من أسوء القرارات اللي ممكن تاخديها لشعرك تشقير الشعر بالكامل انك تبقي عايزه تعملي لون معين فيكون من خطوات اللون ده ان شعرك يتشقر كله في ناس بتبقي مش فاهمه عواقب الخطوه دي بتشوف لون حلو نفسها تعمله فتلاقي صور لصالونات منفذه نفس اللون فتروح تعمله وساعات كتير بيبقي التشقير علي خطوتين فبتبقي المصيبه مضاعفه وياسلام بقي لو في أثر حنه او لون احمر او اسود فيضطر يسحبهم الاول علشان يوصل الشعر لدرجة تشقير يعرف منها يجيبلك اللون اللي انتي عايزاه وطبعا لازم يتكلم عن اد ايه هو بيحط مواد حمايه علي البودرة علشان شعرك ماينشفش وساعتها بتعملي لون حلو وبتتصوري صورتين حلوين وبعد كده بتبدأ المعاناه اولا :غالبا بعد كام غسله اللون بينزل وبيتبقالك لون سخيف جدا صعب يتظبط بعد كده ثانيا :شعرك بيبقي عامل زي شعر العروسه اللعبه بعد ماشعرها يبوظ مابيبقاش فيه اي حيويه نهائي ثالثا: في ناس بتحصلهم مشاكل كبيره في الفروه وحروق بسبب أن التشقير لازم ييجي علي الفروة طيب اللي بيحب الاشقرات يعمل ايه ؟ الخصل بتبقي اهون بكتير جدا علي الشعر ولونها بيثبت اكتر بكتير ومادة التشقير مابتجيش علي الفروة لانها بتبقي في فويل وليها كذا تكنيك ممكن توصلي بيه للون اللي انتي عايزاه يمكن يبقي اشيك كمان من تشقير الشعر كله بس بردو لازم نوع البودرة يبقي نضيف ولازم اللي بتعمل يبقي أيدها سريعه وفاهمه كويس لان بردو ممكن تحصل حوادث من الخصل صعبه جدا بس في كل الحالات الخصل الشقرا بكل الوانها أهون كتييير من تشقير الشعر بالكامل وطبعا المقصود بالاشقر هنا كل الالوان الفاتحه زي الجراي والزتوني والتلجي والدهبي ونصيحه أخيرة ليكي لو شعرك كان فيه صبغه حمرا أو سودا أو حنه حتى لو من فترة كبيرة ولسه موجوده في الأطراف ابعدي تماما عن سحب اللون حتي لو خصل لانه مش هيتسحب بسهوله ولو اتسحب مش هتلاقي شعرك بعدها دمتم جميلات ♥️♥️♥️♥️♥️ #شعرك_هو_تاجك #تحدي #الاهتمام_بالشعر #تحدي_جديد #للشعر