دوغونون قیزیل قیزی! بو ائشیت‌سیزلیگه دای قاتلاشما؛ کیم دئییب سن‌دن چوخام من؟ کیم دئییب؟ کیم دئییب من‌دن آشاغی‌سان خانیم؟... ناغیلین اوتانجی دیر سس‌سیزلیگین؛ نه‌دن‌سیز دئییل سنین بو سونمگین. سنین ایشگنجه‌ن‌ده، من‌ده سوچلویام! آدیم اولسا سنین یاردیمجین بئله.... باجی‌جیم آغلاما، من‌له‌ گل یولا؛ اولکه‌میز ایگیدلرله تا دولودور. هر یئری دوزدو کیشی‌لیک دولدوروب، دوزدو قادین اولدورن اولوب بو یورد! باجی‌جیم آغلاما، گل من‌له بیر اول؛ کی اولار گؤی قورشاغین کؤرپو چکک. کی اولار داخما‌یا، صاندیق‌خانایا، قیرمیز خط چکک!... ای قیزیل قیز، ای عدن‌دن یارالی، تاپیشیر یئل‌لره حوّا ناغیلین! قوی آپارسین اونو یئل‌لر اوزاقا، دوزدو بو ائسگی ناغیلی یئل‌ده بئله اینانیب، آلدانماز! قفس‌دن بئزگین خانیم، نازلی باجیم! یئرین آخ سوسما بوجاغی کی دئییل؛ یولداشیم، جیغیرداشیم، سنین ائوین اونوتقان‌لیغین کی آردیندا دئییل! کیم دئییب بو گئجه‌نین سفره‌سین‌‌ده، گونش‌دن منیم پاییم، آرتیق اولا؟... گله‌جک خلق ائله‌ین سن‌سن، سن! سن کی سؤیلنجه‌لر‌ایله بیرسن؛ تاریخین نبضینی سن دیریلدی‌سن، یارینا ساری جهانی چکیرسن... قیزلار گونو قوتلو اولسون🤍 روز دختر مبارک🤍