قناة الشاعر سيد محسن الجابري

#ميمر

اليوم السمه .. تذرف دمه .. تنعه اعله والد فاطمه
والعنكبوت البالغار يدمع حزن لزهره
~~~~
نادت الزهره مودع الله الغالي
عكبك صفه بس الحزن يبرالي
ريتك تشاهد بويه بعدك حالي

طگني ودفع بابي و طلع ومن عندي جن محسن وگع
ونيران يابويه هواي وشحجيلك اعله السطره
~~~~
خانوا وصيتك يالنبي وغدروها
ودار الوحي بعدك تره حركوها
وبتك يبويه العده حيل اذوها

الكون انعمه وسابع سمه بحكم السقيفه الضالمه
للعالم يريد الخير لبيت النبي يبث شره
~
أتكله بويه فدوه ارحم بنتك
ريت العمر يابوي يخلص بعدك
وياك اعيش وكون اموت ابلحدك

رغم المحن وجور الزمن كللها يا ام الحسن
انتي اول وحده تعيشين يمي وتطول النظره
~~
دمعت الزهره بهالخبر وبتشرت
بنفس الدقيقه ناحت وهم فرحت
فسريلي كلها عيونج المن دمعت

دمعي الترف وبابي الصلف ومصابك اهوايه كلف
براحه اشعر وياك وبدونك اهوه الحسره
~~~~
من ونة حسين الحجر ون وياه
والحسن بهروش الكلب ضل ينعاه
وزينب بعدها زغيره وتصيح اااه

سيل الدمع مثل الشمع وبحركه تلطم عالضلع
ما تطفه بضلوعي الاه وبكلبي وجت جمره
~~~~
الدنيا بعدك سيدي حزنانه
والعين من كد الدمع ذبلانه
والمهدي حاضر هم نحس ويانه

يبجي ويحن ينعه ويون ومخضر بكلبه الحزن
والمجلس يترسه ادموع ويواسي ذيج الحره
~~
سيد محسن الجابري

#ميمر

اليوم السمه .. تذرف دمه .. تنعه اعله والد فاطمه
والعنكبوت البالغار يدمع حزن لزهره
~~~~~~~~~~~~
نادت الزهره مودع الله الغالي
عكبك صفه بس الحزن يبرالي
ريتك تشاهد بويه بعدك حالي

طگني ودفع بابي و وكع ومن عندي جن محسن طلع
ونيران يابويه هواي وشحجيلك اعله السطره
~~~~
خانوا وصيتك يالنبي وغدروها
ودار الوحي بعدك تره حركوها
وبتك يبويه العده حيل اذوها

الكون انعمه وسابع سمه بحكم السقيفه الضالمه
للعالم يريد الخير لبيت النبي يبث شره
~~~~~
أتكله بويه فدوه ارحم بنتك
ريت العمر يابوي يخلص بعدك
وياك اعيش وكون اموت ابلحدك

رغم المحن وجور الزمن كللها يا ام الحسن
انتي اول وحده تعيشين يمي وتطول النظره
~~~~~~
دمعت الزهره بهالخبر وبتشرت
بنفس الدقيقه ناحت وهم فرحت
فسريلي كلها عيونج المن دمعت

دمعي الترف وبابي الصلف ومصابك اهوايه كلف
براحه اشعر وياك وبدونك اهوه الحسره
~~~~~~~~
من ونة حسين الحجر ون وياه
والحسن بهروش الكلب ضل ينعاه
وزينب بعدها زغيره وتصيح اااه

سيل الدمع مثل الشمع وبحركه تلطم عالضلع
ما تطفه بضلوعي الاه وبكلبي وجت جمره
~~~~~~~~
الدنيا بعدك سيدي حزنانه
والعين من كد الدمع ذبلانه
والمهدي حاضر هم نحس ويانه

يبجي ويحن ينعه ويون ومخضر بكلبه الحزن
والمجلس يترسه ادموع ويواسي ذيج الحره
~~~~~~~~~~
سيد محسن الجابري

#ميمر

مجره الدمع .. ما يـنگطع .. هوه الوتر هوه الشفع
محله العمر من ايصير بس للحسين الهيبه
_________________
يامحله لطمات الصدر والونه
ونتـوذر ابمجلس عزه نتمـنه
كل لحظـه من عاشور هيه الجنه

والقُل هِوه .. حسين الهوه ..ماعدنه غيره بس هوه
بس هوه اللي يريح الروح ونتونس ابتعذيبه
___________________
المتنعم ابهاي النعـم ومثـابر
نلكه ابضلوعه اثار من الحافر
ومكضي عمره ويه السبي و العاشر

نوره يشع .. من ينفجع .. ومكضي عمره بس دمـع
من الضلع حد الشام وضيم السبي وتسليبه
___________________

ما نوفي لو شنقدم احنه ابگطره
لكن حنيـن احسين ينطـي النظره
تعلمنه من حسين عبـره وعبـره

العبره السبي .. العبره العبيه .. ومنخالف ابدين النبي

نترقه بفعال الدين ونتـهذب ابتهذيبه
_______________________

كل خادم يبين صدك من عـشگه
كل ليله چن خيول عشره تسحگه
ويتونس ابطاري الدمع والحرگـه

حسين الوَرد .. حسين الوّْرد .. شما نفترك لازم نرد
ننصب عزيه بكل دار هواي احسن من الغيبه
_____________________
اليگصد المجلس عزه وقرايه
چن فارش لرب السمه مصلايه
ايتنه حـب حسين محله الايـه
ايـة فرض .. ومـا نعتـرض .. هوه الاهل وهو العرض
يعني اليموت ويه حسين حي يرزق ولا ريبه
_____________________
جود الكمر من المهد غذانا
وشربنا من مي كصته وروانا
وحسين ابونا اعله اللطم ربانا
حسين العمر .. حسين النصر .. حسين المشاعر والشعر

ونقراله بكـل الاوزان مو ميمر وتجليبه
_______________________

#سيد_محسن_الجابري

#ميمر (شهر الخدمة)

كل الخدم بالدمعات ترحب ابشهر الخدمه
________________________
كل الهلا بشهر الحزن والدمعه
صوت المصيبه ويه العليله انسمعه
بهاي السنه لازم نون وننعه
ونتنفس احنه ابعاشور نار الخيم جن نسمه
________________________
عاشور اجانه وبينه ناره التسعر
والدمعه فوك الخد بدت تتناثر
خلونه لمـصاب الكمر نـتوزر

هالنعمه من المعبود و واجب نقدر النعمه
_______________________
هاي المجالس نعمه لجافيها
دوم اعله بالك يالمحب خليها
ترضه عليك الزهره من تحييها
وكل خادم الاسم حسين هي التسجل اسمه
_________________________
اتسجل اسماء الخدم عالفطره
واتطيب اجروح اللطم واتنصره
شويه ابحر ابهاي القضيه واقره
ياخادم وراح اتشوف هاي الخدم ملتزمه
________________________
كل الخدم ملتزمه بس لليفهم
والمجوي من نار الخيم والمهتم
والفاهم ابسبي العقيله اشقدم
شنقدم احنه مقصرين نقطه ابحر مو جلمه
________________________
هالنگطه هاي البالگصص هم تسوه
تنذرها صح للخدمه تطلع حلوه
الضامي ضل عطشان خاطر تروه
تتروه من ماي الجود و متعيش لوما دمه
_______________________
لو ما الخدامه يالمحب ثق نهلك
خلك يخادم بالمجالس خلك
قدم ابنحره حسين كله الاجلك
معناها كل لحظه وياه هاي الخدم متحزمه

سيد محسن الجابري