Худо бадҳисоб нест خدا بدحساب نیست Ҳавои гиря дораму вале ба дида об нест, Ки дар кавири сухта нигоҳ ҷуз сароб нест. Канори Сир багиряам,ки ашки ҳасраташ диҳам Насими гиря мевазад, нишонаи ҳубоб нест Чи боғҳо хазон шуда дар ин баҳори бенаво Ки сарву коҷро дигар маҷоли изтироб нест Гуноҳи мо чӣ буд, ки фасли гулфишони боғро Дигар хаёли мустаҳаб, мубоҳ ё…савоб нест? Ман он савори захмиам,ки лаҳзаҳои вопасин Замин фитода,хунчакон,ба ҷуз хаёли хоб нест Дили гирифтаи маро ба дасти бодҳо диҳед Ки дар сабуи зиндагӣ, наме ҳам аз шароб нест **** Вале ҳанӯз ин дилам умедро накушта аст Барои диданам биё, ки умр бешитоб нест! Ғаме суроғат омада? Ту эътино макун! Биханд! Ки шаб чароғи осмон, ҳамеша моҳтоб нест... Садои гиряҳо зиёд? Танини хандаҳо кам аст? Ту бад ҳисоб мекунӣ, Худо ки бадҳисоб нест! Ба Ишқ иқтидо бикун, на такя бар асои кас Ки моҳтоб, азизи ман, ҳарифи офтоб нест! *** هوای گریه دارم و ولی به دیده آب نیست که در کویر سوحته نگاه جز سراب نیست کنار سیر به گریه ام که اشک حسرتش دهم نسیم گریه می وزد، نشانه ی حباب نیست چه باغ ها خزان شده در این بهار بی نوا که سرو و کاج را دگر مجال اضطراب نیست گناه ما چه بود که فصل گلفشان باغ را دگر خیال مستحب، مباح یا... ثواب نیست؟ من آن سوار زخمی ام که لحظه های واپسین زمین فتاده، خونچکان، به جز خیال خواب نیست دل گرفته ی مرا به دست باد ها دهید که در سبوی زندگی، نمی هم از شراب نیست ** ولی هنوز این دلم امیدرا نکشته است برای دیدنم بیا، که عمر بی شتاب نیست غمی سراغت آمده؟ تو اعتنا مکن! بخند! که شب چراغ آسمان، همیشه ماهتاب نیست... صدای گریه ها زیاد؟ طنین خنده ها کم است؟ تو بد حساب می کنی، خدا که بدحساب نیست به عشق اقتدا بکن، نه تکیه بر عصای کس که ماهتاب، عزیز من، حریف آفتاب نیست