет жанынан құрылған комиссия Ақтаудағы ұшақ апаты болған жерде жұмысын бастады.

Қанат Бозымбаев ауруханаға жеткізілген зардап шеккендерге барып, шетелдік әріптестерімен кездесуді, сондай-ақ штаб отырысын өткізуді жоспарлап отыр.

Барлық төтенше жағдайлар қызметтері, криминалист-эксперттер, прокуратура органдары ТЖ режимінде жұмыс істеп жатыр.

https://t.center/tengri_kz

Желіде Ақтауда құлаған Әзербайжан ұшағының салонынан видео тарады.

Бұл кадрларды жолаушы әйеліне жіберіп, бірдеңе дұрыс емес екенін байқағанын жазған. Адамдар үрейленіп, дұға етіп, жолаушылар оттегі маскаларын пайдаланғанын көре аламыз.

https://t.center/tengri_kz