رسالة #الشاعر_علي_الغماري الى المنشدين ها خبرو كل منشــــد مامنشد الا بشاعــــــر فالمؤمن الجيد من جِد يحس بعض المشاعــر والله هو بايســــــدد عالم بما في الضمايــر سر لك دلا يامغــــرد وانظر لمن فالمقابـــــر فالمنشد اللي يقلـــد بندق ولا له معابــــــــر لازامله بايحشــــــــد ولا ينكع طوايـــــــــر مفعول مثل المرقـــد مجابره عند ساهـــــر يامن حمي بايبــــــرّد وكل مدلول بايــــــــر فالعشق عشق التجلّد والعز عز البصايـــــــر والعيش عيش التمرد والموت موت الضماير والحرب حرب التشدد مابين مسلم وكافـــــر والدعس دعس المُمدد واللطم لطم الصوابــر والمرحله باتحـــــــدد ما بين غالي وفاتــــر ماضرنا من يهــــــــدد فالجيد طبعه يكابـــر فالمرجله عز تــُـــــوّرِد. افعال ماهي مناظــر ياهاجسي لنت مرشـد افتح وسجل محاظر عدد وكم باتعـــــــــدد سجل بوسط الدفاتـر راس السنه ربما اجــرد واجمع حقوق الخساير فالبعض يركع ويسجـد للقرش فوق المنابــــر والبعض شكله مولـّــــد للكهرباء مثل صافــــر حق الفواتير ســـــــــدد واحسب حسابك وبادر اقطع وشيك وسنّــــــد واحسب لوارد وصادر سدد فواتير ســـــــدد حق ابن هادي وجابــر يامسعده وين مسعــد قالت في السوق خادر ماقد دخل يوم مسجد انسان ماهوش سابـــر يأكل ويشرب ويرقـــد كافر ب الايمان ظاهـر قد غاب حتى التشهد والناس بين المعــــاذر ياهل الوهن والتــودد ربي على الرجع قـــادر لاعاد ناجد ومنـِــــجد في يوم تبلى السرائــر قولو لمن عاش ملحـد مالك من الله ناصـــــر #الشاعر_علي_الغماري تاريخ الكتابه 22 اكتوبر 2024 https://t.center/Alialjhomari