#المولد_النبوي_الشريف 1446هـ بســم من لا يعـبدون سواه ـ ســبحانه - عَبيده الرّحـــوم ، اللــــي بـــليّا رحـمته لـ اكوان عالت ابتــدي، والفكر حـــالف مايــجيب الا الــفريده لـــي تشــرّفني بفـــحواها، ومــولى لــيه آلـــت في مقامٍ لا يُـصَف ، من كثر الاوصاف الحميده لي بـــه الايات قـــالت : قـــبل ما الشـعّار قالت كلّ ماجيت اوصـــفه تطري لي اوصافٍ عديده ما تــعــبّرها ســوى عَـــبرَه من العـينين ، سالت وفكري المـــشغول بالتفـــكير وافــكاره شريده كثــــر ما جــــمّع درر مـــــنْه الدرر كلّه تفـــالت كــلّ ما تمّــيت بيــت اللــي ، سَبَقْه يقول عيده ليــــن ماحـــالت بنــات الفكر عنــي واستقالت يالله تعيــض المنـقِّح للقِـــصيده ،في قِصيده كثــر مـــاحاول يطـوّع قافيتها، واستـــحالت لنّـها في من سمى بالمـــجد ، وصروحه مشيده والضعوف استبشـرت به والطواغيت استهالت وأرشد امّه ، قبل ما الله يبــعثه ، ماهي رشيده عاشـت بــظل الجَهل لعصور طالت واستطالت لي به الله ختّم رسالاته ، اـ ووحيــه على ايده واصطــفاه الله لخيـــر أُمه معه حطت وشالت ولي بمشروعه ، مـشاريع الغــوى صارت بديده وشعّ نوره في فــــضا الاكـوان والظلمات زالت .. كلّ عـــام، وشعبنا لـ إحـــياء ذكــراه المـــجيده يحتـــشد كــلّه من اجل يــنال ما الاجداد نالت يابريد الشــوق، شــوق اليــوم ماضــنّك بَـريده قد خَذتْه اضـــوائنا الخضرا وصالت به وجالت حـــلّت البـــشرى بميلاده على لـ ارض السعيده وحنّــــت رعـــود الـــفرح للقــاه وبروقه تلالت يوم ذكرى مولـــده، عنـــد اليمـــاني يوم عيده يحتفل ويغــيض الانفـس لي على حربه توالت يارســـول الله ، وانـــصارك مـــواثقــهم تلــيده سالكـــين الدرب يـوم اغلب امم لـ اسلام مالت تاهت شـــعوب دول عن نهجك وصارت بعيده تنتهك حـــرماتها امــــريكا، وهـي ما عاد بالت واليـــمن ، لازال متمــسك بنهــجك ، والـعقيده دونها كـــم تضـــحيات وكم دما ونفوس حالت لنّه اتـــولاك واتــــولا الوصــــيّ، اللــــي حفيده جـــسّد افـــعاله بَعـَـد ما الصهينه فالجرم غالت وشعبنا اللي مرتـبط بك ماترك الاقصى وحيده كال الاعـــدا كـــيل وايديهم بتــرها يوم طالت حاصـــروا غزه وســـاق الـرد من بحر الحديده ومن وســط صنــعاء الى اليلات ضرباته تتالت يارســـول الله وانفســــــنا بمـــوقفنا شــــهيده لي بحـــبّك داوت جــــروحٍ وطعــنات وتشالت لـ ادمــي لا مـنت سيده ، صار الامريكان سيده واليهــــود اللــي سعت فالـــعالم إفساد وتعالت وشعبنا اللي قد جرت (لبيك) في داخل وريده من محــــبّه صـــادقه وقــلوب للمحبوب والت كل عامٍ في ربــــيع اول يـــجدد فـــي صـعيده عهد الانـــصار القـــديم اللي مــواثيقه لاْ زالـت #الشاعر_باسم_مساوى #المولد_النبوي_الشريف 1446هـ تيليجرام: Http://https://t.center/basemmusaoa يوتيوب; m.youtube.com/basem.musawa فيسبوك ; m.facebook.com/BasemMusaua