نیه بوُ تیزلوُغه یَرپاغوُ سئسال‌لی، اۆرئی‌یئم ؟! نیه گوسگوُن‌نه هامی آرزو قال‌لی اۆرئی‌یئم ؟! نَمه دئیرمان‌لئری باشوُن‌نه گیچئردی بوُ فلک ؟! کی بیله سَپدی بئلاو،جانوُوی آل‌لی، اۆرئی‌یئم؟! نیه دوْنیانوُ زۆخی یئغدوُ بوُ نازِک جیگره؟! نَمه اوْل‌لی،بوُگوُنه کیم سئنی سال‌لی، اۆرئی‌یئم؟! نَمه باعِث‌دی بوُجوْر کَسدوُ هامی زارده امید؟! نَمه‌لَر گوْردوُ بوُجوْر باغروُ قَرال‌لی، اۆرئی‌یئم؟ نا امید اوْلماغوُ اندازه‌سی وار، دِق ایله‌سه ! نَه نِیامدلوُغی‌دی یَخه‌آوی آل‌لی، اۆرئی‌یئم؟! مگر اوْلمی آبو حد اَل چَکَسه زندگی‌ره؟ نیه دایئم خوراکوُ فکر وخیال‌لی، اۆرئی‌یئم؟! سه دییَردوُ مه وارَم چئخمئسی اوْن‌دوْرد گجه آی! هاسی تۆن‌لَرده بوُجوْر جِن سئنی چال‌لی،اۆرئی‌یئم؟! سوُ دورئردی سَنوَ شیرین سۆزوُ دورمَزدی،ولی هرکه بیلمَز دیه مادرزادی لال‌لی، اۆرئی‌یئم اَوولِ زندگی چوْخ خوشدی چاتَر آخرئِنه آرَمو اۆز جانی بوینئنه واوالی، اۆرئی‌یئم! هرکَسه آوغَره کی خوش گیچَر عوْمری سایئلی باقی ژست توتماغئمئز حال‌ و هاوال‌لی، اۆرئی‌یئم! آبوُ دوْنیانوُ ایپی‌نه چئپه گیتمه عَقئل اوْل! بی‌وفالوْغده کئتاولَرده مِثال‌لی، اۆرئی‌یئم! بشروُ آخِری شَردی بوُنی گوْرمی هامی خَل ایشئمئز هامئمئز آخِرده بَطال‌لی، اۆرئی‌یئم ! مظهری مئشئلوُغی واردی اگر خوش تاپه‌سه ! خوْش اۆرئی تاپماغی دوْنیاره مُحال‌لی،اۆرئی‌یئم ! 📝 شاعر : #علی_اکبر_مظهری #سنقر ۱۳۹۱ 🎙 آواز : #سعید_ایزدی 🎤 دکلمه شعر : #سعید_خورشیدی 🎵 تار : #سعید_فصیحی 🪘 تنبک : #فرهاد_مظفری 🎼 سنتور : #مجید_امیری 🥀 #گروه_هنری_فاخر ─┅═༅𖣔‎‌‌‌‌𖣔༅═┅─ @art_group_fakher ─┅═༅𖣔‎‌‌‌‌𖣔༅═┅─