View in Telegram
Media is too big
VIEW IN TELEGRAM
Келинг бахтни бўлишамиз тенг иккига,
Бор шодлигим қувончимни сизга берай.
Сизга дея икки олам роҳати-ю,
Яратгандан энг нурафшон тонглар сўрай.
Келинг дўстим, биродарим яқинларим
Излаб излаб топганимиз меҳр бўлсин.
Олис йўллар айро қилган йиллар аро,
Соғинч ўлсин, армон ўлсин, фироқ ўлсин.
Келинг маҳкам қўлингиздан тутай энди,
Фурсат етди дийдорнинг хуш дамларига.
Дунё дардин бир чеккага суриб қўйинг,
Шодлик инсин киприк қучган намларига.
Келинг бирга орзумандли оппоқ тонгни,
Қучоқ очиб, пешвоз чиқиб қаршилаймиз.
Не наф ахир гина- кудрат, аразлардан
Меҳрсизга меҳр бериб яхшилаймиз.
Келинг токи узилмасин қалб риштаси,
Сиз келсангиз ғариб кулбам кошонадир.
Меҳр кўзда деганлари дарҳақиқат,
Бугун бормиз эрта умр афсонадир.
✍Маъмура Муҳаммад
@SarvarBeK_16
Love Center - Dating, Friends & Matches, NY, LA, Dubai, Global
Find friends or serious relationships easily