YO'L-YO'LAKAY

Janubiy Koreyada ishchi kuchining 10% dan ortig’ini robotlar tashkil etmoqda. Bu ko’rsatkich bo’yicha mamlakat jahonda yetakchiga aylandi.

Tahlilchilarning fikricha, har 10 ming xodimga 1012 ta sanoat roboti to’g’ri keladi va har yili ularning soni o’rtacha 5% ga o’smoqda.

👉 @YOL_YOLAKAY

Misr qirgʻoqlari yaqinida bortida 45 kishi boʻlgan yaxta choʻkib ketdi

“Qizil dengizda suzib ketayotgan Sea Story yaxtasi choʻkib ketdi, uning bortida 31 yoʻlovchi va 14 ekipaj aʼzosi boʻlgan. 28 kishi qutqarilgan, yana 17 kishi bedarak yoʻqolgan”, deyiladi Misr rasmiylari tomonidan eʼlon qilingan xabarda.

Yaxta kecha Gʻolib portidan chiqib ketgan, juma kuni esa Hurgadaga yetib kelishi kerak boʻlgan. Bugun erta tongda ekipaj halokat signalini yuborgan. Hozirda qidiruv-qutqaruv ishlari davom ettirilmoqda.

👉 @YOL_YOLAKAY

Figure startapi BMW zavodlarida avtomobillarni yig’ishga yordam beradigan robotlar sinovlarini ko’rsatdi.

Ularning aytishicha, birinchi prototiplarga nisbatan ular 4 barobar tezroq va 7 barobar aniqroq ishlaydigan bo’lishgan.

BMW zavodlarida ushbu robotlar 2025-yildan ishlashni boshlashadi. Aytgancha, startapga BMW'dan tashqari yana OpenAI, Nvidia, Microsoft va Amazon kompaniyalari ham sarmoya kiritishgan: hozir startap 2,6 milliard dollarga baholanmoqda.

👉 @YOL_YOLAKAY

Onkologik kasallikka chalingan ayollar bepul davolanadi

Prezident qaroriga muvofiq Har yili 30–50 yoshdagi ayollarda bachadon boʻyni saratoni skriningi oʻtkaziladi.

30–65 yoshdagi ayollar har 2 yilda bir marotaba tibbiyot xodimlari tomonidan birlamchi saralashdan oʻtkaziladi.

Skrining natijasida onkologik kasallik aniqlangan bemorlarni tashxislash va davolash xarajatlari byudjet hisobidan moliyalashtiriladi.

👉 @YOL_YOLAKAY

🔻AQSH dollarining rasmiy kursi pasaydi

Markaziy bank 26-noyabrdan xorijiy valyutalarning o‘zbek so‘miga nisbatan yangi qiymatini belgiladi.

🇺🇸 USD 12 814,78 soʻm (–14,29)
🇷🇺 RUB 123,50 soʻm (–1,41)
🇪🇺 EUR 13 442,70 soʻm (+97,90)

👉 @YOL_YOLAKAY

Turkiyaning birinchi odamsimon roboti talabalarga dars bera boshladi

“Ada” nomli robot darslarda o‘qituvchi yordamchisi sifatida o‘quvchilarning savollariga javob bergan.

👉 @YOL_YOLAKAY

Qashqadaryoda ayoli va 2 oylik chaqalogʻini oʻldirgan erkak oʻzini osib joniga qasd qildi

Erkak yashash xonadonida ruhiyatida sodir boʻlgan oʻzgarishlar oqibatida oshxona pichogʻi bilan ayoli va farzandini pichoqlab oʻldirgan.

Joriy yilning 24-noyabr kuni Kitob tumani “Oqsuv” MFY, Xoʻjaisparoz qishlogʻida yashovchi 1998-yilda tugilgan erkak shu kuni soat 13:00 atrofida yashash xonadonida ruhiyatida sodir boʻlgan oʻzgarishlar oqibatida oshxona pichogʻi bilan 1996-yilda tugʻilgan turmush oʻrtogʻi hamda 2024-yilda tugʻilgan qizini qasddan oʻldirgan. Bu haqda Bosh prokuratura matbuot xizmati rahbari Hayot Shamsutdinov maʼlumot berdi.

Shundan soʻng, u yashash uyining xoʻjalik binosida arqondan sirtmoq yasab, oʻzini osib oʻz joniga qasd qilgan.
Mazkur holat yuzasidan Kitob tumani prokurori tomonidan JKning 97-moddasi bilan jinoyat ishi qoʻzgʻatilgan.
Gumonlanuvchi shaxs (marxum) 2006-yildan buyon viloyat ruhiy asab kasalliklari shifoxonasida roʻyxatda turgan.

👉 @YOL_YOLAKAY

Vilnyus aeroporti yaqinida yuk tashuvchi Boeing qulab tushdi

Ekipaj a’zolaridan biri halok bo‘lgan. Flightradar24 servisi ma’lumotiga ko‘ra, Boeing 737 Litva poytaxtiga Leypsigdan uchib kelgandi.

👉 @YOL_YOLAKAY

Kamchatkada transport kollapsi sodir bo‘ldi

Petropavlovsk-Kamchatskiy ko‘chalari muzlab qolishi oqibatida ko‘plab yo‘l-transport hodisalari sodir bo‘ldi.

O‘lka gubernatori yo‘l xizmatlarini ob-havoga oldindan yetarlicha tayyorgarlik ko‘rmagani uchun tanqid qildi va shahar ko‘chalarini qordan tozalashni topshirdi.

👉 @YOL_YOLAKAY

Taras Shevchenko koʻchasining bir qismi barcha turdagi transport harakati uchun yopiladi

Bunga gastronomik koʻchani tashkil etishdagi taʼmirlash ishlari olib borilishi sabab boʻlgan.

👉 @YOL_YOLAKAY

Yunusobodda 3 ta avtomobil ishtirokida YTH sodir boʻldi

25-noyabr kuni poytaxtning Shahriston koʻchasidagi chorrahalardan birida yengil avtomobillar toʻqnashdi. YTH tan jarohati olganlar yoki vafot etganlar haqida maʼlumot yoʻq.

👉 @YOL_YOLAKAY