شعر ترکی بلداجی : گلن بیلگ بلدجیمز حالونی: بخش اول : #تاتینا_کاوه_بختیاری قولاق آسون دانوشانلار قیلنده بلدجی لی گوزی یاشلی ، گیلنده داغلی اییرگ ایستر سوزوم بیلنده شاید بیلدوگ دنیا ایشی نیج اولدی فانوس اولدوی گِرد گینیزین آلوشما هر یِردَه دِرد آدم گوردی قاروشما گِرمَزلره یاخچی ایزدن دانوشما غلومعلی عاشقباشی نیج اولدی سوزو دان تا نوروز آقا یوردلاری گینی داغی بادوم‌لاری مورد لاری غزال لاری شکال لاری قوردلاری چشمه پشتی، نجات قاشی نیج اولدی ایل کچنده آت قودوران آرواد لار شونا سالان پنج تیر پرون، برنولار سیری سیری آق قولاقلی قویونلار تنوش داغی گزن کیشی نیج اولدی سراک داغی بیلیر ایلم حالونی سواش لی ایل تاریخنی سالونی تریده لر های و هوویی قالونی بایرام علی سپان داشی  نیج اولدی سازگارلی ساچی قشنگ عیال لار سواش چِنده کیل چکنلر مارال لار گورز گترن او غیرتلی جاهال لار علی ممد شهید باشی نیج اولدی حمام دمی پیسین اولان شولوق لار تومان قری کلاقچه آرخالق لار قیزلر گلن سو اپاران طولوق لار چشمه مرغی قنات باشی نیج اولدی قاری یازلار مرد جوقی چخنده آروادلاری شنگ و مچه بیچنده عشایر لر یَلن چادر  چکننده هیار لارون یاخچی ایشی نیج اولدی ساز و دهل کیل چکنلر قیزلری قالی لری یلن لری بزلری  آری ایرگ اری الیی  گوزلری بلدجی لر قوم و خویشی نیج اولدی قار گلدنده پیسین چاقی اچاردی قارشیمزده کلار داغی اقاردی اجل گلدی کیشی لری اپاردی علم تکین بییک کیشی نیج اولدی گلن گنه‌ کاگل چگگ داملارا سو دولادوراگ تولوق لاردان جاملارا جفت باقلی یگ اِکوز لری چاملارا بلدجیلَر مثل لری نیج اولدی؟ یاتان صیاد شکار اَله گَتِرمَز بیلمز آدم بار منزله یتردمز خوبلوق ایله خوبلوق سَنی ایتردمز تا بیز گِرگ سنی ایشی نیج اولدی ادامه دارد... #تاتینا_کاوه_بختیاری https://t.center/tatinakavehbakhtiari