السيدة زينب تخاطب الحسين (عليهم السلام)
بعد ان رأت عبدالله مذبوح
قصيدة (نبله بوريده محزمه )
🍃🍃🍃🍃🍃🍃🍃🍃🍃🍃🍃عبدالله شو ينزف دمه...
و نبله بوريده محزمه...
وما يكدر ايعيش
مابي نفس ليش
ياخويه مذبوح...ياخويه مذبوح..
🍃🍃🍃🍃🍃🍃🍃مابي نبض خويه الولد وگليبه جمره
وهادود متعني السهم والهدف نحره
واللفة بيضة يالولي جاليش حمره
واجفونه من كد البجي طلعن لَبــَره
وعيونه خويه مورمه
ونبله بوريده محزمه
ياخويه مذبوح... ياخويه مذبوح
🍃🍃🍃🍃🍃🍃🍃ورمن يخويه من البچي ذنيج الجفون
وعبدالله من نزف الدمه متغير اللون
ومرعوبه امه وناغته تظن يفتح اعيون
وما تدري عبدالله الوقع بيدين فرعون
و الماي ويلي حارمه
ونبله بوريده محزمه
ياخويه مذبوح.. ياخويه مذبوح
🍃🍃🍃🍃🍃🍃🍃عبدالله محروم العذب ورويحته تلوب
ولو من صخر لانت اله يا ذيج الكلوب
اخذي الولد جالچ تره بالنحر مصيوب
عوفي المناغه وهزته عبدالله متعوب
تعبان من عيني العمه
و نبله بوريده محزمه
ياخويه مذبوح.. ياخويه مذبوح
🍃🍃🍃🍃🍃🍃تعبته كلش ياسهم يالشجرتك ملعونه
يالطولك بطول الولد وشليتهن يمتونه
موصيك اظنه حرمله لازم تسد اعيونه
ما خجلك ون الولد والنحبه الزغيرونه
گبلك امْلَوَّع بالضمه
ونبله بوريده محزمه
ياخويه مذبوح.. ياخويه مذبوح
🍃🍃🍃🍃🍃🍃🍃زغيرون كبلك و العطش حارگ اكليبه
جمره بوسط روح الطفل شاعل لهيبه
حيله خلص من البجي و خافت نحيبه
الماي يادربه صعب عباس ماهو يجيبه
وانذبح عبدالله بضمه
و نبله بوريده محزمه
ياخويه مذبوح.. ياخويه مذبوح
🍃🍃🍃🍃🍃🍃الشاعرة ام زينب الحسيني
https://t.center/zainxvybcxvhxxa
