Toshkent metrosi: 47 yillik tarix va bugungi ahamiyat Bugun, 6-noyabr Toshkent metrosining ochilganiga 47 yil to‘ldi. 1977-yilda o‘z eshiklarini ochgan Toshkent metrosi nafaqat O‘zbekistonda, balki butun Markaziy Osiyoda birinchi metropoliten sifatida tarixga kirdi. Yillar davomida metro poytaxtning ajralmas qismiga aylandi va minglab yo‘lovchilar uchun ishonchli, xavfsiz va qulay transport vositasiga aylanishda davom etmoqda. Toshkent metrosi bekatlari o‘zining noyob dizayni va madaniyati bilan ham mashhur. Har bir bekat milliy o‘ziga xoslik va tarixiy mavzular bilan bezatilgan bo‘lib, ularning ko‘pchiligi nafaqat mahalliy, balki xorijlik sayyohlar uchun ham qiziqdir. Metro bekatlarida shahar arxitekturasi va san’atining noyob uslublari uyg‘unlashib, Toshkentning zamonaviy va tarixiy qiyofasini aks ettiradi. @TSTU_NEWS