" اللَّهُمَّ استُرْ عَوْرَاتي " بنقولها يوميًا في الأذكار، عمرك سألت نفسك يعني ايه ؟! يعني : " يارب استرني في كل شئ محبش يتكشف " - من عورات الأخلاق : يطلع مني رد فعل وحش يصدم الناس فيا و أنزل من نظرهم يطلع مني لفظ مش كويس ، يطلع مني خٌلق وحش بحاول أصلح نفسي فيه. - من عورات الجسد : تسترني ميظهرش مني حاجة استحي منها . - من عورات القدرات : متحطش في مهمة و قدرتي تبقى اقل منها ، أو اغلط غلطة تضيع مني كتير في شغلي او أي مهمة في يومي مطلوبة مني . - من عورات الأسرار : اسرار في حياتي محبش حد يعرفها استرني فيها . دول بعض المعاني، لكن الستر معانيه أكتر و أوسع .. ذكر مهم و كلنا محتاجينه جدًا يوميًا، إن ميطلعش مننا غير كل خير، و علشان أنت ضعيف جدًا إنك تستر نفسك فـ محتاج تستعين بالله ليل نهار يوصلك للحال ده . #مفاتيح_السكينة مني محسن