قصيدة ع وزن يمه اذكريني من تمر زفة شباب....اعتذار اباالفضل ع من والدته ام البنين ع
يمه اعذريني اتعطلت برض الطفوف
ماشلت نعشج عندي ماضلت جفوف
ابنج الغالي ما يرد يمه
سايله دمومي من كثرطعن السيوف
يمه ماجيتج من دنت ليج الوفات
ادري محتاجه لشوفتي وكت الممات
سهم البعيني لو تشوفينه
سايله ادمومي من كثر طعن السيوف
يمه اذاني نعشج الخالي و بجيت
بساعة منيتج ماحضرت انه واجيت
طاحن جفوفي والعلم ماطاح
سايله دمومي من كثر طعن السيوف
انتي ربيتي يمه ما ضايع رباج
يمه الج تاريخ انملت صفحاته بوفاج
ابنج الغالي وفه بوعوده
سايله ادمومي من كثر طعن السيوف
ادري عانيتي والنزل خالي عليج
جنتي منتظره وليدج يعود ويجيج
وعدي وفيته وطاحن جفوفي
سايله ادمومي من كثر طعن السيوف
يمه ونيتي ونت مفارك عليل
وردتي لضعونج الولد بيده اليشيل
ادري بمصابي ينجرح كلبج
سايله ادمومي من كثر طعن السيوف
خلصتي عمرج منتظره يم البنين
وياخذج شوكج لكربلا نار الحنين
هم ذكرتيني وهملت ادموعج
سايله ادمومي من كثر طعن السيوف
بقلم الشاعرة ام كرار الساعدي
https://t.center/joinchat/AAAAAFK-hG3EMpVAJN5VEg
