بنفسي قول شي أول مرة بقوله هون.. النّاس بتقول لمّا بتشوف بنت شخصيّتها قوية.. أو واثقة من حالها.. أو جريئة أكيد هالبنت أبوها مدلّلها.. أنا عن نفسي كبنت بعمرها ما قالت بابا.. كنت بنت بطفولتها خجولة لدرجة اخجل ارفع إيدي لشارك بالمدرسة مع الآنسات.. أخجل اتعرّف ع أصدقاء أخجل عبّر عن مشاعري أخجل قول إنّي بحلم كون مهندسة أخجل عبّر عن رأيي هلأ لمّا كبرت فهمت.. إنو في أشياء بشخصيّة الطفل ما بتقدر تملّيها الأم لحالها.. مع أنو أمّي الله يحميلي ياها حطتني بعيونها.. دلّلتني كتير بصغري.. وجدو دللني.. وخالي دلّلني.. بس ضلّ في جوّاتي شي مكسور.. يلي بيعرفني شخصي هلأ.. بيعرف إني بطبعي خجولة وبيعرف أديه تعبت لضلّ واقفة.. وقوّية.. وناجحة بيعرف سارة أدّيش تطوّرت بشخصيّتها من سنتين والكتابة طبعاً كان إلها دورها ولهلأ.. عم حاول ضلّ قوية بدون كلمة بابا.. بس ما بعرف ليه.. نبرتي بتضلّ مكسورة! بس فخورة إنّي لسّاتني عم حاول..