💖عشاق القصص والروايات💖

#رواية_موعد_لقى_مبني_على_نية_فراق

‏ ‏بارت:٣٥
'
فـهـد: الله يـا سـارة!..
خلونا شوي نسولف عن علاقة هالأخوان
زهراء الكبيرة عمرها ٣٨ بس من يومها مالها علاقة بأخوانها ولا لها بالدراسة تحب جلسات الكبار وسواليفهم، فهد بعدها عمره ٣٤ يوم جاء فهد وكبّر ما كان يجلس مع زهراء ولا كان بينهم سوالف كان وحيد غالب وقته رغم انه كان عمرها ٤ سنوات وتقريبًا يوم كبر صارت بنت ٩ الا انه ما كان بينهم انسجام فكان غالب وقته قراءة، ومسجد، ومع ابوه، ابتهال عمرها ٣٢ جات وصارت طبعها قريب من طبع زهراء بس تحب السواليف عن الناس وحياتهم وابددد ماتشوفها تسولف معك ومستحيل تطلع معاها بسالفة مفيدة، وأخيرًا جـات سـارة وعمرها ٢٩ الحين بينها وبين فـهـد ٥ سنوات لكن كأنهم توأم يحبون بعض .. أيـام ما جـات سارة ما كانوا فرحانين فيها خواتها عكس فـهـد كان طاير فهد ومبسوط انه بتجيه أخت جديدة لان كل توقعاته في ابتهال خابت يوم كبروا، نرجع قـبل بعد زواج ابتهال..
كانت سـارة جالسة بغرفتها وحزينة لأنها صارت وحيدة دخل عليها وشافها ابتسم : لا تحزنين يا سارة
سـارة ناظرته: صرت لحالي يا فـهـد
فـهـد: مين قال انك لحالك واخوك حبيبك وين راح؟
سـارة ابتسمت: بس ماقدر أقولك كل شيء
فـهـد: عفوًا! وليه ماتقدري تقولي كل شيء اختلاف اجناسنا ما يعني اني أكون معك متحجر وما أفهمك أنا زيك ماعندي أحد ولا أقدر اشكي لأحد بس أقدر اشكي لك لانك أختي وصديقتي
ابتسمت برضـا من كلامه..
-نرجع لموقف ثاني-
يوم اعترف لها بأنه يحبّ
فـهـد: سوسو
سـارة: قلبي أخوي
فـهـد: بقولك شيء بس سر ولا ابي أحد يعرف أبد
سـارة: قوله
فـهـد: أنا أحـب وحدة وابغا أتزوجها
سـارة ابتسمت بحزن: اماانة!
فـهـد: ايه بس مابغا اتزوج الآن بكون نفسي أول واستقل ماديًا
سارة: حلو حلو وأنا معك
-موقف ثالث وكان هالموقف القاضي-
زهـراء دخلت لغرفتها وهي معصبة: سـارة ليه ماتشوفين الرجال تراه اخو زوجي وحظك لو رضي فيك أنتِ بالله مين يرضا فيك وصلتِ ٢٤ وبقي ماحد طل بوجهك
سـارة صرخت: ..

#اعادة_توجية_للفائدة
https://t.center/+QFHXLxcEWaet_3BD

#رواية_موعد_لقى_مبني_على_نية_فراق

‏بارت:٣٤
'
اليـوم مـا قبل الملكة
بيت أهـل سـلـطـان..
أم سـلـطـان: سلطان حبيبي اليوم بنروح أنا وأنت وسارة وأمها
سـلـطـان: غريبة ليه!
لـمـى ناظرته: عشان تاخذون طقم لسارة
سـلـطـان: طيب مو المفروض بعد ما نمّلك؟
لـمـى: مرتين الحين وبعدين
ناظر في ابوه: شكلهم ناوين يفلسوني ولا؟
أبـو سـلـطـان ابتسم: تحمّل اللي يبا الدح مايقول اح
ضحكت امه: لا دح ولا اح بسيطة وبنروح معكم ماراح ناكلكم لا تخاف
سـلـطـان: تمام طيب متى نطلع؟
أم سلطان: العصرية برسل لعلياء الحين
سـلـطـان: تمام الله ييسر
أبو سـلـطـان: متعب وينه؟
لـمـى: مداوم
أبو سـلـطـان: غريب مو عاجبني الولد هذا هالفترة -ولف على سلطان- متخاصمين انتو؟
سـلـطـان: لا والله
ابو سلطان هز راسه بتفكير وهو ساكت..
_
في بيت أهل سـارة..
كانوا يتقهون في الصالة
حـمَـد: هاه كل شيء جاهز يا زهراء ولا في نواقص؟
زهراء: لا يبه كل شيء تمام وكامل وبكرة ان شاءالله العصر كل شيء جاهز ومرتب
عـلـيـاء: الله يرضا عليكم حبايبي
فـهـد: آمين ياربب عاد خواتها اكيد بيوقفون معاها
ابـتـهال: اكيدد حبيبي وعقبال زواجك ونفرح فيك يارب
سـارة ابتسمت وهي تناظر بفهد: اكيدد وماراح يخطب له غيري حبيب القلبب
فـهـد ابتسم وهو يناظرها وهم فاهمين بعض
سـارة: أنا بروح أشوف اغراضي
عـلـيـاء: لا تنسي بنطلع على ٤
سـارة: ماعليك
وطلعت لغرفتها..
ابتسم حـمـد: وهذي أصغر بناتي بتتزوج مين بيبقى لي الحين
زهراء: خلاص تبقى امي وتعيشون حبكم
ابتهال : اووه مو قلت يلا تزوجوا بنجوب البلدان أنا وحبيبتي يلا جاتك من السماء
فـهـد: خير تراكم نسيتوني أنا ولدكم بقي!
ضحكوا كلهم..
عـلـيـاء: الأولاد غيررر موب زي البنات
حـمـد: فعلًا أنت اصلًا ماتجلس ولو جلست تكون مع سـارة
فـهـد: أخخ يا سـارة
وكلهم ابتسموا وهم يناظرونه..
_
#اعادة_توجية_للفائدة
https://t.center/+QFHXLxcEWaet_3BD

#رواية_موعد_لقى_مبني_على_نية_فراق

‏بارت:٣٣
'
رفعت نظرها وشافته داخل: فـهـد اشبك؟
فـهـد: مافيني شيء بدخل أنام
سـارة: وجهك مو تمام
فـهـد: تعبان شوي نامي انتِ عروسة لازم وجهك يكون بخير
سـارة: بسيطة ماعليك
فـهـد: يلا تصبحي على خير
سـارة: وانتِ من اهله
وقفلت باب غرفتها
_
طلعت للدرج وشافته جالس عالطرف
مشت لعنده لمى: متعب؟
مـتـعـب رفع راسه: هلا لمى
لـمـى: شفيك؟
مـتـعـب: مافيني شيء ليه
لـمـى جلست جنبه ومسكت يده: افاا متعب اخوي انت اعرفك قولي وش مضايقك! من فترة وانت مو على بعضك احسك مخبي عني شيء
مـتـعـب ناظرها: عرفت شيء عن سـلـطـان والموضوع شاغل بالي
لـمـى: وش عرفت؟
مـتـعـب تنهد وسكت
لـمـى: قول امكن انا اعرف نفسك
مـتـعـب: سـلـطـان متزوج غير سـارة وبالسر بعد
لـمـى ابتسمت وهي مقفلة شفايفها ابتسامة باهتة
مـتـعـب: ما أدري كيف نفهمه انه ماشي بطريق غلط وخالي حمد لو سمع بيذبحه
لـمـى: خلاص اسكت أنـت لا تقول شيء بنشوف الموضوع
مـتـعـب: سـلـطـان مو صاحي يا لـمـى ماتدرين وش يفكر ولا وش براسه خطط!
لـمـى: خلاص أنتهى قلت أنا راح أتصرف بس أهم شيء ماحد يعرف وأنت لا تشغل بالك
مـتـعـب: وش بتسوين؟
لـمـى: مالك شغل بس أنت لا تنّهم
مـتـعـب: حاضر
ابتسمت لـمـى: قوم روح نام الوقت تأخر
مـتـعـب: طيب تصبحي على خير
لـمـى: وانت من اهله
وراحت غرفتها والأفكار توديها وتجيبها وهي
متأكدة انه غدير هي زوجته بس وش السبب
اللي خلى سـلـطـان يتزوج بالسر بدون ما يعلم أحد
وليه وافق على سـارة وغير كذا باين انه بدأ يحبها
ويتعلق فيها وهالشيء ما يبشر بالخير
رفعت الشرشف وهي تتلحف وقالت: الله يكتب الخير عاد..
#اعادة_توجية_للفائدة

https://t.center/+QFHXLxcEWaet_3BD

#رواية_موعد_لقى_مبني_على_نية_فراق

بارت:٣٢

بيت غـديـر
كانت قاعدة وتفكر كيف تتصرف في الموقف هذا
تحس انها كرهت سـلـطـان بسبب حركاته معها
لا هو اللي صدق وأعترف فيها، ولا صدق معاها وعلمها عن زواجه وش الشيء اللي بيوصله
بالضبط. رفعت جوالها بتكلمه ثم فكرت ورجعت نزلته تنهدت : حسبي الله على ابليسك يا سلطان
_
عِند سـلـطـان
طلع مع غازي، كانوا يتقهون
غـازي: غريب امرك ياخي كنت تقول ماتبغا تتزوج وزواجك هذاك لو مو الاجبار كان ما تزوجت ما عرفنا لك احنا!
سـلـطـان ابتسم: سـارة غير
غـازي: وش الغير اللي فيها؟
سـلـطـان: كل شيء
غـازي: انتبه يا سـلـطـان نهاية هاللعب ماراح تكون خير صدقني
سـلـطـان: لا تشيل هم يا غـازي أنا بتصرف
غـازي: يارب تكون قادر
سـلـطـان: ماعليك أنت قولي كيف حياتك
غـازي: الحمدلله من أجمل ما يكون
سـلـطـان: الحمدلله الله ييسرلك ويسخرلك
غـازي: يارب ويهديك
سـلـطـان: آمين
_
بيت أهل سـلـطـان
كانوا جالسين لمى ولتين وامهم يسولفون عن التجهيزات، وكل وحدة تقترح شيء..
لمى: احس سارة كيوته مانبغا نبالغ مرة
لتين: صدق البساطة حلوة
ام سلطان: خلاص طيب شوفوا انتوا وجهزوها
لمى: بس خلي ولدك يفتح يده نبغا فلوس
ام سلطان: خذي بطاقتي واشتري منها
لتين: لا والله نشتري بفلوسه هو
ام سلطان: عادي يابنت انا وهو بعدين نتصافى بينا
لمى: تمام ان شاءالله
ام سلطان: تتوقعون متى يخلون الزواج
لتين: احسهم ماراح يطولون مدري ليه
ام سلطان ابتسمت: الله ييسرها يارب
دخل ابو سلطان: هاه شعندكم
لمى: نجهز للملكة
ابو سلطان: اجل شوفوا لي عروس
لمى: الله يابو سلطان وانت تقدر على فطوم
ابو سلطان: عادي ليه لا
لمى ضحكت: شوف النظرة يمهه انا
وكلهم ضحكوا على نظرات امهم اللي بدون كلام..

#اعادة_توجية_للفائدة
https://t.center/+QFHXLxcEWaet_3BD

#رواية_موعد_لقى_مبني_على_نية_فراق

بارت:٣١
'
سـلـطـان ناظره وابتسم: فهد كلمني عن سـارة
ابتسم فهد~
وبدأ يتكلم: شوف هي في أشياء كثير فيها غير عن البنات تحس انها مختلفة وأكثر شيء تقول مستحيل ينرفزها يطلع هو اللي يرفع ضغطها ويعصبها، بسيطة وفي الوقت نفسه دقيقة واحيانًا تفاصيل تمر عليك تغفل عنها بس هي مستحيل تتغاضى تحب الهدددووء جدًا وما تحب الاجتماعات والأماكن اللي فيها صخب لدرجة لو صار عندنا عزيمة تمثل انها تعبانة عشان ماتنزل أو ماتروح ولا تحب الازعاج ابدًا.. عادي تزعجك بس أنت تزعجها تتضايق
سـلـطـان ابتسم: وش الشيء اللي يميزها عنكم
فـهـد ناظره وهو مبتسم على جنب وبثقة: انها سـارة
سـلـطـان ضحك: وش هالجواب الدبلوماسي؟
فـهـد: صدق ما أكذب انها تكون سارة دايم هالشيء يميزها وحيل
سـلـطـان: ياسلام ليت كل الناس يشوفون احبابهم مثلك يا فـهـد
فـهـد: تقهوا تقهوا
سـلـطـان: تسلم
_
عـند سـارة
طلعت للسوق مع البنات
نـدى: الله الله وينك هذا كله
سـارة: سلطان جاء فجأة وجلست معه شوي
نـدى: كيف فجأة ؟
سـارة: ما أتصل وعطى خبر
نـدى: ماشاءالله عليه أكيد تنرفزتِ
سـارة ابتسمت: شوي
نـدى: الله الله شوي بس!
سـارة: ايه ليه؟
فاتن ضحكت: عشانه سـلـطـان ياحظي
سـارة تنرفزت: خلاص عاد وش ذا الكلام
ضحكوا ومشت قدامهم وهم لحقوها
وصاروا يدخلون المحلات وتختار اغراض تشتريهم~

#اعادة_توجية_للفائدة
https://t.center/+QFHXLxcEWaet_3BD

#رواية_موعد_لقى_مبني_على_نية_فراق

‏بارت:٣٠
'
'
'
كـانت تتجهز عشان تطلع السوق مع صحباتها
نزلت لتحت وهي لابسة عبايتها
فـهـد طلع من مجلس الرجال: وين وين
سـارة: بطلع مع صحباتي أكمل أغراضي
فـهـد: طيب فيه ضيف سلمي عليه
سـارة عقدت حواجبها: الرجال هنا
فـهـد: ادخلي بس
دخلت وشافته جالس أول ما شافها ابتسم
سـارة: سـلـطـان!
سـلـطـان: عيونه
سـارة: وش جابك؟
سـلـطـان: جيت أشوفك
سـارة: طيب ما عطيتني خبر أنا بطلع
سـلـطـان: اجلسي شوي عاد ما تسوى عليك
سـارة ابتسمت وجلست: كل مرة تسوي فيني الحركة ذي وأنا أتغاضى وأجلس معك بس ترا راح تكون آخر مرة لذلك لازم تنتبه
سـلـطـان ابتسم: أنا دايم منتبه وحريص على رضاك
سـارة: ياسلام على رضااي؟
سـلـطـان: اكيد طبعًا
سـارة ابتسمت بهدوء وسكتت
سـلـطـان: استعديتِ للملكة؟
سـارة: أيوه بس مابغاها تكون كبيرة كويسة في بيتنا مرة ومقصورة عالناس القراب مرررة الدرجة الأولى
سـلـطـان: غريب!
سـارة عقدت حواجبها: وش الغريب؟
سـلـطـان: بالعادة البنات يموتون عالهيصة والمبالغة أول مرة أشوف وحدة تقول مابغا
سـارة رفعت حاجب: البنات كلهم ليه كم مرة أنت متزوج قبلي؟
سـلـطـان ضحك: لا مو متزوج بس دايم نسمع
سـارة: اكيدد تتكلمون بالاستراحات
سـلـطـان ضحك بدون مايعلق سـارة سمعت جوالها
يرن فتحت شنطتها واخذته شافت مكالمة نـدى
وشافت الساعة وصرخت وهي توقف: ياويليي تأخرت
سـلـطـان مد ايده ومسك يدها: وين ما تأخرتِ
سـارة: تأخرت ياعمري مرة ندى لو تدري اني باقي في البيت تذبحني
ومشت .. يلا مع السلامة
ابتسم لها وطلعت بسرعة وبنفس الوقت دخل
فـهـد وهو يضحك: بالعادة لو اخرتها تذبحني صدقني تسامحت معك بحكم مكانتك عندها
سـلـطـان ابتسم: ياحظي والله
فـهـد: هاه متى ناوي العرس كأنك مستعجل
سـلـطـان: والله مدري بنشوف عاد
فـهـد: انتبه تقول بدون تشاورها بتعصب
سـلـطـان ناظره وابتسم: فهد كلمني عن سـارة
ابتسم فهد~
_
#اعادة_توجية_للفائدة
]https://t.center/+QFHXLxcEWaet_3BD

#رواية_موعد_لقى_مبني_على_نية_فراق
‏بارت:٢٩
'
'
'
سـارة ردت بدلع: يوووه سلطان تحسسني انك شايب تراك صغير !
سـلـطـان: مين قالك اني صغير يا عمري تراني كبرت! أنتِ كم عمرك؟
سـارة ابتسمت: هالشهر بدخل ٢٩
سـلـطـان: ياعينيي مواليد سبتمبر
سـارة: شفت شلون
سـلـطـان: شفت
سـارة: سـلـطـان بسألك
سـلـطـان: عيوني
سـارة: بنسكن مع أهلك ؟
سـلـطـان: اللي ودك يصير
سـارة: عادي بس اسأل عشان بعرف
سـلـطـان: بشوف وبرد لك
سـارة: تمام ، وينك انت؟
سـلـطـان: في السيارة اجيك؟
سـارة ضحكت: لاا يلا ما اطول عليك
سـلـطـان: استودعتك الله
سـارة : باي
وقفلت وهي تلعب بشعرها وتسرح بخيالها~
_
وبالنسبة لـسلطان..
كـان بالسيارة قدام بيته هو وغدير
نزل بعد ما قفل~
دخل وشافها كانت قاعدة تشوف مسلسل
شافته ورجعت تتفرج ما قامت..
سـلـطـان: السلام عليكم
غـديـر: هلا وعليكم السلام حياك الله
سـلـطـان : الله يحيك حبيبتي وش تسوين؟
غـديـر: اشوف مسلسل تعال شوف معي
سـلـطـان: وشبك تعبانة
غـديـر: لا مافيني إلا العافية
سـلـطـان: شدعوة ما سلمتِ عليّ!
غـديـر ابتسمت وهي تجامله: تعال أنت قلت
سـلـطـان ابتسم وهو يقرب لها كانت منسدحة عالسرير وتتفرج باسها وهي ابتسمت وبعدت
اشرت له جنبها: اجلس
سـلـطـان: طيب خليني أنزل الثوب خنقني والله يالشماغ والثوب متعبببة والرسمية شينة
غـديـر: مو مشكلة
سـلـطـان دخل الحمام -اكرمكم الله- ولبس بجامته
وطلع جلس جنبها وصار يتفرج معاها وكانت تنفر
منه كل ما يقرب لها أو يحاول يمسكها تغير الموضوع وتسحب نفسها منه~
قام وهو يبدل ويلبس ثوبه ..
ناظرته: شفيك!
سـلـطـان: برجع البيت
غـديـر: تمام
سـلـطـان ناظرها وكان متعجب منها بالعادة
تحاول فيه يقعد عندها وهالمرة ما اهتمت
حتى انه قام من جنبها لبس وطلع وقفل الباب
طلع السيارة والأفكار تاخذه وتوديه~
_
#اعادة_توجية_للفائدة
https://t.center/+QFHXLxcEWaet_3BD

#رواية_موعد_لقى_مبني_على_نية_فراق
بارت:٢٨
'
'
'
الـمغـرب في بيت أهل سلطان
كان جالس هو وامه ولمى
وكان يفكر بكلام سـارة ناظر بلمى: لـمـى
لـمـى: هلا
سلـطـان: أنتِ قايلة لسارة شيء عني؟
لـمـى رفعت حاجب وهي عاظة على شفايفها: لا وش؟
سلـطـان: متأكدة؟
ام سلطان: ليه شفيها سـارة ؟
سلـطـان: ولا شيء اسأل بس
ام سلطان: تبغا تأكد العرس؟
سلـطـان: ايه كلمي خالي قولي له نبغا نملك بعد يومين
ام سلطان: امكن البنت ما وافقت
سلـطـان: شوفيهم بس
ام سلطان: تمام الآن اتصل عليه
_
بيت أهل سارة كانوا يتقهون مع بعض
واخواتها موجودات عندهم
حـمَـد بعد ما قفل من اخته: هاه سارة عمتك تبغا رد
سـارة ابتسمت وما لحقت تتكلم الا زهراء قالت: اكيد موافقة واخيرًا جاء رجال عدل
ابتهال: ايه والله تزوجيه
فـهـد ناظرهم بنرفزة: ممكن تعطونها مجال!
سكتوا ولف عليها : هاه سويره وش تقولين؟
سـارة ابتسمت له: على بركة الله
حـمَـد ابتسم: الله يتمم ويسعدك
عـلـيـاء: آممين الله يسعدها حبيبتي
حـمَـد رسل لاخته رسالة " سـارة وافقت الملكة الاسبوع الجاي بإذن الله" ورفع راسه : ترا الملكة الاسبوع الجاي استعدوا
عـلـيـاء: بالسرعة ذي؟
فـهـد ضحك: شكله خايف تغير رأيها
حـمَـد: عاد ما ألومه بنتي مو أي بنت وياحظه فيها
فـهـد: ايه والله
ابتسمت سـارة: أنا بطلع غرفتي
زهراء : شفيك اجلسي معنا
سـارة: بكلم ندى واجيكم
زهراء: تمام
ابتسم فـهـد وهو فاهم عليها، ركضت وطلعت لغرفتها ومسكت جوالها مثل ما توقعت لقت له
مكالمة ابتسمت وهي تتصل عليه~
سـلـطـان: يـاهـلا!
سـارة: هلا فيك
سـلـطـان: كيف حال عروستي؟
سـارة: عروستك مرة وحدة؟
سـلـطـان ضحك: وش اقول زوجتي؟ ولا خطيبتي؟
سـارة ابتسمت: مو لازم تكون علاقة رسمية قول حبيبتي أو قلبي! عيوني وروحي ما تصلح؟
سـلـطـان: بنتي أجل
سـارة ردت بدلع: يوووه سلطان تحسسني انك شايب تراك صغير !
_
#اعادة_توجية_للفائدة
https://t.center/+QFHXLxcEWaet_3BD

#رواية_موعد_لقى_مبني_على_نية_فراق
‏بارت:٢٧
'
'
'
سلـطـان: حيللل!
سـارة: ماعليه الشغل يبي له كذا
ابتسم سلـطـان: اكيد
سارة كانت واقفة جنبه وتناظر فيه، سلـطـان وقف وقرب منها .. سـارة توترت وهي تناظره وهو كان يناظرها .. بعدت عنه وهي تقول: صح افتكرت جبت لك هدية أول زيارة لمكتبك!
سلـطـان ابتسم: يـاحظي..
سـارة ابتسمت وخذت الوردة ومدتها له..
سلـطـان مسكها بأيده ودورها وهو يناظر فيها ابتسم بحنّيه: شكرًا لكِ!
سـارة ضحكت بخفيف ومدت ايدها تاخذها منه : عطني هي طيب -مدت ايدها لجيب ثوبه الامامي وحطتها فيه وقالت- عشان تكون في الجزء الأيسر
ابتسم سلـطـان وقربها منه وهو يحاوط خصرها وهمس: وأنتِ كيف تخليني في الجزء الأيسر!
سـارة حسّت بحرارة وقشعريرة من حركاته وهمست: أنت ترفع نفسك للمقام هذا
سلـطـان كان شاد عليها لدرجة ماتقدر ترجع وراء أجسادهم متلاصقة: ولو قلت لك إني أحبك وشاريك؟
سـارة مدت ايدها لدقنه وتكلمت وهي تتأمل تفاصيل وجهة وعيونها بعيونه: بقولك ابيك لي لوحدي ولا غيري يغليك إن كنت راضي أنا برضا فيك!
سلـطـان ابتسم : ولو رضيت؟
سـارة ابتسمت: أشهد انك مناتي
سلـطـان: على خير ان شاءالله
سـارة همست وهي بين احضانه: بس ما تطلع عن الوعد وتكون لي لحالي!
سلـطـان ضحك: ولو طلعت عن الوعد؟
سـارة رفعت حاجب وبعدت عنه: بعلن انسحابي!
سلـطـان ابتسم بهدوء: ما لك الا اللي يسرك يا سـارة..
سـارة ابتسمت: أنا بطلع الآن وأنت تقدر تروح تتغدأ عشان ما تتعب
سلـطـان: هذه من دواعي المحبة ولا الاملاك العامة؟
سـارة: اللي ودك إلى أن تصبح رسمي
سلـطـان ضحك وقام معاها : زين بنزل معاك
سـارة ابتسمت ومشت وهو قرب لها بيمسك يدها، سحبت يدها ومشت وهو مشى وراها وهو عارف انها ما هي سهلة وبتجننه..
دخلو الـمـصعـد~
سـارة همست: سلطان
سلـطـان: قلبي؟
سـارة: كلم فـهـد طيب وقوله انك بتخلي كل شيء رسمي عشان ما ودي يزعل اني جيت هنا
سلـطـان ابتسم: ابشري عيوني لك
سـارة ابتسمت بامتنان: تسلم العيون وصاحبها
ابتسم بهدوء وطلعو كل واحد طلع سيارته~

#اعادة_توجية_للفائدة
https://t.center/+QFHXLxcEWaet_3BD

#رواية_موعد_لقى_مبني_على_نية_فراق


‏بارت:٢٦
'
'
'
سلـطـان ضحك: زوجتك؟ أفهم انك موافقة؟
سـارة: نونو قلتها للتنبيه والتذكير
سلـطـان: تمام برسلك اللوكيشن
سـارة: أنتظر
وقفلت وهو أرسل اللوكيشن فتحته وهي مبتسمة: زين يا سلـطـان خل نشوف شعندك!
_
عِـند سلـطـان
متعب: سلـطـان أنا ماشي تبي شيء؟
سلـطـان: لا حبيبي الموظفين كلهم طلعوا استراحة غداء؟
متعب: تقريبًا كلهك ليه
سلـطـان: طيب الآن الساعة ١١ قلهم مددتها لحد ١ يصلون الظهر ويرجعون تمام؟
متعب: تمام
وطلع وقفل الباب وهو جلس يناظر بمكتبه شوي قام بخ عطر ووقف قدام المراية يناظر نفسه ويعدل شماغه .. وابتسم وهو يحط من دهن العود شوي بيده: والحين تعالي يا سـارة
رن جواله وكانت هي رد: هلا وصلتِ؟
سـارة: ايه بس انه ماعرفت أي دور ومافي موظفين
سلـطـان: ايه استراحة غداء الدور الخامس امشي سيده الباب البني الطويل هي غرفتي
سـارة ؛ تمام
ورجع جلس على مكتبه وفتح قدامه ملفين
شوي دقت الباب ودخلت وهي مبتسمة: صباح الخير
سلـطـان: صباح النور
سـارة: ماشاءالله تبارك الله مكتبك رهيبب
سلـطـان ابتسم: تسلمين
سـارة: ليه ما رحت استراحة الغداء؟ ولا علمتني انه وقتها كان جبت لك شيء تاكله
سلـطـان: لا ياعيني تسلمين
سـارة: كيف الشغل معك؟
سلـطـان: الحمدلله ماشي
وشوي رن جواله ناظر وكان المدير تبع الشركة اللي اجتمع معهم زم شفايفه: مكالمة مهمة برد
سـارة ابتسمت وغمضت عيونها بتمام .. وعطول ردّ ~ سلـطـان: اهلًا حياك الله استاذ مساعد.. لا لا أكيد تبشر أنت.. طيب! .. لا شوف هم قالوا … وصار يتكلم ويشرح له قامت سـارة تتمشى في المكتب ومشت لحد ما وقفت وراء سلـطـان كان جالس عالكرسي ويفتح الملفات ويقول للرجال ..
طلعت ببالها فكرة مجنونة شافته منهمك ويتكلم بجدية وحبت تخليه يرتبك قربت منه وصارت تناظر في الملفات معه .. وهو لف يناظرها مستغرب زي اللي يقولها تبعد .. وعطول قال : خلاص ابشر على تواصل بإذن الله .. وقفل وهو يتنهد سـارة ابتسمت وهي واقفة جنبه : تعبت؟
_
#اعادة_توجية_للفائدة
https://t.center/+QFHXLxcEWaet_3BD

#رواية_موعد_لقى_مبني_على_نية_فراق
‏بارت:٢٥
'
'
'
طلـعت من الكلاس ونزلت النظارة رفعت شعرها
وعدلت حجابها واتصلت على ندى
سـارة: ندو يلا انا عند البوابة
نـدى: تمام روحي اطلعي السيارة بجيب لي مويا واجيك حلقي نشف
سـارة: تمام ياروحي
وطلعت سـارة السيارة شغلت المكيف وشربت مويا
مسكت جوالها وفتحت الواتس شافت رسالة منه ابتسمت ويوم فتحتها انبسطت كتبت له: "الحمدلله الله يسددك دايم ياربّ وحياة هانئة مليانة إنجازات"
وحطت الجوال وبنفس اللحظة اللي حطته رن وكان سلطان المتصل ابتسمت وردت: هلاا
سـلـطـان: هلاا فيك
سـارة : شفيك سلـطـان؟
سلـطـان: خلصتِ دوام؟
سـارة: أيوه والحين بطلع مع صحبتي
سلـطـان: طيب تكفيننن طلبتك اليوم بمرك
سـارة: وين البيت ولا قصدك بعد ما أخلص
سلـطـان: اللي ودك
سـارة صارت تفكر بصوت: امممم -وسألته- أنت وش تبي
سلـطـان: بشوفك بس!
سـارة: طيب خل أشوف صحبتي ولو وصلتها بيتها أكلمك
سلـطـان: تكلميني ليه
سـارة ضحكت: عشان أشوف امكن اجيك الشركة
سلـطـان: تجيني الشركة ليه؟
سـارة: عادي ابغا اجي اشوفها مافيها شيء
سلـطـان: تمام خلصي ورديلي
سـارة ابتسمت: زين
وقفلت وهي مبتسمة على ردة فعله جت نـدى وطلعت وهي تقول: اشوف الابتسامة شاقة الوجه شعندك
سـارة: أضحك على سلـطـان يقولي بقابلك
نـدى: طيب؟
سـارة: قلت له بجيك الشركة سكت حسيته وده يقول لا بس مايقدر
نـدى: لو يحبك كل المحظورات تصير مباحة معك
سـارة: ياعيني خل نختبره ونشوف
نـدى: اختبريه بعدين أول ابغا اكل بموتتت جوع
سـارة: طيب وين؟
نـدى: أقرب شيء
سـارة: طيب
نـدى: انتِ تبين؟
سـارة: لا مالي نفس بس اشوف لو وصلنا
نـدى: طيب
اكلو وطلعت ووصلت ندى واتصلت عليه
سلـطـان: هلا عيوني
سـارة: ارسلي اللوكيشن
سلـطـان: من جدك جاية؟
سـارة: هاو سلطان شفيك عبالك أمزح!
سلـطـان: لا بس مستغرب!
سـارة: مو تبيني أصير زوجتك لازم تبدأ تدخلني بحياتك!
سلـطـان ضحك: زوجتك؟ أفهم انك موافقة؟
_
#اعادة_توجية_للفائدة
https://t.center/+QFHXLxcEWaet_3BD

#رواية_موعد_لقى_مبني_على_نية_فراق

‏بارت:٢٤
'
'
'
وابتسم وهو يتصل عليها
كانت بالسيارة وفتحت : أيوه هلا
ابتسم سلـطـان: هلا السلام عليكم
سـارة: اهلًا وعليكم السلام مين؟
سلـطـان: غريب تردين على أي أحد كذا؟
سـارة: يالله أكيد انك سلـطـان هلا صباح الخير
سلـطـان ضحك: صباح النور وش هالأخلاق من الصبح!
سـارة: شدعوة موب أخلاق بس الواحد يقول من هو عشان نعرف نرد زين أمرني
سلـطـان ابتسم: ما يامر عليك ظالم بس حبيت أصبح عليك
سـارة: يسعد صباحك
سلـطـان: فاضية اليوم؟
سـارة: لا قلبي بروح الدوام الحين وبعدين بتغدأ مع صحباتي بعدين برجع البيت
سلـطـان ابتسم: حتى أنا رايح الدوام دعواتك عندي اجتماع مهم اليوم
سـارة ابتسمت: الله يسددك ياربّ
سلـطـان: يلا استودعتك الله
سـارة: مع السلامة
وقفلت وهي مبتسمة! وهمست وهي تكلم نفسها؛ مو منجده متصل عشان ادعي له!
وضحكت ومشت ..
أما بالنسبة لسلطان نزل الشركة وعطول طلب قهوته وبدأوا يشتغلون هو ومتعب واثنين من الموظفين عندهم صفقة قوية~
_
عِنـد سـارة
دخلت الجامعة قبل محاضرتها خذت قهوة
وجلست تسمع بودكاست وتنتظر الكلاس يبدأ
دخلت ندى وشافتها سلمت عليها وجلست~
نـدى ابتسمت: احس بوجهك شيء
سـارة ناظرتها وهي تمسك وجها: وشو؟
نـدى: مدري احسك سعيدة وعيونك فيها لمعة!
سـارة ضحكت بخفيف وقالت : خخخ بحول أصدق
نـدى: صدق والله حتى ابتسامتك حلوة اليوم شكلك بتدخلين بدائرة اللي يحبون
سـارة: ما أعـرف يا نـدى خايفة أخذ الخطوة بس دعواتك!
نـدى: ياروحي الله ييسرلك ويختار لك الخير يارب
سـارة: يلا لو خلصنا نطلع ناكل تمام؟
نـدى: اوك يلا انا رايحة كلاسي
سـارة: بالتوفيق ياروحي
وطلعت وراحت كلاسها وسارة بدأت محاضرتها..
_
عـِنـد سلطان
بعد ما خلص وطلعوا الزبون وهم مبسوطين من الاداء تنّفس الصعداء : أخيررًا الحمدلله
متعب: الله ييسر يارب ويوقعون
سلـطـان: ماعليك بإذن الله بيوقعون أول مرة بحياتي يكون ادائي كذا
متعب ابتسم؛ عجيبب مدري وش السبب!
سلـطـان ابتسم: ان شاءالله انه خير السبب
متعب: بجيب قهوة تبي؟
سلـطـان: ياريت
وطلع متعب ابتسم سلـطـان وأخذ جواله وحبّ انه يكتب لها " صباح الخِير مرة ثانية بطريقة مُهذبة..
أبشرك الحمدلله خلصت من اجتماعي قبل لحظات ومرة انبهروا وبإذن الله راح نوقع بكرة .. شكرًا لدعواتك❤️".. وابتسم وحط الجوال وهو متشوق لرسالتها..
_
#اعادة_توجية_للفائدة
https://t.center/+QFHXLxcEWaet_3BD

#رواية_موعد_لقى_مبني_على_نية_فراق
‏بارت:٢٣
'
'
'
سلـطـان: اشبها
غـازي: لو تدري قطعتك
سلـطـان ناظره بنرفزه: ليه تقطعني عجبها عجبها ما عجبها توصلها ورقة طلاقها!
غـازي: ياخي أنت ماحد يعرف الا براسك انت تحبها ولا ماخذها تتسلى ؟
سلـطـان: قلت لك ذاك اليوم لا تسألني وأنا ماراح أفتح الموضوع..
غـازي: الله يهدي النفوس ياربّ ويهديك يا سلـطـان
سلـطـان: آمين ياربّ
وقعدوا يسولفون..
_
في بيت أهل سـارة
صحت الصبـاح تجهزت للدوام ونزلت تحت
سـارة: صباح الخير
فـهـد: صباح النور
سـارة: وين امي وابوي؟
فـهـد: ابوي طلع يقول عنده شغل وامي قالت بتنام وتصحى ١٠
سـارة: ايوه يلا طيب افطر
فـهـد: وين رايحة؟
سـارة: الجامعة عندي كلاس وبعدين بمر على الشؤون
فـهـد: اوصلك؟
سـارة: نو باخذ السيارة وبمر على صحبتي ونروح نتغدأ
فـهـد: يعني بتتعدي برا
سـارة: يس شفيك اليوم
فـهـد: عبالي بتطلعين مع سلطان
سـارة ؛ لا خير مرة!
فـهـد: ارسلي أمس يطلب رقمك
سـارة: ما احس قرار صائب!
فـهـد: وش بتخسري جربي!
سـارة: اوكي جرب أنت
فـهـد: يعني اعطيه
سـارة: تمام
قام فهد: يلا أنا طالع
سـارة: الله يحفظك
وطلع وهي كملت تفطر ~
_
طـلع من البيت وصادف ابوه عند الباب
ابو سلطان: على وين مبكر؟
سلـطـان: الشركة عندنا اجتماع بدري بجهز كم شيء
ابو سلطان: الله يوفقك يبه
سلـطـان: آمين دعواتك
وطلع وقفل الباب
شغل سيارته وحرك للشركة وهو في الخط وصلته رسالة فـهـد أرسل له رقم سـارة وقاله ( ياربّ تكسب قلبها❤️).. ابتسم سلـطـان وهو يشوف رسالته.
وابتسم زود يوم شاف الرقم اللي مسجلة (الجزء الأيسر❤️) وسجله بنفس الاسم ..
_
#اعادة_توجية_للفائدة https://t.center/+QFHXLxcEWaet_3BD

#رواية_موعد_لقى_مبني_على_نية_فراق

‏بارت:٢٣
'
سلـطـان: اشبها
غـازي: لو تدري قطعتك
سلـطـان ناظره بنرفزه: ليه تقطعني عجبها عجبها ما عجبها توصلها ورقة طلاقها!
غـازي: ياخي أنت ماحد يعرف الا براسك انت تحبها ولا ماخذها تتسلى ؟
سلـطـان: قلت لك ذاك اليوم لا تسألني وأنا ماراح أفتح الموضوع..
غـازي: الله يهدي النفوس ياربّ ويهديك يا سلـطـان
سلـطـان: آمين ياربّ
وقعدوا يسولفون..
_
في بيت أهل سـارة
صحت الصبـاح تجهزت للدوام ونزلت تحت
سـارة: صباح الخير
فـهـد: صباح النور
سـارة: وين امي وابوي؟
فـهـد: ابوي طلع يقول عنده شغل وامي قالت بتنام وتصحى ١٠
سـارة: ايوه يلا طيب افطر
فـهـد: وين رايحة؟
سـارة: الجامعة عندي كلاس وبعدين بمر على الشؤون
فـهـد: اوصلك؟
سـارة: نو باخذ السيارة وبمر على صحبتي ونروح نتغدأ
فـهـد: يعني بتتعدي برا
سـارة: يس شفيك اليوم
فـهـد: عبالي بتطلعين مع سلطان
سـارة ؛ لا خير مرة!
فـهـد: ارسلي أمس يطلب رقمك
سـارة: ما احس قرار صائب!
فـهـد: وش بتخسري جربي!
سـارة: اوكي جرب أنت
فـهـد: يعني اعطيه
سـارة: تمام
قام فهد: يلا أنا طالع
سـارة: الله يحفظك
وطلع وهي كملت تفطر ~
_
طـلع من البيت وصادف ابوه عند الباب
ابو سلطان: على وين مبكر؟
سلـطـان: الشركة عندنا اجتماع بدري بجهز كم شيء
ابو سلطان: الله يوفقك يبه
سلـطـان: آمين دعواتك
وطلع وقفل الباب
شغل سيارته وحرك للشركة وهو في الخط وصلته رسالة فـهـد أرسل له رقم سـارة وقاله ( ياربّ تكسب قلبها❤️).. ابتسم سلـطـان وهو يشوف رسالته.
وابتسم زود يوم شاف الرقم اللي مسجلة (الجزء الأيسر❤️) وسجله بنفس الاسم ..
_
#اعادة_توجية_للفائدة
https://t.center/+QFHXLxcEWaet_3BD

#رواية_موعد_لقى_مبني_على_نية_فراق

‏ ‏بارت:٢١
'
سـلـطـان: تقهوي
سـارة: تسلم
سـلـطـان ابتسم: توقعتك ماتوافقين غريبة وافقتِ!
سـارة رفعت حاجب: ليه ما كنت تباني أوافق؟
سـلـطـان غمض عيونه وقال : تصو -الصوت اللي نقوله بمعنى لا🙄- توقعتك تعبيني!
سـارة ابتسمت وهي تنتظر بعيونه بتحدي: مو شرط انه هالموافقة أكيده سلطان أنت العريس الخامس عشر اللي يجيني -رفعت حاجب- متخيّل!
سـلـطـان عبسّ بوجهه: وكلهم شفتيهم!
سـارة ضحكت لانها لمست الغيرة بنبرته: لا طبعًا بس أغلبهم قابلتهم نفس مقابلتك أمس -وهمست وكأنها تتأمل اسمه- سـلـطـان -وكملت- أنا مابغا أتزوج عشان الزواج بذاته أنا بتزوج عشان يكون معي شخص شريك روحي يشاركني مسراتي الصغيرة وانجازاتي البسيطة وحياتي المملة شخص ما يمّل من التوافه اللي بنظري مهمة..
سـلـطان كان يناظرها بإعجاب كيف تُصوغ مفرداتها وكيف ترقق الحروف وتفخمها كان يناظرها ويتذكر كلام لـمـى لما قالت "ررراااقية"..همس راقية
سـارة ناظرته بتساؤل: وش قلت؟
ما كـمّـل إلا وفتح الباب فـهـد ودخل : وأعتقد كذت يكفي ..
سـارة ابتسمت يوم شافته لدرجة انها زادت حلاوة بنظر سـلـطـان وقامت وعطول حضنها فـهـد..
وابتسمت وهي تناظر سـلـطـان وتقوله وهي تأشر على فهد: زي عندك هذا الفارس العظيم هو حبيبي الأول بعد بابا دايم يشاركني مسراتي ودايم يهربني من الناس ودايم هو ملجأي فأنصحك تاخذ عنده كورسات ..
فـهـد ضحك وهو يبوس خدها: يـا روح روحي أنا يلا ادخلي
سـارة: عيوني
ودخلت وقفلت الباب و سـلـطـان بقي يناظر عند الباب ضحك فـهـد: هيهه خلاص بح
سـلـطـان ضحك: ياخي عجيب وش هالساره!
فـهـد ابتسم وتكلم عنها وكأنها قدامه : هي كذا رقيقة بشكل ممكن تنكسر وبنفس الوقت حازمة لدرجة تكسرك قلبها طيب رغم كل شيء تعرضت له، أعظم متعة عندها هي انها تقعد عالبحر مع شخص يسمعها، وأجمل متعة هي انها تشرب قهوة مع شخص بعد تحبه.. وابتسم بحب: سلطان أنا ما أقول كذا عشانها أختي بس سـارة غير عن كل خواتي فلو تبيها لازم تحط ببالك انها ماتحزن لان لو سـارة حزنت صدقني ماراح تلاقي اللي يسرك مني!
_
#اعادة_توجية_للفائدة
https://t.center/+QFHXLxcEWaet_3BD

#رواية_موعد_لقى_مبني_على_نية_فراق

‏بارت:٢٠
'
ابتسم حـمـد وفتح العلب حطها قدامهم
لـمـى: سلطان لبسها يلا!
وابتسم وخذا الخاتم يلبسها ولمى كانت تستغل كل حركة لهم وتصور يداتهم وهم متقاربين، وبعد ما خلص أخـذت سـارة الخـاتم وهي حرفيًا شوي وتذوب من قوة الحـيـاء ويدها كانت بـاااااردة
مد لها ايده ويوم جت بدخل الخاتم تلامست يداتهم ومن الرجفة طيحت الدبلة تبع سلطان وكلهم ضحكوا عليهم ابتسم سلطان بتوتر ومسك يداتها من برودها ومد ايده الثانية خذا الخاتم
وفتح يدها وحطوا فيها وهمس لها: لا تخافين!
سـارة شوي وتبكي من التوتر لبست بسرعة وسحبت يدها من يده..
حـمـد: يلا أنا استأذنكم خلوهم يدخلون الغرفة
لـمـى: ايه تعالوا حطيت لكم قهوة وعصير وكيك
سـلـطـان وسارة قامت معاه ومشت معاه..
دخلو الغرفة ولمى ابتسمت وهي تقول: يلا نخليكم وترا الخدمة ذاتية
وطلعت وقفلت الباب~ وعطول عمّ الصّمت الأجواء..
تنحنحت سـارة وقالت بصوت واطي: تبي قهوة ولا عصير؟
سـلـطـان ابتسم: قـهـوة
سـارة: قامت وكانت الفرشة حقتهم ريش وهي كعبها في فتحت صغيرة دعست عالفرشة ومشت خطوتين جت بترفع رجلها عيت،، وكانت تحاول بقوة .. سـلـطـان انتبه وقام ما لحق يقولها انتظري الا طاحت عليه وعطول فتح لها حضنه وطاحت بين أحـضـانـه.. شعرها ضرب على وجهه وهو ماسك خصرها كان يستنشق الريحة الجميلة اللي غزته لحد ما همست سـارة: سلطان!
سـلـطـان فز: بسم الله عليكِ تعورتِ؟
سـارة: لا بس رجلي شوي
سـلـطـان ابتسم بحنيّة: خلاص خليكِ جالسة وأنا بقوم أجيب لنا قهوة ..
وبعدها عنه وقام صب فنجانين قهوة وحط بصحن قطعة كيكة وجابها .. وشافها تناظر برجلها وهي معقدة حواجبها وواضح انها تتألم بس تكابر ..
حط القهوة ونزل عالأرض ومسك رجلها وهو يتكلم : لما مكان يعورك لا تكابرين قولي عورني !
ونزل الكعب من رجلها وصار يمسج لها مكان الألم ووجها يعطي تعابير بالألم .. لحد ما ضغط عليها بقوة وصرخت : أي سلطااان!
سلطان ضحك على خفيف وهو يكمل: خلاص الحين تمام بس طق
سـارة ناظرته وبزعل : عورتني مو كـذا الواحد يمسج
سـلـطـان ابتسم وتكلم بنبرة حنونة جدًا: أسف
سـارة عقدت حواجبها واستغربت تصرفاته كلها..
#اعادة_توجية_للفائدة
https://t.center/+QFHXLxcEWaet_3BD

#رواية_موعد_لقى_مبني_على_نية_فراق
‏بارت:١٩
.
نـِرجع عند عروستنا أو بالأصـح الفاتـنة❤️..
كـانت جالسة تتصور وهي مبسوطة من قلبها
دخل فـهـد شافها وابتسم: يا تبااارك الله وش هالحلاوة يا سـارة الله يرحم سلطان
سـارة ابتسمت: حبيبي أنت والله
فـهـد: ترا بخليك معاه لا أشوفك تعصبين
سـارة: اوك ماعليك!
فـهـد: حلوين يلا بنزل عشان لو وصلو
وطلع وقفل البـاب وهي كانت واقفة قدام
المرايا وتتأمل نفسها..
وبـعـد مرور الوقـت وصلو، دخلو الحـريم أول
والرجـال راحو المجلـس..
عـلـيـاء: يلا سـارة تجين؟
سـارة: تمام روحي وبجي
طلـعت أمها وهي خذت عطرها وبخت عالسريع وطلعت ، وكانت تحس ببرودة دخلت وسلمت
وعطول استقبلها عمتها أم سلطان ..
ام سلطان: ماشاءالله تبارك الرحمن وش هالجمال يا عـلـيـاء بسم الله ماشاءالله حلوت سويره..
عـلـيـاء ابتسمت: قصدك وش هالجمال يـا سـارة بسم الله عليها من يومها جميلة مو مني
لـمـى ابتسمت وضمتها: ماشاءالله تبارك الله وش هالزين ياختي شكلك بتذبحين اخوي
سـارة ابتسمت: شدعوة
لـمـى: لا خلاص يـمـة ترا سلطان بيقول خلو الزواج الأسبوع الجـاي هذاني قلت
ضحكوا كلهم.. لـمـى كانت تبي تجس نبض سلطان مسكت يد سـارة وصورتها ونزلت سنابه.. وكتبت عليها "عروستنا الله يبارك❤️".. وبعد مـاخلصوا واتفقوا قرروا يدخل سلطـان..
ودخـل هو وخالة حـمـد ..
حـمـد: السلام عليكم يا حريم
ردوا عليه وهو ابتسم : حياك يا سلطان ماحد غريب
دخل سـلـطـان وكان منزل راسه ورفع راسه وشافها قدامـه بقق عيونها بصدمة وكان يتأملها، وحس جته قشعريرة!.. ضحكت لـمـى وهي تأشر قدامه لحد ما فاق وابتسم : السلام عليكم كيف حالكم
عـلـيـاء: الحمدلله بخير ونعمه حياك الله يا سلطان
ابتسم سلطان: الله يحيك يا خالة
حـمـد: خلك جنب سـارة عشان تلبسها الدبلة.
جـلس جنبها وكان حريص انه ما يلامسها، وهي كانت جالسة من أول جنب لـمـى فقامت وجلس سلطان مكانها.. طلعت جابت الخواتم وعطت خالها..
حـمـد: تسلمين يالمى عقبالك
لـمـى ابتسمت: باقي باقي يا خال خلنا نفرح بالعصافير ذولي أول
_
#اعادة_توجية_للفائدة
https://t.center/+QFHXLxcEWaet_3BD

#رواية_موعد_لقى_مبني_على_نية_فراق
‏بارت:١٨
.
'
'
ابتسم سلطان وهو يشغل سيارة ويحرك..
لـمـى: بعدين يا سلـطـان الزواج مو لعبة لازم تكون قدها بعيد عن انه عمرك صك الثلاثين لازم تكون الرجال اللي يصون سـارة
سـلـطـان: ابشري عيوني
لـمـى: الله يوفقك ويسعدك ويارب تكون فاتحة خير لحياتك الجديدة والسّعيدة
سـلـطـان: الله يـسـمع منك يارب
_
الـمـغـرب في بيت أهل سـارة
كـانـت ريحة العود مالية المكان والقهوة، بـغرفة سـارة وأخيرًا كانت تحط مكياجها كان مرة ناعم ورسمت ايلاينر وحطت روج أحمر وكان شكلها ياخذ القلبب فعـلًا اللبس البسيط والمكياج الناعم ولما حطت روج أحمر ومناكير أحمر صارت مُـثيرة بشكل! مع لو بشرتها الفاتـح.. دخلت أمها شافتها وابتسمت عـلـيـاء: تبارك الرحمٰن وش هالـجمال انا ما شفتك من قبل استعديتِ كذا يارب انها خير عليك
ابتسمت سـارة: آمين يمّة..
عـلـيـاء: خلصتِ؟ عشان أجيب لك البخور
سـارة: ايه خلصت بس أبغاك تعطريني من ذا وبعدين اتبخر
عـلـيـاء: الله يجنن مرة وش ذا لذر!
سـارة: ايه فخممم أحس اني ملكة بحط منه وبعدين اتبخر بالعود وبحط دهن وأتعطر من التوباكو
عـلـيـاء: الله يـرحم سـلـطـان اليوم
ضحكت سـارة ولا علقت وطلعت أمها
تجيب لها البخور عشان تتبخر ~
فـي الـمُـقابل عند سـلـطـان عطرته لمى وبخرته أمه ولبس شماغ أبيض وثوب أبيض وهو الثاني شكله كان فـخـم جدًا .. ومُهيب .. قعدوا أخواته يتصورون معه..
لـمـى كانت لابسة فستان ناعم مشجر وأمها كانت لابسة جلابية تيفاني بحكم انه خطبة وشيء رسمي وعائلي..
سـلـطـان : يلا يمه نمشي أحس تأخرنا..
أبو سلطان : حنا قلنا على الساعة ٩ والحين ٨ يلا نطلع عشان نوصل بدري
سـلـطـان: يلا أنتظركم في السيـارة أنا
ومشـى.. وهم أخذوا الأغراض ولحقوه..
نـِرجع عند عروستنا أو بالأصـح الفاتـنة❤️..

#اعادة_توجية_للفائدة
https://t.center/+QFHXLxcEWaet_3BD

#رواية_موعد_لقى_مبني_على_نية_فراق
‏
‏بارت:١٧
.
سـلـطـان: وش تجهيزات بكرة؟
لـمـى: مافي تجهيزات بس أنت روح العصر اشتري الدبل
سـلـطـان: تمام بإذن الله
وطلع لغرفته عشان ينام..
_
الـيـوم الـثـانـي الصبـاح قامت من النوم
وابـتسمت مستبشرة خِـيـر بالصباح هذا..
قـامت أخذت شوار وصلت صلواتها وجهزت ملابسها طلعت جمبسوت أسود طويل وبأكمام طويلة، وكعب أسود نفس اللي بالصورة ..
اكسسوراتها فضيّة وشعرها كانت مخططة تسويه ويڤي~
نـزلت عند أهلها شافتهم يفطرون : صـباح الخيرر
فـهـد: هلا هلا يالله صباح خيرر
عـلـيـاء ابتسمت: يازيننن الصباح اللي تكونين رايقة فيه الله لا يحرمنااا هالابتسامة
حـمَـد: آمين ياربب
فـهـد ضحك: اليوم الأضواء كلها عليك يا حلوتي
سـارة: خلاص خلوني أفطر وأنا رايقة
فـهـد: افطري جعله عافية يارب
_
فـي بيـت أهل سـلطـان..
كـانوا يفطرون وكلهم متجمعين عالفطور..
لـمى : يلا سلطان قوم ونروح
سـلـطان: تمام افطري زين أول
لـمـى: ابشر
أم سـلـطان: خذوا الخواتم وخذوا طقم هدية للعروس وخذوا بعد شوكلاته وبوكيه ورد
سـلـطـان: الله الله يمه ترا كلها خطبة
أبو سلطان: تستاهل بنت أختي تستاهل هذه سـارة موب أي وحدة غيرها
ابتسمت لـمـى وقامت غرفتها تتجهز عشان يطلعون، طلعـوا هيا وسـلـطـان..
وراحـوا كذا سوق عشان ياخذون الأغراض..
وأخيرًا لما وصلـوا محل الـورد جاب البوكية
وحطه ولـمـى ابتسمت وهي تشوفه طلع وتنهد بتعب : وأخـيـرًا! خـلصـنا ما بغيـنا
لـمـى: اللي يبغا الـدح ما يقول اح
سـلـطـان: والله لو اني بتزوج من الأسرة الـحـاكـمـة
لـمـى: خلاص عاد ما تسوا عليك ترا سارة تجننن فضة يا حظك فيها عقليتها راااقية جدًا
سـلـطـان: العجيب انك حبتيها رغم قِـلة تواصلك معاها
لـمـى: والله جلست معاها مـا يُقـارب الثلاث ساعات فقط إلا إنها تجنننن راااقية والله
ابتسم سلطان وهو يشغل سيارة ويحرك..

#اعادة_توجية_للفائدة
https://t.center/+QFHXLxcEWaet_3BD

#رواية_موعد_لقى_مبني_على_نية_فراق
‏بارت:١٦
.
'
'
بـغرفة سـارة دخلت أمها وشافتها لابسة
شرشف الصلاة وتتمشى في الغرفة
عـلـيـاء: شفيك؟
سـارة: أفكر
عـلـيـاء ابتسمت:لا تشيلي هم شيء احنا دايم معاك وأنتِ عارفة لو قررتِ ترفضينه ماحد بيقولك شيء لانه الرأي رايك بـس على كلام فهد انه سلطان مشتريك
سـارة: طيب يمه أنا موافقة
عـلـيـاء ناظرتها بصدمة: متأكدة؟
سـارة: ايه الله يكتب اللي فيه الخير
عـلـيـاء: ياروحي أجل استعدي بكرة الخطبة
وطلعت تبشر حـمـد عشان يكلم أخته..
_
عِنـد سـلـطـان كان هو وغدير، قاعدين يشوفون فيلم وهي بحضنه سمع صوت الرسالة فتح جواله
وطـلـعت من فـهـد ابتسم ابتسامته الخفية وبانت غمازته في الخد الأيمن .. رفعت راسها وشافته
غـديـر: شفيك حبيبي؟
سـلـطـان: ولا شيء ياروحي صفقة ونجحت
غـديـر ابتسمت: صدق! الله يوفقك يارب
سـلـطـان ابتسم : يلا أنا برجع البيت الساعة صارت ٩ وامكن بكرة ماحجي
غـديـر: ياربي يا سلطان ترا مليت لحالي!
سـلـطـان: معليش ياروحي صبرك عليّ
غـديـر: طيب عادي أعزم صحبـاتي؟
سـلـطـان: لا طبـعًا تعرفين أتفاقنا في الموضوع هذا
غـديـر: تمام
سـلـطـان: يلا قفلي على نفسك وانتبهي
غـديـر: مع السلامة
وطلع وقفل الباب وهي جلست
_
في بـيـت أهل سلطان
لـمـى: يمه مين بيروح بكرة؟
أبو سلطان ناظرها: بنروح أنتِ وامك وانا وسلطان
لـمـى ابتسمت: ماشاءالله حلو
أم سلطان: لتين ماما شوفي لبسي بالغرفة وش البس طلعت كذا قطعة
لتين: اوك تمام
وطلعـت لغرفة أمها..
دخل سلطان: السلام عليكم
ردوا عليه السلام
أم سـلـطـان: هلااا تو مانور المعرس
سلطان ابتسم وهو يجلس: هاه وش تجهيزات بكرة..

#اعادة_توجية_للفائدة
_https://t.center/+QFHXLxcEWaet_3BD