قناة المجاراة الشعرية✨

مجاراه الامس تحدثت عن الغارات الهستيريه اللتي شنها العدوا على صنعاء ليلة امس تحت هشتاق #العدوان_يقصف_صنعاء

البدايه مع / #ابو_مياس_الراعي

‏ذي يقصفوا صنعاء على قلب بارد
لابد نعلن ضدهم بدر كبرى

نرسل له البركان والبدر واحد
وندخله في ليل وايام غبراء

بكره يجيك الدور ياورع زايد
بعد الرياض اترقبوا سوء امرا

وذي مافهم مبعوث دك القواعد
با يفهم المبعوث مالك وعزرا✋


#محمد_حزام_متاش

مهما قصف صنعاء وكابر وعاند
بانجعله لاجيال عبره وذكرى

يتجرع الويلات من شعب صامد
ذي ما درى قولوا له اليوم يدرى

فـ اليوم لا عاصم لهم او مساند
من قوة الله مدنا عز نصرا

قولوا لبن سلمان مع ورع زايد
جاء وعد ربي يقضي الله امرا


#عباس_الحمزي

‏شعب اليمن شمر ومد السواعد
والله قد أيَّـد بتحقيق نصرا

لأننا شعب الإبـاء والعقايـد
وايمانـنـا بـالله سـراً وجهرا

قل للعدا والحلف حلف الموايد
مهما قصف شعبي ومهما تجرَّا

شعب اليمن هو طول عمره مجاهد
عايش حياته يقضي العمر حُـراّ‌

ومن غزا أرضي حنب فالمصايد
نسقيه من سوقات زيتي وحمرا


#ابو_مشعل_الصادق

هذا السعودي اليوم لمريك ساجد
قد باع دين الله بإعلان جهرى

من الجو يقصف بس في الأرض شارد
و جحيم ناره فوق صنعاء تجرى

اقصف بنار الحقد يا شر فاسد
من ضربكم مااهتز في الراس شعرى

رد اليماني بايجي ك الرواعد
ياخاين البيت المقدس والاقصى


#أنس_الظرافي

يالله يامـن لك عبـيدك ساجــــد
ثبت خطاويـنا بوجـه الاعـــــداء

صنعاء اليمن تقصف واهله راقـد
تحرق وتشــــعل نار بليله غـدراء

يا مدحــجي يا حميري يا حاشد
رد القــصف لــهله عدد مايحصى

هات المسير ذي يــصحي الراقـد
خل الرياض ذاليوم ناره تـــصلى


#سند_الصوفي_شاعر_الجرحئ

والله لن نركــع ولا لن نحايد
كلا ولن نخــضع لعدوان شرا

ياطائرات الغزو ياهل المكايد
جايي لكم ردي مثنئ وعشرا

وردنا كابوس مرعـب وجامد
يسحق ويفنـي باتولون دُبرا

مسّلمِين ڵڱ سيدي خير قائد
رهن الاشاره كلنا ڵـــڱ وامرا


#أحمد_شامي_جزيلان

قـــم يالمسيــر بعـد قصف الموارد
حلّــق وعـــانق كـــل كوكب وقمرا

إعتلــي نبتـــون وكــوكـب عطارد
وإنـــزل ابقـــوه مـــــع نــار حمــرا

رد وإثأر لصنعاء من حلوف المكايد
فــوق جده وحفّــر بالمناشير حفرا

وإعلنوا يا بكيل الثأر انتو وحاشد
والقسم ما نبقي إي خيمه بصحراء


#كمال_العمري

بادين واستنكر واجاهد واجاهد
واخذ مسا الحرب والضالم ابدا

ضرب المكالف حقد ضالم وحاقد
نترك منازلنا وثاري هو ابدا

لله بعت الروح بطلت احايد
وارفع شعار الحق في عالي العلا

هذا اليمن شامخ وعنوانه شاهد
يانصر في الميدان والاياعزا


#نمري_عبدالله_مطر

ذي يقصفوا صنعاء كمن غبي حاقد
الموت يتبعهم مع كل مجرى

صنعاء على الهامات شامخ وتتواجد
وذي يقصفوا صنعاء ولا يسوى

مع الايام بانقضي على الفاسد.
وبا نكويه من نيرانناا الحمرا


#_جهاد_حترش

ياضارب الشعب عاد عاد الشعب صــــامد
ثابت حتى لو يصـــــير الكون نار حمــراء

محال محال يبرك ويبقى للولايات ساجد
محااال محااال يالعدو لو جرى ما جُـــرى

ياشعب الاساطير من اجلك نفزع نجاهد
نخترق الموت وندعــس عجاج الصحراء

نـسلك خط الفنا والمُـر والبأس مـــتزايد
ومن قال نخونك علينا قد كذب وافترررى


#ابو_إسلام_الحداء

فـار التنــور لاعد مـــأوى لحــــاقد
عذاب قــاهر قوته نار حمـــراء

فاطـر لكم مرصاد حسب التـواجد
لن تستطع وارسو ف الجو صبرا

صـماد ثلاثه رابعــه حنـه وراعــــد
تؤمن دبي بالقدس وتشوف جهرا

هاذا سلاحــــي رجـع إبليس ساجــد
كف الاذى لـ ادم سجـد له يا ترا

#العدوان_يقصف_صنعاء