قناة المجاراة الشعرية✨

ا
لعبة سخيفه ضد شعبً صامد

با نحكم المغرب مع مشرقها
دام العلم فينا الولي والقايد

با نرهب الأعداء وبانزهقها
بالله والقرآن وشد الساعد

#الشاعر_طارق_الحسني

شمس المسيرة قد لمع بارقها
ماضرها هذا القرار البارد

بفضل ربي والعلم ناطقها
وشعب شامخ حر ثابت صامد

ومملكة سلمان باودّقها
دام ان مخزون(ابن طه) وايد

#فايز_الحمزي

من عجزّها تُبدي لنا حُرّقتها
على الزمان المُنتهي والبايد

عبيط وقاصر وعي من صدّقها
إرهابها وسلامها شي واحد

الم وت لأمري كا وبانطلقها
مهما تراجع او تباكى بايد

#أبوكيان_الهبل

حياالله الانصار معاناطقها
وكل مؤمن حرثابت صامد

وامريك مامنااحد صدقها
والكون يشهد والمهيمن شاهد

احنامع الله دام هوخالقها
احناعذابه بارقه والراعد

#الشاعر_عايد_الخيل

يمسح حـروف أرهاب او ينطقها
الـــــوضع يبـقــى بالقضية واحد

با ظل اغـــزي للدعوش وأرهبها
وارهــب محمد وبن محمد زايد

واي دولة ذا الــكــلام معجبها
تســـرح وتنطح للصفا الجــامد

#أبو_رازح_القعود

والمملكه مضمون بانعلقها
قلو لسلمان والدعي بن زايد

في كل جبهه الهمر نحرقها
وكل غازي من بلادي شارد

#بلال_الصوفي

صمودنا ياصاحبي أرهقها
كل التحية للشباب الصامد

وشعبنا هو بالجحيم أحرقها
من يوم ما شمر وشد الساعد

صرخة عظيمة كلنا نطلقها
يهتز منها المرتزق والكايد

#علي_المحاقري

سـيــدي حـسـيـن اول علم ينطقها
صرخه جليه زلزلت بالحــــــاقـــد

هذه سياسه خــــــاب من صدقهـا
كـتـاب ربـي بـالـحـقـــايـق شـاهـد

بـقــوه الله الـقـوي نـسـحـقــــــها
وندوس على أمريكا بإذن الواحـد

#ياسر_الجرادي

حمّى على الأموال ذي أنفقها
سلمان للتصنيف وابنا زايد

ترامب عبئ خزنته واغلقها
باموالهم ورحل وماهو عايد

وبايدن جابالقدم يسحقها
واليوم لاتصنيف ولا عاد وارد

#عبدالحكيم_ابوهاشم

انصار ربي حكّمت خالقها
ولاح برق النصر حن الراعد..!!

مهما طغت لابد ما نحرقها
امريك واسرائيل والله شاهد.!!

اقسم بربي ما حد(ن) يعتقها
لا قوم بن سلمان ولا بن زايد..!!

#أبو_إسلام_الحداء

با نمسّك أمريكا وبا نُخْنقها
والناس تبصر فعلنا واتشاهد

مهما اتقنت مكر الخُدع مشنقها
قد جهزه مؤمن قوي الساعد

ما باقي إلا,, لا اطرفت يطْرقها
والحمد لله القدير الواجد

#صنعاني_شحطة

الويل لمن أيـــد ومن صادقها
مـــن العرب المرتزق والفاسد

الضلم والإجرام ذي قد سقها
لايد أنصار العظيم الواحــــد

لابد ثــــــــــــم لابد با نحرقها
بصماد ٣ والقاصفه والراصـد

#أبوثوبان_الحربي

امه عضيمه تستجب خالقها
وشعب قهارالاعادي صامد

الامركه خابت ولاوفقها
كيف القت الكلب السعودي ساجد

لكن بعون الله بانزحقها
قولوا لبن سلمان وينه راقد

#الشاعر_براق_المنبهي

صرخة حسين والله مافارقها
مهما تراجــــع بايدن الحاقد

أنتم عــــــدونا قالها خالقها
في محكم القرآن تبقى حايد

ماللحرب طراق غير طارقها
أمريك العدوان ونجد الساعد

#الشاعر_عاقل_بن_صبر

لو باتغيب الشمس من مشرقها
وابليس يركع لابن آدم ساجد

ما تصدق ام ريكا... ولا اصدقها
ولا يرد الوجـــــه جني مارد

الله اكـــ ــــبر صرخ تي تحرقها
والم وت لأمري كا الشعار السايد

#شداد_حميد

الم وت ل امري كا وب اطبقها
والنص ر للشعب العزيز الصامد

والم وت ل اسرائ يل با احققها
والحق يتحقق اذا الله رايد

وب اكتب الص رخه وبا اعلقها
ف البيت الابي ض رغم انف الحاقد

#عبدالعزيز_الغرباني

يااخس طينه فالبشر وادنقها
ياالبيت الابيض واليهود الحاقد

النفس ماتخشى سوى خالقها
هذه حقيقه في يمنا الصامد

حسم المعارك في سبأ بارقها
والنصر بذن الله حتماً وارد

#علي_المؤيد

هاذي هي امـريكاء وذا منطقها
منطق غراب أسود وهذا الوارد

اذا تـريـــد الممـلكــــــه تحلبهـا
وتريد تنعــــم بالحليـــب الزايد

بذيلهــا تلعــــب وهـــي مهرتهـا
وحربنا واحصـــارنا اكبر شاهد

#قاسم_السقاف

وراء ثمود وعاد بانلحقها
قاموسنا به كل شيئا وارد

وبانضايقها وبانختقها
نعمل على تدميرها ونجاهد

وندوس أبوها دوس وندقدقها
والله ناصرنا وخير الشاهد

#الشاعر_حسن_المهدي

ما همنا امريكا ولا ناطقها
والمملكه وعصابة ابنا زايد
..
واذيالها من غرب لامشرقها
الكل في تجويع شعبي راصد
..
ارواحهم لابدما نزهقها
واحلافهم بتطيح واحد واحد

#الشاعر_ابو_نواف_العرجلي

تناقض ام الشر في منطقها
لعبة خبيثة لجل دفع العايد ..

اما اليمن يابوك من يقلقها ..؟
ذي طعفرت اكبر تحالف شارد

من بايع امريكا ومن صدقها
هالك ، وانا له بالمرامي راصد ..

المجاراة الى الدمية الخاين عبد ربه الدنبوع..يستاهل الدعس!!

الشاعر #احمد_المنيعي

قال المنيعي عبر تـاريخ اليـمـن
ماقد يماني قال حـيـا بـالـغزاه -

لاما اقبل الدنبوع وادخلهم عدن
ولحج وابين والمكلا يا خـزاه -

#ضيف_الله_سلمان

دمية ذَنَب خاين منافق مُرتَهن
مهما هرب لابد ما يلقى جزاه..!!

عليه لعنة ربنا طول الزمن
تاريخه اسود والبريطاني بزاه..!!

#الشاعر_عاقل_بن_صبر

في صفحة الأحرار دون يا زمن
لا بد من خان اليمن يلقى جزاه

الله يلع_ن شرعية هادي،،، ومن
والى اليه_ودي عز الامه في عزاه

#الحمزة_المغربي

الـفــاتـحـة .. لا روح خاين ما سكن
سادس سنة في موطنه واجب عزاه

قالوا (صيـَادة) مـا يجـي منهـا لبـن
هذا صيادة وادخلت جيش الـغـزاة!!

#شاعر_الاحرار_أبوالعباس

رخيص با يبقى ولا يسوى ثمن
عند الذي شله بماله واشتراه

وكل خاين باع نفسه وارتهن
ملعون من قاعه الى سابع سماه

#زيد_الخراشي

المشكلة في حزب الاخوان الخون
بعاهل النفط اعتزى ولقي عزاه!!

ماعاد باقي له في الفندق سكن
من بعدما اخرجهم من الدين ووزاه

#فتى_همدان

محقتو السمره بدنبوع الخون
ذي ما درينا وين وجهه من قفاه

لا عد تذكرني بهم يا ابوحسن
اشكالهم تنقض مواجيب الصلاه

#الشاعر_محمداحمد_الآنسي

إمعه بيد الحلف يلعب به علن
واليوم با يلقى على ايدينا جزاه

منبوذ مابش له مكانه ف الوطن
ومثله الانذال يتلقو عزاه

#الياس_علي_المقدشي

هادي خضع للحلف واتباعه خون
لكن هذا الفعل بايصبح عزاه

باع الضمير باع اليمن باع الوطن
لافيه لانخوه ولافيه انتزاه

#ابو_الهادي_موسى

هذا اليمن قولوا لصناع الفتن
ماعاش من خانه وميت من غزاه

لعنة على الدنبوع قواد الخون
والله يلعن من رضيه ومن بزاه

#حسين_ساري

ذيل العماله طول عمره مرتهن
ولا له أدنى عز في ظلم الطغاه

انهى حياته في المخازي والفتن
واصبح عليه العاريتجلل خطاه

#شاعر_بلاد_الروس

دنبوع بلا قيمة من الناس العفن
ملعون في دنياه وملعون في عزاه

خائن لدين الله. وخائن للوطن
شجع علي عرضه وعاون من غزاه

#أبوالمازن_عبدالله_الشريف

بانلعن الدنبوع مثله يلتعن
وكل خاين لليمن نعلن عزاه

خاين منافق مرتزق ماله ثمن
نال المهانه والمذله معتزاه

#أيوب_الحشاش

ذا خبز عفاش الذي بيده عجن
دنبوع واختاره كنايب من سواه

شاف الوضيعي بايقع رمز الهين
وماحد من الخبره بيوصل مستواه

#سفيان_محمد_الدباء

اهلا وسهلا من بطون الميم ون
باروت للغازي ومن هو في وزاه

لابد مـن تحـرير كـــامل للـوطن
والمرتزق يحرق عـزا امـه ياعزاه

#أبو_خالد_العفيف

دنبوع خاين باعها بارخص ثمن
الحقيقه باع نفسه وباع ذي وزاه

امــا اليــمن واليــماني مـــاوهن
ومن غزانا قبل يغزي يجهز عزاه

#صالح_حسين_أبو_أحمد

دنبوع متبلد وماشي له ثمن
سلعه رخيصه لعنبو من هو بزاه

خادم مع امريكا وعباد الوثن
ماحد يميز وين وجهه من قفاه

#ابوالصماد_عبدالحكيم_ابوهاشم

يا كاتب التاريخ سجّلهم خون
محسن وهادي عبدربه لا وزاه..!

رضيوا لبيع الارض واشعال الفتن
والشعب قرّر يحكمه قاده نزاه..!!

#الشاعر_بدر_الكهالي

‌‎خاين ومن في منهجه خان الوطن
يلقى من أفواه الكند معبر عزاه

الموت الاحمر للهين نعل الهين
على يد الانصار الابطال النزاه

#صدام_ناصر_العزب

مايقبل الغازي وعباد الوثن
إإأإلامنافق أويهـ ـودي مرتزاه

هذا اليمن يامرتزق غالي الثمن
خسران بياع اليمن ضيع وزاه

#أبو_حافظ_السقاف

لابد مالدنبوع يدفع للثمن
ويفرح العالم متى بثوا عزاه

ذاك المصلع خان في سر اوعلن
لاافلح ولاافلح من وثق به وانتزاه

#نصر_علي_القيري

باع الوطن للغير واستوفا الثمن
وامسى بلا مأوى لعن مزبى بزاه

وسار في فندق مع شله هين
لفلف صعاليك العماله لا وزاه

#عبدالسلام_محمد

ابن اليمن شامخ على مر الزمن
ما حد على الدنيا تعدى مستواه

ومن يرحب بالغزاه واهل الفتن
ماهو يماني ابسروا من ذي ذراه

#يحيى_المختفي

والله ثم والله ما ضاع اليمن
مادام هذا الشعب يتمنى لقاه

قرارنا منا لابد ما يظهر علن
ولا لغير الله با نحني الجباه

#بلال_الصوفي

قال اليماني شد حيلك يايمن
حتى تخلي المعتدي يلقى جزاه

وادعس على هادي وعلي محسن ومن
لاموطن الإيمان جاؤوا بالغزاه

#صخر_خالد_المهدلي

هو مرتزق دعشوش اصله من زمن
بريطاني كانت تذل جده واباه

والعرق نفس العرق بياع الوطن
حاضر وماضي سلموه للغزاه

#عبدالحميد_الهمداني

العيب لو عاده بيحكم فاليمن
أما وهو خارج نقله نعنباه

حتى كما قد مات نعلنها علن
لا يمكن أن يقبر ويدفن في ثراه

#أبو_عماد_الزايدي

لاعاش من يرضى بذلك ياوطن
ولا يساوم في ترابك ذي بزاه

يابن المنيعي مايعز الله هين
لاعز للخاين ولايحسن عزاه

#محمد_الطيب

العيب الاسود زايد افعال الهين
قد تعتبر عند الدنابيع إنتزاه

ملعون اينما حل بن ملعون من
وقف إلى صفه وبالعز أعتزاه

#أبو_العز_المنيعي

ابو يمن صد المخاطر والمحن
مليون ونعم بالرجاجيل النزاه

والخزي للبياع ذي باع الوطن
والمرتزق والله ل

مجاراة عن ( عودة اسرانا الابطال)

البداية #الشاعر_عاقل_بن_صبر

اهلا وسهلا… رحبت كل اليمن
وعمت الفرحه قلوب المؤمنين..!!

بعودة الأسرى إلى ارض الوطن
حيا بهم واهلا بجرحى عالقين..!!

يا كاتب التاريخ في صدر الزمن
دون مواقف خالده عبر السنين..!!

#شاعر_الاحرار_ابو_العباس_مفلح

السعد جانا والفرح فينا سكـن
والهم باعد من قلوب الصابريـن

فرحة بالاسرى يوم عادو للوطـن
من كل ثاير حر مرفوع الجبـين

عـادو وخيـر الله قـادم والمـنن
والوعد نصره ضد حلف الكافرين

#مسعود_الريامي

يامرحبا بالكون والخلق اوتزن
بأسرى من الاسر اليهـ ـودي عائدين،،!!

اسرى على عهد النشامى لا ولن
ب أي حاله عزمهم حاشا يلين،،!!

نعتز فيهم والهيانة للهين
ذي باعو الناموس بالذل المهين،،!!

#الشاعر_أبوعساف

يــا مـرحبا تـرحيب مـنا لا عـدن
بأبطالنا الشجعان حامين العرين

أنـصار ربـي والـنبي فـخر اليمن
تـأريخهم مشهود له عبر السنين

عـادوا أشـداء مثل ما كانوا ولن
يـنال مـنهم ذيـل أمـريكا الـلعين

#زيد_الخراشي

يامن عليكم في خواطرنا شجن!
قلوبنا فيها لكم شوق وحنين!

شعب اليمن من علب لاساحل عدن!
بكم يرحب ياسراحين العرين!

قهرتوا الحلف اليهودي والخون!
بالصبر والايمان باالله واليقين

#الشاعر_احسن_هادي_زربه

في يوم تاريخي فرح بعدالحزن
بعودة الاسرى أعزاء شامخين

بمطار صنعاءعاصمة كل المدن
والشعب والدوله لهم مستقبلين

بعد الوصول لحيث كان القب حن
لله شفنا كل الاسرى ساجدين

#أحمد_عبدالقوي_الغبسي

يامرحبا ياكل مؤمن مؤتمن
أنتوا شرفنا من زمان الغابرين

ذي مافتر بأسه ولاعزمه وهن
ولاخياره غير إحدى الحسنيين

حرركم الباري وحرر كل من
ضايق لفرقتكم ومتألم حزين

#ابو_إسماعيل_الجابري

زدنا تقدم والعدو زادو وهن
من بعد عودة جند ربي سالمين

عيدين في صنعاء وفرحه والزين
بمولد الهادي ونصر المسلمين

في عودة اسرانا فرح ماله ثمن
يامرحبا بأبطال وليوث العرين

#الشاعر_ابونوح_الفلاحي

مرحب تراحيب المطر ما الرعد حن
مرحب على راسي ومن فوق الجبين

حيا اسير الحرب ذي ذاق المحن
في سجن مظلم داخله عانا سنين

واليوم شعبي والقياده والوطن
تستقبله والشمخ السوداء تلين

#علي_مغلي

حيا ومرحب وارحبوا ياكل من
من بعد غربة طولت عادوا يقين

من فوق رأسي يعبروا عز الوطن
مجسدين الحق وشموخ الحسين

يا حلف بن سلمان يا عبد الوثن
اليوم يوم الحق داس الظالمين

#ايوب_الحشاش

حيا وسهلا رحبت صنعا بمن
بعيون ابوجبريل كانوا حاضرين

بالعزف بالبث المباشر بالعلن
بالشعب ذي بكر الى الساحه بحين

حيا بأسرانا باحرار اليمن
عادوا كماهام الرواسي شامخين

#أبومشاعر_شداد_حميد

اليوم با نعلن بفرحتنا علن
فرحة خروج المؤمنين الصابرين

كمن اسد مسجون عزمه ما وهن
اسير في سجن الطغاه الظالمين

ذكرى خروجه با يخلدها الزمن
قصة بطل قد عاد مرفوع الجبين

#عبدربه_الحداد_البيحاني

يامرحباحيا ذراري ذو يزن
كمن غضنفر فالشدايدمايلين

ذي طلق الدنيا واخذ فيها الكفن
في كفه اليسرى وسيفه فاليمين

وسار في نهج الحسيني والحسن
الله يرضى عنهم دنيا ودين

#عقيل_المهدي

يا مرحبا ترحيب ما شي له ثمن
لابطالنا الأسرى الكرام الثابتين

اليوم يوم أبيض على خد الزمن
العز جا نحو الأعزاء يستدين

يارب كل الحمد لك كل المنن
والسيدالكرار نبراس اليقين

#ابوالمازن_عبدالله_الشريف

يا مرحبا يملا الصحاري والمدن
يامرحبا بانصار رب العالمين

يا فخرنا الباقي على مر الزمن
يا من بذلتوا لاجلنا الروح الثمين

انتم وبشرى النصر جيتونا معا
واستبشرت وامطر فرحنا كل عين

فرسان عدتوا والله اكرمنا ومن
الحمدله رد النشاما سالمين

عنوان المجارااااااة
(مصاديق الوعد الالهي للمؤمنين وانهيارات المنافقين في جبهات مارب)!!

البداية لــ #فارس_المعزبي

فــار (تنور ) العذاب الإلهي
وسْط مارب في تخوم المدينة..

وأقبلوا فوق السواهي دواهي
ما نجوا غير الذي فــ السفينة

الشاعر #نشوان_الغولي

قل لمن يروي حديث الملاهي
عن ولد زايد و صاحب دثينة.

بعد ما فروا عيال المقاهي
رحبت مكة بجيش المدينة..

الشاعر #احمد_درهم

شفت مشهد أمس اثار انتباهي
والعتاد العسكري ناقلينه..

ودَّف الإصلاح ذي قال (ناهي)
يلحقوا (عفاش) هم من عجينه..!!

#ضيف_الله_سلمان

شعبنا بالعز والنصر زاهي
انزل الباري عليه السكينة..!!

طاح (بن سلمان) بعد التباهي
في اليمن و(ترمب)قش الخزينة..!!

#الشاعر_عزيز_الردماني

قلت جاه الله ربي وجاهي.
قالوا آل سعود ايادي أمينه.

لا تقولوا (كيف) ما(هو) وما(هي).
مشكلتهم في تروس المكينه.

#الشاعر_عاقل_بن_صبر

مايضاهي قوة الله مضاهي
مدّنا برعـــايته والسكينه...

والذي عاده بعكس إتجاهي
قل له الميدان بيني وبينه...

#ابو_عماد_الزايدي

ياهل مارب جاهي ربي وجاهي
ماهدفنا ثار ولا ضغينه

لايسوقوكم رعاة الشياهي
ذي سواياهم والافعال شينه

#الشاعر_ابومنار_العشي

يا فلس شرعية اهل المقاهي
ويا خسارة حلفهم والغبينه

جيشهم ولى (شرد) ذي يفاهي
واللجان الشعبية طاردينه

#زيد_الخراشي

مايضاهي قوة الله مضاهي .
من وثق بمعونته بايعينه .

عننا ماالله غافل وساهي .
كيف بايغفل عن انصار دينه.

وانت ياحلف الشياطين واهي.
واليمن بلله قلعه حصينه

#شاعر_الاحرار_ابوالعباس

لمن لفعل ابن السعيدة يضاهي
يجعل اقسى كل قاسي عجينة

شب ناره ف الحقير الرفاهي
واصبح الميدان قبضة يمينه

#الشاعر_ابوعساف

يـا عـرادة عـاد ذيـاك جـاهي
إستمع شوري مدامت هوينة

بـايكموها العرب وأنت لاهي
وخـسرت الراخصة والثمينه

#الشاعر_محمود_الجنيد

عار مانقبل عبيد الملااهي
لا ولا من باع للغرب دينه

اقبلت نحو العميل الدواهي
ماحدا يفرع عليه او يعينه

#مسعود_الريامي

لاتزيغ ابصارنا يا ألاهي
واهدنا يالله لا كل زينه...!!

واحم جندك ياملاذي وجاهي
كل (بيهس) حارسي في عرينه...!!

#حاتم_الاسدي

مال صعتر صوته اليوم واهـــي
والعواصف قد هِجت من زنينه

جتكم الانصار حفيان دواهي
يقبضو للـروح من قبل حينه

#فتى_همدان

وافق اسرائيل عبر التماهي
الذي سموه ايادي امينه

من رفضناهم ب (لا) النواهي
الوجيه الخاينه واللعينه

#أبوشرف_الدين_الحمزي

ولت الأدبار جُند المقاهي
والرياض تبكي عليهم حزينة

إنهزم جيش الصلف والتباهي
بالميات أمست جثثهم دفينة

#سفيان_محمد_الدباء

جاتهم قوات قنص الجباهي
ذي تصيب عدوها وسط عينه,,

شاربين الدم قهوه وشاهي
من يواجههم حنينه حنينه,,

#ضيف_الله_حلوان

حبهتي مارب وعزي وجاهي
كيف اخليها لداعش رهينه

والمنافق ضيع الاتجاهي
لصّصت قبل الهروب المكينة!!

#الشاعر_يحيى_الوحيشي

وقد (التنور)حتى يضاهي..
(ويل)والقي حلف الاعراب بينه..

حلف قرن الشر مهزوم واهي..
واليمن ب(النصر )ربي ظمينه

#ابوامير_الفهدي

بلغوا جيش النفاق الرفاهي
تاليتهم والنهايه مُهينه...

عزمهم في كل ميدان واهي
يوم صاروا لليهودي رهينه...

#ناصر_الهادي

بلغوا المهفوف يكفي تباهي
لن يفيده مابقي في الخزينه

حربنا ماهي لعب فالملاهي
من تعدا حدنا بانهينه

#ابوسلطان_العبيدي

نا بجاه الله عندك وجاهي
يا العراده خِف عنك الضغينه

لا تخيلها مسلسل فكاهي
بعدمااهدرت الدماء والخزينه

#الاشتر_الجوفي

ياهل مأرب بطرح اليوم جاهي
عندكم عاد العواقب هوينه

لا تسومو روسكم والجباهي
لجل مشروع الملوك اللعينه

#كاشر_الناب

لا وربي يا ملوك المـلاهي
ثأرنا ما احنا لحد تاركينه

الضلام انزاح والبدر باهي
والكرامه مال والعقل زينه

#شاعر_بلاد_الروس

وعد ربي ياابن موزه وضاهي
بانربي كل أسره لعينه

ماحدا غافل.وسارح وساهي
عن سقطره والنبي لانهينه

#الشاعر_صالح_حسين

اقطعوا المعصم وصكوا الجباهي
واقصفوا الطاغوت داخل عرينه

لا سلام اليوم ماشي تماهي
نصرنا كالبرق يسمع دنين

#محمد_الراعي

الـقـبـيـلة صـيــتـهـا والتباهي
في بقاع الارض نسمع رطينه

والمرادي شــد امس انتباهي
يا قبائل حي والله دنينه

#محمود_بنيان

يا ارض بلقيس البسي ثوب زاهي
وافرحي من بعد ما انتي حزينة

حزمهم والعزم قد صار واهي
لكن الباري حباله متينة

#ابوعاقل_المنبهي

مالك الاملاك آآمر وناهي
بأذنه تخيب النفوس اللعينه

جنده تدقم بكل اتجاهي
طوقت مارب قبايل طنينه

#عبدربه_الحداد_البيحاني

هكذا من قد مسك حبل واهي
وارتضا في بيع عرضه ودينه

يخذله عزم الطقوم الرفاهي
لاجنود الله جاته حنينه

#ابوايمن_الضحياني

حلفكم يا ولد سلمان واهي
حلف إسرائيل ومن دان دينه...

نختبركم وسط مارب شفاهي
واختبار النقل في القدس حينه

#أتحاد_الشعراء_والمنشدين