እዋናዊ መግለፂ ጊዝያዊ ምምሕዳር ክልል ትግራይ ጊዝያዊ ምምሕዳር ክልል ትግራይ 01 ሕዳር 2017 ዓ.ም ኣብ ዘውፅኦ መግለፂ እቲ ዘይሕጋዊ ጉባኤ ኣካይደ’ለኹ ዝብል ዘይሕጋዊ ጉጅለ  መደባት ግዝያዊ ምምሕዳር ካብ ምዕንቃፍ ሓሊፉ ዕላዊ ዝኾነ ዕልዋ መንግስቲ ናብ ምፍፃምን ፍፁም ስርዓት ኣልቦነት ናብ ምስፍሕፋሕን ከምዝተሰጋገረ ዕላዊ ገይሩ ነይሩ እዩ። እዚ ጉጅለ ሕዚ እውን ዘይሕጋዊ ተግባራቱ ብምጥንኻር ብቕሉዕ መንገዲ ዕልዋ መንግስቲ የካይድ ኣሎ ። ኣብ ዝተፈላለዩ ከባቢታት ትግራይ ዘይሕጋዊ ምደባታት እናካየደ ኣመራርሓ ግዝያዊ ምምሕዳር ካብ ምዕንቃፍን ኣብ ልዕሊኦም ዘየድሊ ፀቕጢ ካብ ምፍጣርን ብተወሳኺ ስራሕቲ መንግስቲ ኣብ ምልማስ ተፀሚዱ ይርከብ።  ጊዝያዊ ምምሕዳር ክልል ትግራይ ነዚ ከምዚ ዝበለ ስርዓት ኣልቦነት ክፃወር ከምዘይኽእል እናፍለጥና በዚ ዘይሕጋዊ ጉጅለ ዝምደቡ ኣካላት ዘመሓድርዎ ህዝቢ ኮነ ዝኾነ ዓይነት ሃፍቲ እውን ኣይህሉን። ሓይልታት ፀጥታ ትግራይ፣ መሓውር ፍትሕን ባንክታትን እውን ነዚ ኩነታት ተረዲእኹም ሕጋዊ ግቡእኹም ንክትፍፅሙ ነገንዝብ። በብብርኩ ዝርከብ መሓውር ጊዝያዊ ምምሕዳር፣ ኣብ ትግራይ ብሕጋዊ መንገዲ ዝንቀሳቐሱ ኣካላትን ትካላትን፣  መንግስቲ ፌዴራልን ማሕበረሰብ ዓለምን እውን እዞም ብዘይሕጋዊ መንገዲ ዝምድቡን  ዝምደቡን ዘለዉ ሰባት መንግስታዊ ሓላፍነት ሒዞም ኣብ ዝኾነ ይኹን መድረኽን ዋዕላን ክሳተፉ ከምዘይግባእ ጊዝያዊ ምምሕዳር ክልል ትግራይ ብፅኑዕ የገንዝብ። ሕዳር 5/ 2017 ዓ.ም               መቐለ   @tikvahethiopiatigrigna