قناة الشاعره العلويه ام حسام

#نعي_مجاريد بعد مرور سنه على فراق الاحباب الحسين و َال الحسين عليهم السلام
________
مظلمة وموحشة يديار اهلنه
شو دارت سنه ومحد وصلنه
شيعودة العزيز ألراح منه
من يوم المشيتوا أظلم نزلنه
تجافونه سنه يهل المحنه
_______
ماچنها سنه چم يوم ظنها
لهسه رسومكم بالدار چنها
تنوح أعله العزيز الراح منها
تون الدار ما يهداش ونها
اعزاز الروح كلها بعيد عنها
______
حزينة الروح ياخوية حزينة
اهنا نگعد سوية و سولفينة
تمر ايام هجرك ما نسينة
عمت عيني على الراح من ادينة
ياوسفة الزمان اشسوة بينة
علينا بعاد متردون لينة
____

نعي مجاريد عن الام الفاقدة الولد بعد مرور سنه ام الأكبر ام القاسم ام عبدالله آلرضيع
______
يا يمة الولد نارك سرية
سنه مرت ولا مريت بية
أظل انعاك حد يوم المنية
مر بالطيف ماهي امك خطية
اباب الدار اتانيك أعله جية
_______
اطلع بالهدوم ودمعة اصبها
ترة التفگد ولد يفطر گلبها
تتيه ما تظل تندل دربها
وعلى هدوم الولد يكثر عتبها
عيون امك ترة شيب هدبها
______
ايا فگد الولد أكبر مصيبة
ينصاب الدليل ومالة طيبة
چا صبري عليك منين اجيبة
تخلي امك يبعد امك غريبة
فلا يگطع حزن گلبي ونحيبة
______

نعي مجاريد عن الإمام السجاد بعد مرور سنه على فقد ابوه وعمه وإخوانه
_____
هالدارت سنتكم ها يزينين
ما تدرون بينا يالبعــــيدين
نهار وليل انحب بوية يحسين
انحنة ظهري عليك وراحت العين
چا مثلك يبوية يحصل منين
_____
عمي الراح مني وراحت الروح
اخذ وياه گلبي ودمعي مسفوح
يالماكو بحنانك گلبي مجروح
ابوي الثاني دوم انعاك بالنوح
من كثر البواچي صوتي مبحوح
_____
احا يالاخو يالتسوة الونين
أظل انعاك خوية بطول السنين
يبن امي اجيبن مثلك منين
الاخو لو راح مايحصل بعد وين
هالمره سنة يهلي الحنينين
______
يحزام الظهر يالاخو الثاني
ابن عمي واخيي فارگاني
يبن عمي غيابك دوهناني
سنة دارت عليه وما اجاني
حنه ظهري اخيي من جفاني
_______

نعي مجاريد عن أم البنين بعد مرور سنة
________
صدكَ مرت سنة وما شايفتكم
وانه لتالي عمري رايدتكم
ياحيف اعله غفلة مفارگتكم
لما اموتن ييمة متانيتكم
عمت عيني من ادية ظيعتكم
_____
دارتلك سنة يا ابعيد عني
ييمة حسين ما يهداش وني
اشوفن صورتك كل ساع چني
مهو سباح گلبي وراح مني
حسبت حساب يمة وخاب ظني
_______
يا محلى الليالي الچانت وياك
يلب حشاي تمرد روحي فرگاك
اخذني للگبر يا يمة وياك
طول ايام عمري بدمعي انعاك
لما يطمني الگبر بلساني طرواك
_____
أسألكم الدعاء رائد الاسدي

قصيده لمولاني الزهراء ع ولكل من فقد أمه

بعد ياهم هلي من راحت أمي
إبهل دنيا شلي من راحت أمي
مشت عنه النحبها
والطيب گلبها
بعد ياهم هلي من راحت أمي
➖➖➖➖➖
بعد الدار ما طبيت بيها
لو أمي ترد وتعود ليها
مشت عنه النودها ونشتهيها
دمعتنه نصبها
الدار إشما نطبها
بعد ياهم هلي من راحت أمي

بعد ياهم هلي من راحت أمي
إبهل دنيا شلي من راحت أمي
➖➖➖➖➖
مشت عنه النحبها والنودها
روحي والگلب والعقل عدها
ذيچ أيامها بعد شيردها
فرگتها إشصعبها
عليه أبعد دربها
بعد ياهم هلي من راحت أمي

بعد ياهم هلي من راحت أمي
إبهل دنيا شلي من راحت أمي
➖➖➖➖➖
أمنه الغاليه النعتب عليها
بعازتنه وهظايمنه نجيها
ياهو إيسومها وأنه أشتريها
عليه ظاع طبها
بأمر ربنا ربها
بعد ياهم هلي من راحت أمي

بعد ياهم هلي من راحت أمي
إبهل دنيا شلي من راحت أمي
➖➖➖➖➖
الدار أمنه الحنينه اليوم إجينه
محد تلگانه ونشد بينه
نگعد لو نرد إتحيرينه
وأشبع من عگبها
مابطل عتبها
بعد ياهم هلي من راحت أمي

بعد ياهم هلي من راحت أمي
إبهل دنيا شلي من راحت أمي
➖➖➖➖➖
گعدتنه إبدارج بعد شلها
لذه مالها ولاهو محلها
طلعنه إدموعنه من دم نهلها
روحي الهم نشبها
أريد أمي النحبها
بعد ياهم هلي من راحت أمي

بعد ياهم هلي من راحت أمي
إبهل دنيا شلي من راحت أمي
➖➖➖➖➖
خادمة الإمام الحسين ع #ام #فراس الساعديه
الناشره #ام #زينب خادمة المنبر الحسيني
غير مبري الذمه من يحذف الاسماء أو يغيره وحسابه عند جدتي الزهراء ع
نسأل الله تعالى القبول والتوفيق وحسن الخاتمة 🙏🏻🙏🏻

السلام عليكم ورحمة الله وبركاته..
احسنتم وبوركت اناملكم…

ملاحظه

المقطع الاخير....
راسه برماح… الرأس مفرد والرماح جمع ماتتناسق… جزيتم خيرا…

قصيده لمولاتي فاطمه الزهراء عليها السلام

✍✍✍
يا فاطمه الزهره. .... اعليچ ابچي بعبره
يا فاطمه الزهره...... اعليچ ابچي بعبره


مولاتي يا كبر الهضيمه
زينب عكب عينچ يتيمه
و النوح لاجلچ والله اقيمه
والعبرة متكسره ...... يا فاطمه الزهره

✍✍
يا فاطمه اشكبر المصيبه
دلالي ما يبطل نحيبه
وحسين يبچي يالحبيبه
مخنوك بالعبره......... يا فاطمه الزهره
✍✍

يم الاطايب والأئمة
والحسن ظل يصرخ ييمه
يا فركتچ كل ساعه لچمه
بالضلع متعوره........ يا فاطمه الزهره

😭😭

ويلي اعلى زينب يا هضمها
طفله ويتيمه تريد امها
والليل ظالم ما رحمها
والنار متوجره.... ... يا فاطمه الزهره
😭😭
مولاتي كل النوح الكم
والباريّ ايعظم اجركم
فوك العوالي راس ابنكم
وعياله متطشره ........ يا فاطمه الزهره

😭😭

والونه والعبره على حسين
راسه برماح ويا الملاعين
وعياله بالحسره والونين
للشام متيسره......... يا فاطمه الزهراء

بقلمي المتواضع المله ام علي الحسناوي✍✍ اهدي ثواب هذه القصيدة الى مولاتي فاطمة الزهراء عليها السلام
الفاتحه إلى شرف النبي وعترته الاطهار عليهم السلام وإلى أرواح المؤمنين والمؤمنات وروح والدي وروح أستاذتي المرحومه ام حسامhttps://t.center/sdghjjjvcdgghhhhggfff

لطمية مواساة الزهراء عليها السلام

الچ يم الحسين النوح والون
شلون هروش بالطف الچ ذبلن
مرميات على الكاع** كلها راحت ضياع
بناتچ لليسر يالزهره يمشن

///
الچ يم الحسين النوح انوحه
لاجل الدين افده حسين روحه
وبحر الشمس تنزف جروحه
ويون ونته بدمعه مسفوحه
روح الزچيه/////محروم الميه

ومن الحر بكه جروحه ينزفن

✍✍
جروحه تنزف ومحد يحضره
هذا حسين ريحانه الزهره
وين اللي يصل حيدر يخبره
وريده يجي لحسين وينظره
يشوف شلون حاله///شنهو اللي جراله
بكن سكنه ورقيه اعليه يبچن

✍✍
واريد الزهره تحضر ويه هالناس
ملتمه عليه هاي الارجاس
واخبرها بعضيدي البطل عباس
واكلها مكطعين چفوفه والراس
واكلها ابنچ العباس///راعي الفخر والباس

ظل بس الجسد عالغبره ويون
✍✍
بقلمي المتواضع المله ام علي الحسناوي
الفاتحه إلى شرف النبي وعترته الاطهار وشيعة أمير المؤمنين جميعاً وإلى روح والدي وإلى روح أستاذتي المرحومة المله ام حسامhttps://t.center/sdghjjjvcdgghhhhggfff

فزاعية للرسول صلى الله عليه وآله وسلم

شايل يا رسول الله/// والاملاك حزنانه

تبجي فاطمه بهاليوم//والاملاك حزنانه

وتهل الدموع دموم//والاملاك حزنانه

وتصيح بكلب مالوم//والاملاك حزنانه

الدين انهدمت اركانه*

اليوم انهدم ركن الدين//والاملاك حزنانه

رحل جد الحسن وحسين//الاملاك حزنانه

وحيدر يهل دم العين//والاملاك حزنانه
شال اليوم مولانه ****

شال اليوم ابو الزهره//والاملاك حزنانه

وحيدر منكسر ظهره//والاملاك حزنانه

فاطم تسجب العبره//الاملاك حزنانه

ليله تريد عوانه***

فزاعيات ختام مجلس
اويلاه شال الرسول الليله
وحسين دمعه يسيله **اويلاه
تنحب عليه العيله. **اويلاه
////////
✍✍✍

واليوم الزچيه تريد عوانه

خلنه نساعدها ،،،واليوم الزچيه

تبچي لفكد والدها،،واليوم الزچيه
////
هاليوم هاليوم نعزي فاطمه
هاليوم هاليوم نعزي ام الحسن

بقلمي المتواضع المله ام علي الحسناوي ✍✍
الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً وإلى روح والدي وإلى روح أستاذتي العلوية المله ام حسامhttps://t.center/sdghjjjvcdgghhhhggfff

قصيدة لفقد الرسول لسان حال الزهراء عليها السلام ✍

اه يا والدي بعيد البلا مفكود
تصيح الزهره وتنادي بقلب ممرود
///
ليش تعوفني يا رحمه الباري
يبويه اعليك تسري بالقلب ناري
مو اني العزيزه وانهدم داري
انه فاطمه يا حجه المعبود
///
انه فاطمه اللي بضعه من جبدك
بعد عيناك بويه تنظلم بنتك
انا ام الحسن وحسين هل عندك
بعدك ننهضم تدري يبحر الجود
////
يبو ابراهيم بعدك ننهضم كلنه
بدولاب الدهر بويه تمحنه
عكب عينك حسين بدمه يتحنه
بالحر والعطش ابنك يظل ممدود
///
هذا الحسن من عكبك ترى ينسم
بالباب الضلع من عندي يتهشم
والكرار شيبه ينخضب بالدم
يظل باب الكرم عكبك ترى مسدود
///
اهل بيتك يبويه وما يرحمونه
عكبك يا رسول الله يتولونه
عزيزك من عكب عينك يذبحونه
وبحر الشمس ترضى يظل مضهود
///

بقلمي المتواضع المله ام علي الحسناوي ✍ الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً وإلى روح والدي وإلى روح أستاذتي الملة أم حسامhttps://t.center/sdghjjjvcdgghhhhggfff

قصيدة للاربعين
يحسين يا تالي هلي وشمعه نزلهم
اطفالك تنوح اعلى الكبر ما تكعد الهم

//////
يحسين خويه ما تكوم وترجع وياي
وشلون انّه ارجع بعد يا شمس دنياي
نايم يخويه باللحد يا نور عيناي
لا كلت اختي وعيلتي جامنهو الهم
/////
لا كلت منهو العيلتي من بعد عيني
يحسين تدري لفركتك زايد ونيني
من بعد عينك يالاخو منهو اليجيني
يا روحي شبع من الهضم والله بعدهم
////
يا روحي شبع من الهضم من عكب عباس
روحي تظل محيره عكب ابو النوماس
تدرون ياخوتي الكلب اهواي حساس
عكب الاخوان من الهضم تشبع اختهم
/////
تبكى ذليلة وحايره الما عدها وليان
وتبكى يخويه معلعله والكلب حيران
لارض المدينه شلون ارد من غير الاخوان
واهل المدينه شرد احاجيهم شكلهم
/////
يحسين خويه تعوفني بديار غربه
كَضّيت وَيّاك العمر يحسين صعبه
نتفارك وبيتك بعد شلون اطبه
وين اهل المروه مشوا وابعد ظعنهم

✍✍ بقلمي المتواضع المله ام علي الحسناوي الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً وإلى روح والدي وإلى روح أستاذتي الملة أم حسامhttps://t.center/sdghjjjvcdgghhhhggfff

قصيدة للاربعين
نومه يا خوال ابني شو جنكم نسيتوني
نومه يا خوال ابني شو جنكم نسيتوني

*
اجيت اليوم يم كبرك يبو اليمه
دكوم انهض
شو جنك نسيت اختك شلون
عيونك تغمض
عفتك عالثره مطروح صدرك
خويه مرضرض
عكب ذاك الربه يحسين شو لن فاركيتوني

*
عكب ذاك الربه وياكم عكب ايام
حامي الجار
لن حادي الظعن طوح تبره وياي
كلها شرار
يمكم عفت دَلاّلي ورحت برفجه
الكفار
اجيت اليوم يمكم جيت اريدنكم تنشدوني

*
ما كلتوا اختنا وين راحت ويه
هاي الناس
هاي مخدرتنا هاي تروح شلون
ويه رجاس
شلون عيونك تغمض يا ابو الغيره
ياعباس
موانت الاجيت وياي وانت تحدي بضعوني

*
عمه يا علي وينه كبره عمك
المظلوم
بعد بزهره شبابه من شم الهوى
محروم
اجيت اليوم يا عباس انا وسكنه
وجلثوم
اريد اليوم يم عباس اكعدواكشف متوني

*
يا عمه علي هيهات بعد عباس
اشوفنه
ما اكدر يماي العين انّه ابتعد
عنه
اجيت اليوم كل ظني على طوله يكوم
النا
وجيت اليوم اسولفله على اللي شافته عيوني
✍✍
بقلمي المتواضع المله ام علي الحسناوي//الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً وإلى روح والدي وإلى روح أستاذتي الملة أم حسامhttps://t.center/sdghjjjvcdgghhhhggfff

قصيدة للحوراء زينب ع
بعد من عندي يا دنيا اشتريدين
اخذتي خوتي مني وزاد الونين
جاوين اخوتي وين وداهم زماني

*
اخذتي حسين مني شمعه الدار
ومصابه ترى لا سده ولا صار
خليتي بقلبي تسعر النار
جا وين اخوتي وين وداهم زماني
*
قلبي ويه الكفيل اعلى النهر طاح
اخذتي الكمر مني والفرح راح
عباس اللي جان لكلبي سباح
جا وين اخوتي وين وداهم زماني
*
اشتطلبيني كليلي يدنياي
اخذتي ليش مني ضوه عيناي
عكب عباس انّه فاجده الراي
جاوين اخوتي وين وداهم زماني
*
اخذتي ليش مني الجان الي سور
اخذتي حسين مني وانطفى النور
واعلى فراكه ظل دلالي مجمور
جا وين اخوتي وين وداهم زماني
*
يا دنيا العتب وياج شيفيد
اخذتي فرحتي بطيحت الصنديد
بعد ما الي فرحه ولا الي عيد
جا وين اخوتي وين وداهم زماني
✍✍
بقلمي المتواضع المله ام علي الحسناوي// الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً وإلى روح والدي وإلى روح أستاذتي الملة أم حسامhttps://t.center/sdghjjjvcdgghhhhggfff

لطمية سريعه
عباس عباس عباس رد ليك الضعن
عباس عباس هالحرم يم كبرك بجن

/////
كوم يا بدر الهواشم يا كفيل
كوم شك لحدك يبن حامي الدخيل
كوم نشف دموعهن ظلت تسيل

واعليك واعليك كلب العقيله ظل يحن
عباس عباس عباس رد ليك الضعن
////
كوم وتلكاها زينبكم اجت
هاي هاليمنه ويسرى تلفتت
تصيح يا عباس ليه ما كمت
مهظوم مهضوم كلبي وعليكم هاليون
عباس عباس عباس رد ليك الضعن
////
انهض تلكه العقيله ام الخدر
رجعت الكربله من بعد اليسر
كوم يا بدر الهواشم يا ضخر
وزينب زينب تشتكي من جور الزمن
عباس عباس عباس رد ليك الضعن
//////
وكعت اعلى الكبر وتهل التراب
كوم عين اختك على هذا المصاب
انتهض يا ابن علي داحي الباب
مصيوب مصيوب مصيوب دلالي ويحن
عباس عباس عباس رد ليك الضعن

😭😭😭😭😭
نهايت مجلس
زينب اجت من الشام وين اهل العزوبيه
يخوتها تلكوها وين اهل العزوبيه
وعن الحال نشدوها. وين اهل العزوبيه
يهلها وين ودوها. وين اهل العزوبيه
للشامات مسبيه
✍✍
تمت بحمد الله بقلمي المتواضع المله ام علي الحسناوي ✍✍ الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً وإلى روح والدي وإلى روح أستاذتي الملة أم حسامhttps://t.center/sdghjjjvcdgghhhhggfff

نعي لدخول زينب،
/ عليها السلام/ إلى مجلس الطاغية يزيد ،عليه اللعنه وسوء العذاب ،
نضرت مولاتنا زينب ،ع، إلى المجلس وهوه مليئ بالرجال وكلهم اعداء ولاترى وجه الحسين بينهم ولا وجه العباس

صاحت ادور بالوجوه وماهو وجه حسين
جنت وياي ياخويه رحت وين
واصيح بصوت عباس البطل وين
..
انه تمنيت بالمجلس تطبون
ولاتضرب بزينب تصيحون
بسيوفكم يمي تهوسون
..
تعالوا لختكم طلعوا
وهاي البنات تخلصوهه
من كثر النظر والله اهضموهه
..
وصاحت يعباس اليوم وينك
ماتجي والسيف بيمينك
اريدك تجي وتنضر بعينك
نعم ياموالين هذا يوم الم قلب زينب ع وهناك يوم مرَ على زينب جِداً المها
اليوم الذي مرت به على مصارع القتلى وهي عالنياق الهزيله ومكتفه بالحبال وهنا زينب لما رأت مصارع اخوتها اخذت تجود بنفسها من عالناقه
نظرت لاخيها الحسين ع رأته بتلك الحاله جثة بلا راس واخذت السيوف من جسده الشريف ماخذها زينب رفعت يدها وسلمت على أخيها وهي بتلك الحالة

تكله وداعه الله وهاي هي
فركت خوتنه المنيه
وفلت الخوه بهالمسيه
😭😭
انه رايحه وعيني عليكم
تربي يخويه تريد ليكم
لو بيدي انه ارجع واجيكم
😭😭
انه رايحه والعين تربي
يخويه اعميت ما وجد الدربي
ليكم يحن ويريد كلبي
😭😭
يخويه كضت والعشره فلت
والفراك للدلال فتت
ردت شوفتك لاجنها شحت
😭😭
دكلي الروح خويه تصبر شلون
مشيت ميسره والكلب محزون
وعيالك فرد ونه يونون
😭😭
اعتب وادري مو بأيدك
والعين يبن امي تريدك
اول مره الك مره لعضيدك
يا مايله الدنيا ويزينب😭😭😭



..تمت بعون الله بقلمي المتواضع المله ام علي الحسناوي الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً وإلى روح والدي وإلى روح أستاذتي الملة أم حسامhttps://t.center/sdghjjjvcdgghhhhggfff

لطمية للاربعين
اجينه اليوم يا خويه يعباس
اجينه من اليسر يمك ينوماس
✍✍
يا راعي المحنه وراعي المروه
صرت مضرب مثل يا خويه للخوه
يشيال الكلافه وراعي النخوه
على فراكك انه دلالي انجاس

/////
اجينه اليوم يمكم يا ضمدنه
ناخ الضعن يمك كوم ردنه
اجينه نشتكي وهموم عدنه
رجعنه من اليسر ما عندنه حراس
//////
اجيت ارد اشتكيلك ضيم كلبي
على فراكك بعد ما اشوف دربي
ردتك باليسر وعيوني تربي
حسبالي تجي ومتشمت الناس
///////
نايم بالكبر يا بعد عمري
طحت اعلى الكبر ودموعي تجري
عقب عينك يخويه ضاع خدري
يا خيمه عليّ يعصابه الراس

///////
شخصك غاب عن عيني وهضمني
بغيابك شمر خويه شتمني
كل ما ابجيّ اعليكم ضربني
يا ليث الحرب انهض يفرّاس
//////
كل هذا يهون وبس الفراك
يا صبر اليفيد ودمعي حراك
كل ساعه الدليل اعليك يشتاك
يالتسري بدليلي ويه الأنفاس
✍✍✍
تمت بحمد الله وتوفيقه بقلمي المتواضع خادمة الامام الحسين المله ام علي الحسناوي✍✍

الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً وإلى روح والدي وإلى روح أستاذتي المرحومة العلوية ام حسامhttps://t.center/sdghjjjvcdgghhhhggfff

قصيده ثكيله للعليله ع

وين الحباب يعمه وين الحباب
جرحي ماطاب يعمه جرحي ماطاب
😭😭😭😭😭😭😭😭😭
فاركوني احباب كلبي فاركوني
بليله وحده مشو عني ودعوني
ابقه كل يوم انتضر يمته يجوني
اعزار كلبي غربو جنهم نسوني
يلهوا لهاب اسألك يلهوا لهاب
اهلي غياب نسوني اهلي غياب
😭😭😭😭😭😭😭😭😭
عمه ضليت انتضر طول الليالي
انه بت حسين فاركني دلالي
صار حال الضيم اه اليوم حالي
من مشه عني لبو عذب احوالي
عندي عتاب اكوله عندي عتاب
عل لمشه
وغاب يعمه عل لمشه وغاب

😭😭😭😭😭😭😭😭😭
عندي عتاب بعتابي تجري العيون
راحو اهلي ودعوني ومايرجعون
انه كل لليله لتمر كلبي محزون
اه ياجمرت اهلي ماتنطفي اشلون
شنهو الأسباب نسوني شنهو الأسباب
كلبي عطاب عليهم كلبي عطاب
😭😭😭😭😭😭😭😭😭
كلبي يبويه عليك اليوم مفجوع
صار مصباحي لحزن والهم والدموع
ابقه انوحن وبمجانك اعلك اشموع
ليش بويه حته من لماي ممنوع
عيوني عل لباب يبويه عيوني عل لباب
منك اجواب اريدن منك اجواب
😭😭😭😭😭😭😭😭😭

يلرحت مااضن تجيني ياضوه لعين
بعدك ابجي بكل مسيه بويه يحسين
ضلت توسيني عكبك ام لبنين
تكلي يمه يعليله لاتونين
نسل الطياب جفوني نسل الطياب
وين الحباب يعمه وين الحباب
😭😭😭😭😭😭😭😭😭
بقلم خادمة الحسين الشاعرة والملاية ام حسام
https://t.center/sdghjjjvcdgghhhhggfff

قصيده سريعة الى مولاتي زينب عند رجوعها إلى كربلاء


اجت زينب ..... اجت زينب

اليوم الكربلا وفوك الكبر تنحب

///////
اليوم زينب ردت لارض الطفوف
ذكرت مصاب الشريعه والجفوف
ذكرت حسين البقه بين السيوف
من المصايب هاي عميه ما تشوف
الضعن كرب....... الضعن كرب
اليوم الكربلا وفوق القبر تنحب

////////
ساعدنها يا حبايب باللطم
هاي زينب والله كضاها الهضم
اليوم من الشام اجت بعد الالم
ختمه ما تكدر تسوي ويه الظلم
الكلب يلهب........ الكلب يلهب
اليوم الكربلا وفوق القبر تنحب

///////
اليوم ضعن حسين رد الكربلا
خلي دمعاتج على الخد هامله
خل تشوفج بنت علي عقد الوله
صيح يا عباس يا ابو المرجله
عزه ننصب........ عزه ننصب
اليوم الكربلاء وفوق القبر تنحب

////////
حيل دكي صدرج وواسي البتول
علمصايب هاي ما ادري ا شتكول
حضرت المجلس ترى بنت الرسول
خل تشوف اللطم والمدمع همول
حزن يصعب...... حزن يصعب
اليوم الكربلا وفوق القبر تنحب
✍✍✍
تمت بعون الله بقلمي المتواضع المله ام علي الحسناوي ✍✍ الفاتحة الى شرف النبي وعترتة الاطهار وارواح المؤمنين جميعاً وروح والدي وروح استاذتي المرحومة العلويه ام حسام 🙏🙏https://t.center/sdghjjjvcdgghhhhggfff

قصيدة لمولاتي رقية /عليها السلام/

رقية بالخرابة \\\. اليوم تصيح بابا

رقية بالخرابة تصيح ابوها
وانّه خايفة لايسمعوها
ظِلام وابد مايرحموها
واخافن هم يجون ويضربوها
لوسمعوها يحسين.......تبجي وتهمل العين
يضربوها ولاتفزع كرابة ..اليوم تصيح بابا

//////////
يخويه الكلب مايهده ونينه
اجيبه منين حماي الضعينه
واني ادريه مكطوعه يمينه
وراسه عالرماح معلكينه
وتشوفه رقيه....والدمعه جريه
وانّه ياعظم هضمي ومصابة....اليوم تصيح بابا

///////////
فزت من حلمها تصيح يحسين
وانّه منين اجيبك ياضوة العين
تكول هنانه جان حسين هالحين
وينه والدي ياعمه جا وين
غدت تصرخ وتبجي.....وانّه وياها احجي
فز وياها دلالي وعذابه....رقيه تصيح بابا
///////
سمعوها الطغاة واجوا ليها
اشبكتها بحضني من خوفي عليها
سألوا شنو هالطفله وبجيها
كتلهم بجت رادت وبيها
ظالم مارحمها....جاب الراس يمها
ويلي والطشت كشفت حجابه.. رقية تصيح بابا
/////
كسرت خاطري شبكت عالراس
وكوه يابن امي ترد الانفاس
وتعاتب بدت والكلب حساس
تكلك وين انت اوين عباس
ماتدرون بيه....يم ابن الدعية
ضربني واخذ من راسي حجابة
رقية تصيح بابا
✍✍✍تمت بعون الله بقلمي المتواضع المله ام علي الحسناوي ✍✍ الفاتحة الى شرف النبي وعترتة الاطهار ع وإلى ارواح المؤمنين جميعاً وإلى روح والدي وروح استاذتي المرحومة العلويه ام حسام 🙏https://t.center/sdghjjjvcdgghhhhggfff

قصيدة طلب حاجة للعلوية شريفة بنت الأمام الحسن.ع.

✍✍
مولاتي اجيتج والهضم بية
وعيني اعليج يامولاتي تربية
حسين. حسين.
✍✍
مولاتي شريفة لاتفشليني
اجيتج واعتنيتج لاترديني
اقضي حاجتي ونشفي دمع عيني
واحلفج بالسبي ويومة يمسبيه
✍✍
يابنت الحسن ارجوج مولاتي
مهضومة اجيت ونشفي عبراتي
ماحاجه اعلمج اني هضماتي
انتي العالمة وتدرين بالنية
✍✍
بيبان الحياة بوجهي مسدوده
واحلفج بالكفيل الكطعوا زنوده
واحلفنج شريفة برايته وجوده
مولاتي اكشفي هموم الاعليه
✍✍
بزين العابدين اليوم احلفنج
لكل المرضى مولاتي الشفه منج
طبيبة انتي يمولاتي يسمنج
واجيتج ياشريفه وعلتي بيه

تمت بعون الله بقلمي المتواضع المله ام علي الحسناوي ✍✍ الفاتحة الى شرف النبي وعترتة الاطهار وارواح المؤمنين جميعاً وروح والدي وروح استاذتي المرحومة ام حسام🙏🙏https://t.center/sdghjjjvcdgghhhhggfff

قصيدة لليلة الدفنه

الليله دفنت المظلوم...وام حسين عزيها

🎤🎤
الليله دفنتك يحسين
ننوح ونجري دمع العين
نعزيها على الجفين
والصرخات علّيها
🎤🎤
زينب مشت للكوفة
عكب عباس مجتوفة
تصد عالراس وتشوفه
وزينب ويلي اعليها
🎤🎤
كومن خل نساعدها
تون كل حيل ماعدها
تون والحزن ماردها
يانار الولد بيها
🎤🎤
حضرت كربله بهاليوم
تصيح بصوت يامظلوم
واخته المشت ويه الكوم
خذوها وغربوا بيها
🎤🎤🎤🎤🎤
اويلاه على الزهره ومصيبتها
ماصارت ابد بالكون كسرتها
وزينب رافكت ذباح اخوتها
اويلاه على الزهره ومصيبتها
😭😭
تمت بحمد الله بقلمي المتواضع المله ام علي الحسناوي ✍✍ الفاتحه إلى شرف النبي وعترته الاطهار ع وإلى أرواح المؤمنين جميعاً وإلى روح والدي وإلى روح أستاذتي الملة أم حسام 🙏🙏https://t.center/sdghjjjvcdgghhhhggfff

فزاعية ليوم العاشر
اليوم يوم الفاجعة... يحسين يامولانه
اليوم طاح ابو علي
وزينب تنادي ياهلي
واليوم من يفزع الي
ضلت تون حزنانه
😭😭
وحسين دامي بكربله
وطشرت هالعايله
عبرات زينب هامله
وتصيح يارجوانه
😭😭

كوم انهض وطفي الخيم
يحسين كوم لهالحرم
وعالنهر شيال العلم
والأملاك حزنانة
😭😭
✍✍✍ بقلمي المتواضع المله ام علي الحسناوي ... الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً وإلى روح والدي وإلى روح أستاذتي الملة أم حسام 🙏🙏https://t.center/sdghjjjvcdgghhhhggfff