بتمرق عليك فترة بتحس حالك مالل من كلشي حواليك مالل .. أهلك " رفقاتك " مُجتمعك " مُحيطك .. وحتى حالك ..!! بتحس إنه ما عاد عندك طاقة للعتب والمراوغة والتبرير ماعاد همّك مين يجازي إهتمامك بـ إهمال .. ومحبتك بـ تقصير ..!! حتى النت بصير فيك تكرهه .. بتحس حالك كل ما فتحته لـ تتسلى .. هو يلّي فيك بيتسلى ..!! بتحسه عم يلاحقك .. وكأنه كل البوستات عم تحكي عنك كل الصوّر عم تنزل لـ تذكر بـ إشيا عم تحاول تنساها ..!! بتلاقي حالك مش طايق حالك ..!! بتقرف كلشي عايشه .. وكلشي كنت عايشه وكلشي جواتك غفيان .. كلشي جواتك دبلان ( ويلّي بيوم سميته حالك ودبحت ذاكرتك بتفكيرك فيه ) جازة محبتك بنسيان ..!! وقديش اللّي فيك مكفيك وقديش اللّي فيك .. لسا ما كفاهن ..!! ...........................................