الحمد لله المُنعم على عباده الإنسان عنده نعم كتير جدًا مش هقول حاجات زي الحاجات الملموسة بس تخيلوا إنه نعمة الراحة في صدرك دي نعمة مش بتدركها غير لما بتُبلى بشيء نعمة النوم بسلام وراحة وتصحى براحة إنك تتمنى الأكلة فتقوم تفتح التلاجة تلاقي فيها اللي يساعدك تعملها إنك يكون معاك فلوس تشتري اللي تتمناه عارفين لما نروح مكان نشتري لبس مثلًا ونلاقي حاجة مناسبة وعلى ذوقنا؟ وكمان معانا فلوسها دي نعمة جميلة الله سبحانه أنعم علينا نعمة إنك تشتهي أكلة وتاكلها عادي بدون ما تأذيك ولا تتعبك ولا تتحسس منها إنك لما تتعب بيكفر ذنوبك دي نعمة لما تتعب وتلاقي علاج مناسب لحالتك وتاخده وبفضل الله وحده تخف لما تصحى الصبح تلاقي أهلك جنبك لما تلاقي صحابك لسه صحابك لما تدعي ربنا تنجح في الامتحان وتنجح لما تقعد تسمع القرءان وتتلذذ بيه دي نعمة جميلة لما تقرأ أي شيء تحمد ربنا إنه أنعم عليك بإنك تعرف تقرأ  دي كلها نعم تخلينا ممتنين لربنا سبحانه! تخليك تقعد تحمد ربنا وتقول الحمد لله من قلبك اللي هو يا رب يا كريم أكرمتني بكل دا؟ الحمد لله يا رب") نعم الربّ ربنا وبئس العباذ نحن"(