أبرز ما ورد في تقرير #ود_المصطفى ليوم الثلاثاء الموافق 5.نوفمبر.2024. العناوين: ⭕ إبراهيم جابر. ⭕ إستلام احد الطوابير. ⭕ أمدر قربت تتعافى. ⭕ الموقف العملياتي. _____________ 📌الطابور التم إكتشافه: ■ في واحد عامل فيها مفتح ، بدي إحداثيات و بكشف مواقع الأسلحة و المخازن ، اتقبض و عندو مراسلات مع الجنجا ،تم إكتشاف و الآن يؤسل ، أستيك صاحي. ■ دا ما فيه عفو عام ولا غيرو ، معروف تمشي تأخد لقطة في الدِروة ، دي خيانة عظمى. ■ البوسخ من الداخل أخطر من الجنجا. ■ العملتو هيئة الإستخبارات بمعاونة بقية الأجهزة دا بفوق أجهزة بتاعت دول متقدمة ، مؤامرة كبيرة و مخطط كبير في النهاية الناس ديل [الناس ديل : تعود للقشم] قدروا يشتغلوا و فككوا كل المخططات و قدروا يدوروا البلد بفهمهم و قدروا يرصدوا كل تحركات الجنجا. 📌 الفريق الركن بحري / إبراهيم جابر إبراهيم: ■ السيد الفريق إبراهيم جابر كشح الحلة و سمى الأشياء بمسمياتها ، الدولة البتدعم الجنجا و خطوط السير و الدول البتتعامل معاهم بالمقابل و فاتحة حدودها عشان يدخلوا آلاف المرتزقة و كذلك الدعم بتاعهم المتمثل في الأسلحة و الذخائر. ■ الجيش مفروض يعمل مؤتمر يعرض فيه الأدلة [الجوازات ، نوع الذخائر ، نوع الأدوية ، الرصد التم رصدو] ، البمنع شنو تعملوا مؤتمر رسمي؟ غير أنو في ضباط مخابرات [إماراتيين] هلكوا في الأحداث دي اتجاهات ( نيالا / الفاشر / الجزيرة). ■ شغل الغتغتة انتهى ، و اللعب بقى على المكشوف و التحية للسيد الفريق ركن إبراهيم جابر. 📌 تهميش أبو طيرة: ■ أبو طيرة بقدلوا في أمدرمان شايفنهم الليلة براكم. ■ أبو طيرة ديل لو كانوا بتاع 2008 ، والله الجنجا ما كان أخدوا ساعات. ■ أبو طيرة هُمش ، و إهتمام بيه بقى ماف ، عنان لعب دور كبير في الموضوع دا ، سحبوا منهم الأسلحة التقيلة و أغلبية الثنائيات أدوها الجنجا. ■ أبو طيرة في المقرن رانيين و شغالين و أكتر ناس بخافوا منهم الجنجا ياهم أبو طيرة و هيئة العمليات. 📌 أمدرمان: ■ أمدرمان شبه انتهت ، ما فضل فيها شيء نظافات بس بإذن الله ، الجنجا القاعدين جنوب أمدرمان جهة صالحة ما ناس دواس ولا بتقدموا و مخالفين تعليمات. ■ الجنجويد الفي سوق ليبيا و جهة دار السلامات أمورهم جايطة لما بغادي ، مشاكل فيما بينهم و أغلبيتهم مصابين. ■ ناس أبو طيرة ما شاء الله تبارك الله حايمين و سغالين استعراض و بحقهم 🦅🇸🇩. ، انتوا رفعتوا رأس الشرطة🦅🇸🇩 و انتوا الثبتوا إسم الشرطة🦅🇸🇩. ■ عدد 4 عربة تم تحييدهم خلال اليوم + عدد من الجنجويد تم تحييدهم. 📌 جنوب الخرطوم: ■ في معارك محتملة و ما بتأخد وقت كبير و الجنجويد ما حيصمدوا فيها بإذن الله ، أصابتهم الهشاشة. ■ الوضع اختلف ، أي موقع أو دفاع متقدم ما بياخد زمن ، حكاية الجيش يجي و يرجع ماف ، الجيش بقى لو قصد أي دفاع بستلموا بستلموا. ■ خلال اسبوعين الجيش إستلم 6 مواقع من الجنجا. ■ القصف المدفعي استهدف: 》الصحافة 》جنوب الحزام 》الرميلة 》المدينة الرياضية 》الرواد. ■ حصيلة العربات التم تحيدهم 8 عربات + 2 عربة ملاكي. ■ إقبال كبير جداً من المستنفرين و ديل نجضوا جد جد 📌 وسط الخرطوم: ■ في تقدم ملحوظ و الجيش استطاع يتقدم و حيد عدد كبير من المواقع و الآن بتقدم بثبات و اتوسع هناك. ■ جملة العربات المدمرة وسط الخرطوم عدد 5 عربة. 📌 بحري: ■ في شغل تامي في بحري. ■ و غير صحيح توقف الجيش عن العمليات في بحري. ■ الجيش حيفتح جبهات قتال جديدة و بحصل ربط قريب بإذن الله. ■ في أهداف تم تحيدها في كل من: - شمبات. - كوبر. - السوق. - الشعبية. - الجيلي: عدد 3 هدف تم تحيده. 📌 الجزيرة: ■ في عمليات تامة في الجزيرة ، و طلبنا من أصحاب الصفحات ما تنقلوا حتى لو جات المعلومة ، ما عشان سبق صحفي تضر بقية القوة ، خلي الناس ديل بعد يتحركوا و انجزوا المهمة ، إذا أعلنوا أعلن. #لا_لتصوير_المتحركات ■ ماف أي تحرك للجنجا اتجاه المناقل و المقطع المنتشر طلس. ■ الجيش بدأ عمليات زحف و سجل دخول لبعض القرى و ما حنكشف عن أسمها ، و عدد من الجنجا تم تحيدهم و عدد 7 عبارت تم تحيدهم. ■ في صحوة لجيش الشرقية و بدوا يتحركوا. 📌 سنار: ■ سنجة خلوها مفاجأة يوم من الأيام بتصحوا تلقوا الجيش دخل سنجة و لقدام. ■ الداير يرجع السوكي يرجع و الدندر الناس رجعوا و الأمور تمام و أي متعاون تم إستلامو و منتظرين المحاكمة (بالقانون يتحاسب). 📌 الفاشر: ■ الجنجويد في الفاشر مبلولين و جاريين و أمورهم جايطة و اليوم الفاشر في هدوء. ■ الجيش و المشتركة سايقين الجنجا سواقة ضان. 📌 نيالا و الجنينة: ■ الأوضاع في نيالا صعبة ، غلاء طاحن و فوضى زي الفوضى و عشرات الجرائم. ■ الجنينة لا أمن ولا أمان و غلاء طاحن.