السلام عليكم اني عمري 25 سنة اسمي محمود  اشتغل مشغل على المولدات فــقبل سنتين فكرت اشتغــل شغل النت ايضاً لحتى اكبر الدخل مالتي لان وقتها مجان الراتب يكفيني يعني الف يا الله لحتى بس اطلع مصرفي شفت وحدة بنت تسوي اعلان على منتجات مال الوجه حاجيتها طلبت منها اشتغل وياهم وفعلا اشتغلت وياهم عادي اتفقت وياهم هما شركتهم  ببغداد اروجلهم عالنت المنتجات واتفق ويا الزبون واني عمولتي خمسة بس  يوم من الايام دخلتلي وحدة من نفس المحافظة الي اني بيها كالت اريد من هذا المنتج مال تبيض الوجع كتلها سعره تقريباً ويا التوصيل 35  الف وقت ما يوصل بس يوصل ابو السيارة يم بيتكم خلي زوجج يطلع يستلمه كالت بس اني ما متزوجة وحسيت من كلامها تريد تتقرب مني ما ردت اخرب سمعتي على هيج شي صار يومين وصل الطلب يمي انطيته لابو التكسي كلتله وصله لأفلان منطقة واتصل عالرقم يطلعولك راح شكد يتصل عليهم مقفل خطهم حاجيتهم عالرقم ماكو يطلعلي مقفل دخلت لصفحتهم شفت نفسي محضور دفعت سعر المنتج من جيبي وتركت الشغل لان كلت بداية مو خير وراها بعشرين يوم اجاني اتصال من وحدة ما عرفتها بعدين كالت اني فلانة ضجت منها وكتلها روحي الله وياج كالت زوجي ما قبل لذالك قفلت خطي وحضرتك كتلها لعد دنقلعي وبعد لا تخبرين طلعتي متزوجة هم وراها بسنة يتصل عليه رقم تذكرني تعرفني كتلها لا والله منو كالت اني فلانه اني فوراً عرفتها كتلها اي اعرفج انتي الي كلتلج انقلعي وبعد لا تخبرين شو زوجها فوراً اخذ التليفون منها يكلي دقيقة انت حبيبها مو عمي شكد احلف والله ما أعرفها يكلي لعد ليش رقمك محضور بالواتس وانت كتلها اي اعرفج شكد افهمه واحجي وياه ما يفيد فعرفت هذا كاعد يفتش بتليفون زوجته وشاف رقمي محضور بالواتس وكال خلي اتاكد منه صار يتعهد ويهدد ويكلي بس كلي وين بيتك كلتله على بيتي وين لان ما عندي شي اخاف منه بعدين  خفت البنت تطلق اتصل بي كتله والله معرفها وبحياتي مشايفها يكلي هيا اعترفت كالت انت تدز صورك انت وخطيبتك الها وردت بس تأخذ رايها كتله عمي والله السالفة رادت تشتري مني منتج وما عدها فلوس وحضرتني يكلي لا انت عندك علاقة وياها واني هسه اجيك وهيا طلكتها  راحت سديت الخط ورحت فوراً على نفس المنطقة الي هوا بيها شكد اخابره لحتى بس يرد ما يرد ردت بس اشوفه ابرد كلبي بي حلفت يمين اذا اشوفه اقت*له بسبب غباءه وحماقته فـحالياً معرف هسه هما رجعو لبعض لو شصار وياهم