💫🇾🇪✍ شعــــراء المقــــاومـــة 🇾🇪💫 شهر الصيام اقبل وشعبان ارتحل  والـعـام الاول زل والـثـاني تـلاه والفقر حول الأمة استفحل وحل والهم حاط الشعب من كل اتجاه والواطي اصبح فوق والعالي نزل والتافهين اصبح لـهـم سمعة وجاه والحرب طول والحوار اصبح جدل والسلم ولّـى والسـلا غـادر وهـااه وانصار عبد اللات جـونا بـالفشـل والمـ وت لاسـ..  .. عـدمنا الحياة والشعب ذي كـنـا نـظـنـه قد عـقـل ماقد عقل شي يشهد الله من سماه عـاد الـقـبـايـل كـلهـم راس الجـبـل مـاقـد نـزل نـاجـي ولا عـبـد الإلـه كلن يرى الثاني سبب في ماحصل ويرى خطأ غيره ولا يعرف خطاه واليوم شوفوا حال شعبي لين وصل مـن باطل الباغي ومن صفق مـعـاه قطعوا معاشه بعدما استجبن وذل وقطرنوه مـن راس مـشـه لا حفـاه ولا فـتـح لـه بـوفـيـة والا مـحـل يدفع خمس للبدر من غير الزكاة والآن ياقارئ حروفـي والـجـمـل ضاقت وماعد ينفع الشاكي شكاه الحل فـي حسن النوايا والـعـمـل وطاعة الله تعتبر حـبـل الـنـجـاة مـن زل واخطأ تـاب لله واعـتـدل والماضي المعتل في الحاضر دواه اتـوحـدوا يا كل جـمـهـوري بـطل واتميلوا مـن شـور قطاع الصلاة وكل من قال استووا سدوا الخلل في سـلـم والا حرب لبيتوا نـداه ومن خرج من صف ربعه وانفصل لا تسمعوا قـوله ولا تمـشـوا قـفـاه الـظـن بـعـد الله فـيـكـم والأمـل وخـيـركم  مـن طاع ربـه واتـقـاه واهـل الحوايج لا تـردوهـم عطل من جاد واعطى زاده الله من عطاه الـدهـر يـوم بـيـوم والدنـيـا دول والـمـوت قـادم يامحبين الحيـاة وخير الحكا ماقل في لفظه ودل وما كثر يسمج  ويـتـغـيـر حـلاه ذكـر النبي طب الـمـواجع والعلل صلوا على من حبه الله واصطفاه كلمات #الشاعر_مجلي_القبيسي شهر كريم.. وكل عام وانتم والوطن والأمة العربية والإسلامية بخير وصحة وسلامة. -------------------------------- 💫🇾🇪✍ شعــــراء المقـــاومـــة 🇾🇪💫 ⓣelegram.me/Shoara_mg