🌹🍃🌹🍃🌹 🍃🌹🍃🌹 🌹🍃🌹 🍃🌹 🌹 101 .. 📚 😍 📃 📖 روايـــــــــــــة ✍🏼 { بالهون يا جده على نايف .. تراه وقع بحب نوره } 📖🖌 @storykaligi 🌹🍃 عند عبدالله طلع من الغرفه ناظر بالطاوله اللي بنص الصاله وعليها الاكل ملاك كانت واقفه و تنتظره؛ تفضل. عبدالله ناظر الاكل؛ واضح الاكل طيب. اجلسي ملاك جلست مقابل عبدالله؛ ان شاء الله يعجبك عبدالله اخذ لقمه من البان كيك بالعسل غمض عيونه؛ اممممم لذيذ. ملاك ناظرته و ابتسمت؛ يعني حلو. عبدالله؛ جدا لذيذ ليت قلت لك من زمان تطبخين. كيف تعلمتي الطبخ..!؟ ملاك؛ اخاف اقول لك وتضحك علي. عبدالله؛ لا قولي ما بضحك. ملاك؛ من افلام الكرتون عبدالله ناظرها؛ هاه. ملاك؛ من افلام الكرتون اللي اتابعها تعلمت هذه الاشياء. عبدالله؛ والله لذيذ. ملاك كانت مبسوطه انه عجب عبدالله وبدات تاكل. تكلم عبدالله وهو ياكل؛ اسمعي الخميس الجاي ابوي بيصلح عشاء كبير و بنروح له. ملاك بدات تختفي ابتسامتها بالتدريج. عبدالله شاف كيف انقلب وجهها؛ ملاك شوفي انا ما بجبرك تروحين اذا ما تبغين عادي بكيفك اجلسي هنا. ملاك؛ عبدالله انا اخاف اجلس لحالي. عبدالله اخذ نفس و عدل جلسته؛ ملاك شوفي ترا انا اباهي فيك عند الناس لانك انسانه طيبه وحنونه وجميله وتحترميني و لا مرره غلطتي علي شوفي مر على زواجنا شهر وانتي بدات تتقبليني وتتكلمين معي عكس قبل ملاك ليش الخوف من الناس. ملاك ناظرته بـ استغراب؛ انا حنونه وجميله وطيبه..!؟ عبدالله؛ ايوه هذا اللي انا اشوفه. ملاك ناظرته واجتمعت الدموع بعيونها سمعت كلام اول مرره تسمعه من عبدالله عكس ابوها اللي كان يهينها و يذلها ويتنمر عليها. عبدالله؛ ملاك لا تنزل دموعك على شي انتهى ملاك انا ابيك تمشين و انتي رافعه راسك انك زوجتي خلك واثقه من نفسك سمعتي اختي وش قالت انك حلوه وسمعتي امي لما وصتني عليك ترا والله حبوك ودخلتي قلوبهم. ملاك نزلت دمعتها تكلمت بصوت فيه غصه؛ عبدالله حتى انت انسان طيب وتعاملني كانك ابوي و اخوي وكل شي والله ما افكر بيوم انك تروح وتخليني مثل امي و اخوي مشعل. عبدالله؛ ملاك انا مستحيل اتركك او اتخلى عنك. بس انتي لا تبكين و انسي كل شي عيشي حياه جديده و مستقره. ملاك مسحت دمعتها تكلمت رغم انها باقي خايفه؛ ان شاء الله. عبدالله بيغير الجو؛ طيب وش رايك نطلع نتمشى بالخميس ومنها نشتري لك فستان للعزومه. ملاك هزت راسها؛ طيب. عبدالله؛ ابي الابتسامه الجميله اللي كانت قبل شوي. ملاك ابتسمت لا شعوري من كلام عبدالله، بعدها قامت عشان تلبس عبايتها. عبدالله من غابت عن عينه طلع جواله ورد على ماجد اللي كان يدق بس كان يصمت الجوال عشان ملاك عنده؛ هلا ماجد. ماجد؛ والله بدري عليك. عبدالله؛ معليش كان صامت. • نايف وقف امام المستشفى اللي فيه رغد بعد ما دق على ابوها وساله عن المستشفى نزل من السياره دخل للمستشفى وقف عند الاستقبال؛ غرفة المريضه رغد ال..... وين.!؟ الموظفه؛ شو تقرب لها.!؟ نايف؛ زوجها. الموظفه؛ طيب غرفتها الدور الثاني رقم ١٥ نايف تركها وطلع متجه للغرفه وقف قبل يدخل شاف عبدالله عمها طالع من الغرفه نايف لف للجهه الثانيه عشان ما يعرفه. نايف كان يحاول يخبي نفسه عشان عبدالله ما يعرفه، اتجه للغرفه بعد ما تاكد ان عبدالله راح، نايف فتح الباب بهدوء ودخل شاف الممرضه واقفه عندها، انتظر تطلع الممرضه بعد ما طلعت قفل الباب ودخل عندها رغد كانت سانده نفسها وما تقدر تتحرك، وجهها كله شاش مو باين الا عيونها وانفها وفمها رغد كانت ما تقدر تحرك راسها بس حركت عيونها وناظرت بـ نايف اللي واقف قبالها تكلمت بصوت منخفض وتعبان؛ كنت عارفه ما بتخليني كنت ادري انك بتجي. نايف قرب منها وهو معصب؛ بنتي بغت تموت والسبب انتي. رغد ما كانت تقدر تلف وجهها؛ نايف كل شي صار وانا مدري. نايف رص على اسنانه؛ والله لو كان صار فيها شي لانهي حياتك. رغد نزلت دموعها وكان تنفسها بطي وتبكي؛ نايف كيف صارت وجن تكفى قول لي بنتي كيف صارت نايف بعد عننها؛ بنتك والله بحياتك ما تشوفينها رغد ببكي وصوت تعبان ومنخفض؛ نايف لا تقول كذا نايف انا ابي و جن. نايف قرب لها وهمس باذنها؛ ي خاينه كنتِ مع ميين..!؟ ولا فوق هذا ماخذه بنتي معك. رغد كانت تبلع بغصتها؛ نايف لا تقول كذا. نايف بعد عنها؛ يله الحين وش استفدتي من جمالك هاه ظلمتي اخوي و طقيته عشانك ولما سافرت جاتك الفرصه وصرتي تطلعين مع شباب غيري وانتي باقي على ذمتي ما طلقتك. شوفي اليوم تشوه وجهك صرتي وحده بشعه وما تستاهل تكون ام. 🌹📚 @storykaligi 🌹📚🖋 🍃🌹 🌹🍃🌹 🍃🌹🍃🌹 🌹🍃🌹🍃🌹