♥م̀جن̀ون̀ك آ̀نه̀ آ̀ف̀تخر̀ س̀́م̀ون̀ي³¹³♥

اخواتي بناتي هاي نصيحه مو انتقاد راح ترحين مشاية !


اسمعي النصيحه :

أولا : الحشمة ولبس السواد بالكامل ، مو لابسة عباية سوده وجواريب حمر والجنطة وردي ومدندشة ملاعيب ، اكو هواي جنط لونهن اسود بالسوك مايتجاوز سعرهن 8 الاف مو ماخذتلي جنطة سبونج بوب ب25 الف وطالعة نشاز عليج !

ثانياً : على كيفج من تحجين بالشارع مو صوتج اعلى من سماعة الموكب وتتمضحكين ويا الوياج عبالك رايحة سفرة لاسطنبول !

ثالثا : كلاوات العيد عوفيهن مو مخلية حمرة ومن واحد ينصحج تكليلة هذا مرطب وهي مبينه ذيج هيه !

رابعاً : من توصلين لبيت المعزب مو كاعده بزاوية وتحركَين ام البيت الكاعدة بي انطيني رمز الراوتر ،

خامساً : ملابس أخذي وياج أشتري هذا الشيء يخصج مو توصلين وتعاي انطيني دشداشة لو شي ثاني لان انعم الله عالناس ومسوين فضل علينه مكعدينه عدهم وفارشيلنه فراش ومنوميج وخادمينه احسن خدمة بيت اهلج محد خادمج هيج .

سادساً : ملابسج أغسليهن بيدج يسندس شنو بيتج ماتغسلين ملابس ؟؟

سابعاً : وخلي طلعتج وره صلاه الفجر مو نايمة للسبعة عالفراش لان المعزب يجوز موضف لو كاسب يعني يطلع من الصبح لاتقيدون العالم يعني بين قوسين ( لا تتعب المعزب ).

ثامناً : العالم مخليتلج مكان أسمة ( موكب او چادر للنساء ) تاكلين بي مو كاعده بالشارع وتبصبصين عالرايح والجاي

تاسعا : امهات العربانة اوووف على كيفج من تمشين تره مو مسابقة 100 متر وتردين تحصلين على جائزة ارحمي اليمشي كدامج مو تضربينة برجلة ومن يكلج على كيفج تمدين لسانج عشر امتار خطية هو بحيلة مايكدر يمشي وانتي عبالك تردين توصلين لكربلا بنفس اليوم .

وبعد اكو عيوب مااتذكرهن للبنات لا تعد ولاتحصى بأيام المشاية بس ذاكرتي ماتساعدني

تره ذني كلهن مال ونسه مومال مصاب ورايح تعزي لأن ما نعرف بيش نجازي المعازيب يبذلون الغالي والنفيس حتى يرضونه .

اللهم أحشرهم مع الحسين بحق الحسين

واجعلنا من مشاية اربعينية الامام الحسين في هذا العام وفي كل عام بحق عليل كربلاء

#للعلم هذا مو انتقاد بس نصيحة وما اخص الكل
لأن كل منا يعرف نفسه !
#نسأل الله الهداية والثبات للجميع في طريق الحق

🌙💔✨



✍ #نسأل_الله .. ان لانُحرم الأربعين ..


🌿 للذين سيغيبهم الوباء.. والذين لم يستطيعوا اداء الزيارة لأي ظرف..

- للاخوة والاخوات من كل بقاع العالم الذين باتوا غير قادرين على الزيارة ..


▪️انا على ثقة بأن الإمام الحسين عليه السلام سيتفقد قلوبكم .. تلك اللهفة الى استماع صوت القارئ او عبارة هلا بزوار ابو علي او التبرك بزاد الطريق سيصعب عليكم فقدانها .. ستفتقدكم الأرض وستفتقد خطوات مسيركم ذرات التراب و ستندب فقدكم فقد اعتادت ان تلتصق بثيابكم لتكتسب العزة .. انا على ثقة بأن دمعة البعد عن بوصلة الوصال الى درب الله الحسين عليه السلام ستؤذي قلوبكم ..


- الأ ان الأمل بان يشارككم صاحب الزمان خطواته أنيس لوحشة من فقد ليال الأربعين..

- قلدوا صاحب الزمان الزيارة والدعاء..
- وقلدوا كل راحل لكربلاء الحنين ودمعة العاشقين ..


_ اسالكم الدعاء ان لا نحرم الأربعين 💔💔




...⇣💭🖤💭⇣...