كيف تخلي جوالك الآندرويد سلس بكل ما تعنيه الكلمة ؟ اليوم رح عرفك ع الطريقة يلي انا بساوي فيها جوالي بشكل شخصي المطلوب منك أنك تحمل هدول التطبيقات: 1. نوفا لانشر - Nova Launcher 2. سيسم Sesame 3. كيكا كيبورد 4. بينتريست ( مجاني ) 5. زيدج Zedge 6. كوبايلوت copilot 🔸️ طبعاً يفضل تحملن كلن مكركين كرمال الامور كلا تكون سلسة معك، ما بدك، فيك تحمل المجاني بس رح تخسر شوية حركات حلوة بالنوفا لانشر، المهم... 🔸️ بتثبت التطبيقات كلا، وبتفوت على إعدادات نوفا لانشر وبتبلش تعدل ع كيفك شو ما بدك، لدرجة انو فيك لما تعمل حركة باصابعك ع الشاشة الرئيسية يعطيك اختصار ب يلي انت بدك ياه. 🔸️ فيك حتى تضغط ضغطة مطولة ع اي ايقونة وتعدل ع اسم وشكل التطبيق كيف ما بدك ومن خلال pinterest بتحمل الايقونة يلي بدك، حتى لو كانت صورة عادية ما عندك مشكلة. 🔸️ نوفا حلو لدرجة انو فيك تطلع منو باشكال واختصارات كتير حلوة ومميزة متل يلي رح تشوفوهم بالصور تحت. 🔸️ نجي ل كيكا كيبورد، ليش هاد الكيبورد بالذات ؟؟ اول شي الكيبورد سلس بشكل... فيك من خلالو تحفظ روابط، تضيف التشكيل متل التنوين والشدة والضمة ووو...، وفيك تدخل ع الإيموجي بكبسة زر وفيك تكتب ع الكيبورد بالتحريك الحروف يلي بدك تكتبا، حتى فيك تعدل ع الكيبورد كيف ما بدك ( تحط صورة ع الكيبورد - تخصص صوت مثلاً ) وكتير امور ثانية. 🔸️ نجي ل Zedge ويلي حرفياً فيك من خلالو تحط خلفيات متحركة - تغير نغمة جوالك - تحمل ايقونات، كمان حلو جربو. 🔸️ طب شو مهمة Seasame ؟؟ حلاوة هي الاضافة مع النوفا لانشر انو بمجرد ما تضغط زر الهوم وانت على صفحة الهوم الاساسية بيطلعلك خانة بحث فيك تبحث من خلالا على ( جهة اتصال - تطبيق - تبحث بموقع google بدل ما تفتح المتصفح وتفتح صفحة جديدة لتبحث عن شي بدك يا ) يعني من الاخر متل زر البحث بويندوز. 🔸️ كوبايلوت هو تطبيق ذكاء صناعي فيك توصله بكل سرعة وقت تخصصله حركة من نوفا لانشر لتوصله بشكل سريع او تبدلو ب google assistant وقت تضغط لفترة طويلة ع زر الهوم. 👍🏻 #أخبار_منوعة #منقول