#olis_yaqin_ovozlar ★ ★ ★ Yomg'irdan qochmadim, ho'l bo'ldi tanim, Bor-budimni berdim sog'inchga, ishqqa. Ko'ngling–ming yil orzu qilgan vatanim, Ulgurding ko'nglimni vatan qilishga. Oppoq orzularni tutdim qo'lingga, Kuldim, yanog'imdan sizildi tomchi. Ko'zimni to'rt qilib boqdim yo'lingga, Adolat qilmadi hayot–aldamchi. Seni izlayman deb yugurdim, yeldim, Zimmamga yuklandi shunday buyuk ish. Yomg'irdan qochmadim, ajab, ko'nglimdan, Unib chiqaverdi senga bo'lgan ISHQ! Venera yoshlikjurnali.uz @yoshlikjurnali