#Bir_savolga_bir_javob ❓Savol: Reytingda zarur bo‘ladigan sertifikatni olish uchun qayerga murojaat qilish kerak? ❗️Kompetensiyani rivojlantirish institutida shaharsozlik va uy-joy kommunal soha mutaxassislarini o‘qitish uchun oflayn va masofaviy ta’lim shakllari joriy etilgan. Masofaviy ta’lim shakli uchun institutda maxsus elektron platforma yaratilgan. Bu bilan hududlardagi soha mutaxassislarining vaqti va mablag‘i tejalmoqda. Tinglovchilardan olinadigan yakuniy test sinovlarini Bilim va malakalarni baholash agentligi o‘tkazadi. 2024 yilda soha mutaxassislarini o‘qishi uchun yanada qulaylik yaratish maqsadida Namangan va Samarqand shahrida Kompetensiyani rivojlantirish institutining filiallari ochildi. Ushbu filiallarda buyurtmachi tashkilotlarning texnik nazoratchilari, pudrat tashkilotlarining ichki nazoratchilari, loyiha tashkilotlarining mualliflik nazoratini olib boruvchi mutaxassislar, shuningdek loyiha bosh arxitektori va bosh muhandislar o‘qitilmoqda. Joriy yilda Qoraqalpog‘iston Respublikasi va Surxondaryo viloyatida filial ochish rejalashtirilgan. Аxborot - kommunikatsiya texnologiyalarini rivojlantirish Respublika markazi