“Шеърият” суҳбатлари     Қумқўрғон тумани марказий кутубхонасида янги ташкил этилган “Шеърият” адабий клуби анжумани бўлиб ўтди. Тадбирни шоир Менгнор Олломурод бошқарди.      Анжуманда “Маҳмудхўжа Беҳбудий ҳаёти ва фаолияти ҳақида” маъруза тингланди. Жадидлар ҳақида кенг доирада суҳбат уюштирилди. Унда ижодкорлардан Мамаюсуф Гадоймуродов, Мадина Мамасаидова, Мақсуда Ғаниева, Ҳалим Малик ва бошқалар сўзлашди.        Ўзбекистон Ёзувчилар уюшмаси аъзоси Менгнор Олломурод “Жадидлар ва бугунги давр” мавзусида гапириб берди. Қатнашчилар жадидлар фаолиятини теран ўрганиш лозимлиги ҳақида ўз фикр-мулоҳазаларини билдирди.     Анжуман баҳсларга, ранг-баранг фикрларга бой бўлди. Шунингдек, анжуманда шоирлар ўз шеърларидан ўқидилар.        “Шеърият” адабий клуби тадбири ниҳоятда қизғин ва жўшқин ўтди. Музаффар Қурбонов Ўзбекистон Ёзувчилар уюшмаси Сурхондарё вилоят бўлими адабий ходими https://t.center/Sheriyatadabiyklubi