صباح مّليان
#حُـب ..
♥️🌍وأنا ماشه في الشارع قبيل لفتت انتباهي عبارة مكتوبة علي ظهر ركشه ؛ العبارة كانت بتقول :
" أنا ما خُنتك لكن عجبني إهتمام غيرك " ..
♥️قريتها قُرابة الخمس مرات ؛ ف الأخر لقيت انو نحن تلقائياً بنميل أكتر للطرف البقدرنا ، الـ بستثنينا ، والبشيلنا في رِمش العين والـ بيملانا إهتمام ..
عموماً نحن ما مُحتاجين حاجة أكتر من انو نلقى إنسان يهتم بأبسط تفاصيل روحنا ؛ إنسان يمِّد لينا يدو وينقذنا لما نقع في بئر الحُزن والإكتئاب .
يبقى لينا نقطة الضوء البتكون منتظرانا في آخر النفق ..
الإهتمام بيغير القلوب المليانة بالقسوة وبخليها تـحِّـن ،
وهو احسن واجمل من الحب بي مليون الف مرة ، لما تلقي زول بحبك بس ما مُهتم بيك الفايده شنو ؟
الإهتمام بخليك تقع في غرام الزول القدامك غصباً عنك وبخليك دايماً مشدود تجاهو وتبدأ تتعلق بيهو .
الزول البهتم بيك دا حيكون مُركز مع ابسط تفاصيلك وفاهمك صح .
وخليك عارف ؛ علاقة حُـب من غير إهتمام عمرها ما حتنجح لأنو الإهمال حيلعب الدور الأكبر في الفراق .
" لأنو ببساطة كِـدا الحُـب يُولّّـد من رحِّـم الإهتمام "
💙
