“Yoshlik” jurnali

#faxr

Tarixingdir ming asrlar,
Ichra pinhon, oʻzbegim.
Senga tengdosh Pomir-u,
Oqsoch Tiyonshon, oʻzbegim.

Mudom soʻzi tirik boʻlsin! Xalqimiz hech qachon oʻz shoirini unutmasin!

Yoshlikjurnali.uz
@yoshlikjurnali

#nazm

28-dekabr — O‘zbekiston Qahramoni, O‘zbekiston xalq shoiri Erkin Vohidov tavallud topgan kun!

Bizlar arra tortmoqdamiz,
Arramizning tishi yo‘q.
Nega arrang tishi yo‘q, deb
So‘raydigan kishi yo‘q.

Chunki bizlar anoyimas,
Pishib ketgan ko‘zimiz.
Arra tushgan o‘sha shoxda,
O‘ltiribmiz o‘zimiz..

Yoshlikjurnali.uz
@yoshlikjurnali

#yangi_yil_hazili

***
Tun yarmida ul Farrux Jabbor
Bedor turar, demak, bir gap bor.
“Jonga tegdi matn omochlash,
Qachongacha tortaman shudgor?”

Birovlarni tahrirlash bilan,
Yil ham topar nihoyasini.
Qilsammi der biror saylanma
Toʻrt yarimta hikoyasini.

yoshlikjurnali.uz
@yoshlikjurnali

#adiblar
#karikatura

Adabiyotga kim nima bilan kirib kelgan?

Sharjda qaysi adib aks etgan? Uning qanday asarlariga ishora qilinmoqda? Izohlarda yozib qoldiring. 👇

Sayt | Telegram | Murojaat | Muhokama

#tavsiya

Erkin Vohidov. “Ruhlar isyoni”

Doston XX asrning birinchi yarmida yashab o‘tgan otashqalb hind shoiri Nazrul Islomning hayotiga bag‘ishlanadi. Unda Hindistonni ingliz mustamlakasidan ozod ko‘rishni istagan va shu muqaddas kurashga nafaqat ijodini, balki o‘z erki va hayotini ham baxshida etgan otashqalb shoirning tutqunlikdagi achchiq qismati, qismatidan-da achchiqroq o‘y-xayollari birin-sirin hikoya qilinar ekan, Erkin Vohidov vaqti-vaqti bilan o‘quvchi nigohini insoniyat tarixida yulduzdek porlagan turli-tuman ajoyib rivoyatlarga qaratadi.

👉davomi...

@yoshlikjurnali

#olis_yaqin_ovozlar

★ ★ ★

Seni tushimda ko‘rdim.
Hammasi juda ham oddiy edi:

lablaringga tegib ketdi lablarim,
keyin kulib qo‘yding uni siypalab,
bir oz qizillashdi yuzlaring.

Qiziq,
o‘ngda bunday bo‘lishi uchun
qancha tasodif kerak odamga?
Masofachi?..

Biz birga bormagan yoqlarda
uzoq sayr etdik.
Bir uzun ko‘prik uzra
tungi chiroqlar yog‘dusiga cho‘milib
uzoq yugurdik.
Nega buncha hovliqdik?
Yashab bo‘larmi, ayt, baxtni hovliqmay,
uxlamay yashab bo‘larmi uni?..

Seni tushimda ko‘rdim,
juda ham oddiy edi hammasi.

Rafiq O‘zturk

Yoshlikjurnali.uz
@yoshlikjurnali

#olis_yaqin_ovozlar

★ ★ ★

Ortga qaytarolmam asov dilimni,
Borsa kelmas mening yo‘lim, birodar.
Shiorim – ezgulik, shundan zulmning
Har dam yoqasida qo'lim, birodar.

Bir boshga bir o‘lim, har bir boshda bor,
Xatarlidir o‘ng-u so‘lim, birodar!
Shoirni o‘lim-la qo'rqitma zinhor,
She'rsiz o‘tgan har kun – o‘lim, birodar.

Quddus Asad

yoshlikjurnali.uz
@yoshlikjurnali

#iqtibos

Har bir odamning Allohga murojaat qiladigan pok bir makoni, joynamozi boʻlishi lozim. Oq qogʻoz ​​— shoirning joynamozi. Oq qogʻozi boʻlmagan shoir iymonidan ayriladi.

Rauf Parfi

Yoshlikjurnali.uz
@yoshlikjurnali

#nazm

★ ★ ★

O‘zimni unutib, chorladim seni,
bilmadim bu dunyo o‘ngimmi-hushim?
Azizam, kel, menga eslatgin meni,
azizam, kel, meni yodimga tushir.

Ko‘nglim siniqlarin ko‘zimdan tergin,
og‘riqlarim aytib qo‘rqit, uchuntir;
azizam, kel, meni izohlab bergin,
azizam, kel, meni tushuntir!

Azizam, kel faqat, kelsang bas, tamom,
bus-butun egallab ol borlig‘imni:
bir sen isbotlashing mumkindir
hamon
bu dunyoda men borligimni.

✍ Mansur Jumayev
🎤 Erkin Bozorov

Yoshlikjurnali.uz
@yoshlikjurnali