*** Opa, qara o'ylarim qolib, Armon dilni quchib ketdi-yo! Chap ko'ksimni zarb bilan yorib Qaldirg'ochlar uchib ketdi-yo. Bo'g'zimga bir og'riq qadalar Lablarimdan to'kiladi jon. Ko'nglimizdek keng bu dalalar Tor bo'lishga ulgurdi qachon?! Opa, balki qildimmi g'o'rlik? Huv tog'larga yig'lablar berdim. Meni suyab o'stirgan sho'rlik Yana o'sha yelkangga keldim. Keldim, sochim chigillarin yoz Bir taskin ber menga tinmasdan. Sen ko'nglimni quchog'ingga bos, Hayot meni chayr qilmasdan. Opa, topding bariga yechim Yana senga yozayapman she'r! Ishon, sendan so'nggi o'tinchim Bolalikka chipta topib ber. ✍🏻 Durdona BAHODIROVA 🎙 Shahina Usmonova https://t.center/us_ijodkor_qiz