TIKVAH AFAAN OROMOO

Dirree Dhawaatti konkolaattota geejjibaa elektirikii 3000 ol hojii eegalchiisuuf waliigalteen mallatteeffame

Waggoota sadan keessatti konkolaattota Bajaajii konkolaataa elektirikiitiin bakka buusuuf karoorfameera

Bulchiinsi magaalaa Dirree Dhawaa konkolaattota elektirikii ammayyaa tajaajila geejjibaa kennan 3000 ol hojii eegalchiisuuf guyyaa kaleessa dhaabbata Swiift Teeknooloojii fi Baankii Gamtaa Oromiyaa (#COOP) waliin waliigaltee mallatteesse.

Sagantaa waliigaltee kanarratti kan argaman kantiibaan magaalattii Obbo Kadir Juhaar haasawa taasisaniin, magaalaan Dirree Dhawaa zoonii daldala bilisaa dabalatee bakka argama industiriiwwan waan taateef biroo tajaajilli geejjibaa ammayyaa sadarkaa magaalattii gitu barbaachisaa ta’uu dubbataniiru.

Kanaafis konkolaattonni elektirikii gara magaalattii galuun magaalattiin ammayyummaa ishee qabattee akka itti fuftuuf gumaacha guddaa akka qabu eeraniiru.

@Tikvahethafaanoromoo

BGI Itiyoophiyaan mana barumsaa magaalaa Baatuutti ijaare eebbisuun hawaasaaf dabarsee kenneera.

"BGI Ethiopia" sirna eebbaa mana barumsaa sadarkaa 1ffaa galma Abbaa Gadaa Magaalaa Baatuutti eebbiseera.

Ijaarsi mana barumsichaa ji'oota 6 keessatti kan xumurame yoo ta'u bara barnootaa haaraatti barattoonni barnoota eegaluu isaanii himameera.

Hojii gaggeessaan 'BGI' Hervee Milhaawud akka jedhanitti, manni barumsaa kun Birrii miiliyoona 9'n ijaaramuun, daa’imman 600 dabareen fayyadamoo taasisa jedhaniiru.

BGIn itti gaafatamummaa hawaasummaa isaa bahachuuf bara kana pirojektoota barnoota, fayyaa, fi bishaan dhugaatii qulqulluu irratti Birrii miiliyoona 70 ol baasuu hojii gaggeessaan olaanaa eereera.

@tikvahethafaanoromoo

"Namni isa caalu hin jiru" - Tiraamp

Pireezidaantiin Ameerikaa filatamaa Doonaald Tiraamp godaantota waraqaa ragaa hin qabne miliyoonaan laakkaa’aman biyyaa ari’uuf waadaa galan raawwatuuf hoji gaggeessaa Toom Hoomaan muude.


Paatroolii Daangaa Ameerikaa ta'uun kan muudaman abbaan Taayitaa kun, yeroo tokko itti aanaa daayreektaraa waajjira muummee Immigireeshinii fi Gumuruuka biyyattii kan turaniidha.

Tiraamp, 'daangaa keenya eeguu fi to'atuf namni isa caalu hin jiru,'' jedhan.

Kana malees, dhimma immigireeshinii irratti ejjennoo hundee kan qabu Isteevan Miler jedhamu waajjiricha keessatti itti aanaa gochuun muudaniiru.

Tiraamp yeroo aangoo qabatan hojiin jalqabaa godaantota waraqaa ragaa hin qabne hedduu biyyattii keessa jiran biyyaa ari’uu akka ta’e himamaa tureera.

@tikvahethafaanoromoo

Atileet Simboo Alamaayyoon Atileetii dubartii cimtuu taate filatamte!

Atileet Simboo Alamaayyoon Atileetii dubartii cimtuu waggaa 20 gadii badhaasa bara Faranjootaa 2024'f kaadhimaman sadi keessaa tokko ta'uu Federeeshiniin Atileetiksii Addunyaa beeksise.

Atileet Simboon badhaasaa Atileetii cimtuu abdannaa qaban kan waggaa 20 gadii bara 2024’f kaadhimaman keessaa Atileet Simboo Alamaayyoon ishee tokko taateerti.

Atileet Simboon fiigicha gufachiisaa meetira kuma 3 Shaampiyoonaa Atileetiksii Addunyaa umrii waggaa 20 gadii Peeruu Magaalaa Liimaatti gaggeeffameen meedaaliyaa warqee argamsiisuun kan yaadatamuudha.

Gama biroon Atileetiin Sarbiyaa Anjeeliinaa Toopich Utaalchaan, Atileetiin Chaayinaa Yaan Ziizyuun darbannaa eeboon Atileetoota Simboo waliin filannoo xumuraaf darbaniidha.

Kaadhimamtoonni sadan kunneen ga’umsa olaanaa bara kana dorgommiiwwan garaagaraarratti agarsiisaniin badhaasa xumuraaf darbuu ragaan Federeeshinii Atileetiksii Addunyaarraa argame ni mul’isa. #FBC

@Tikvahethafaanoromoo

#Tigraay

"Gareen Dabratsiyooniin Durfamu Fonqoolcha Mootummaa Gaggeessaa Jira," Jedhu Geetaachoo Raddaa

Bulchiinsi yeroo Tigraay kan Obbo Geetaachoo Radaatiin durfamu garee Adda Bilisummaa Uummata Tigraay (ABUT) kan Dr.Dabratsioon Gabramikaa’eliin durfamuu “fonqolcha mootummaa gaggeessaa jira” jechuun himateera.

Garee Oboo Geetaachoon durfamu kun Ibsa Dilbata darbe baaseen “Adda Bilisummaa Uummata Tigraay baraaruuf mari’achuuf qophii dha malee aangoo qooddachuuf qophii mitii” jedheera.

Gama kaaniin dhaabbileen waldaalee siivilii kan Tigraay torba kaleessa ibsa baasaniin, “walfalmiin hoggantoota ABUT gidduutti uumame hojiirra oolfamuu waliigaltee Piriitooriyaa irratti danqaa ta’a” jedhan.

Obbo Geetaachoo Raddaa fi Dr Dabaratsiyoon Gabramikaa’el tibbana kan wal argan yoo ta’u kunis Phaaphaasonni amantii ortoodoksii kan Tigraay maanguddummaan eega gidduu seenanii booda.

Angawoonni lamaan garaagarummaa isaanii karaa nagaa hiikuuf waadaa galuu isaanii gabaafamee jira. #VOA

@Tikvahethafaanoromoo

#Finfinnee

Dambiin uffannaa ogeeyyii hoteelaa fi itti fayyadama faaya miidhaginaa murteessu bahuu Waajjirri Haqaa Magaalaa Finfinnee beeksise.

Kunis Dambii Lakk.178/2017 ta’ee kan baheedha.

Dambiin kun "ogeessota hoteelotaa fi tajaajila kana fakkaatan keessatti hojjetaniif sirna uffannaa, faayaafi meeshaalee miidhaginaa walfakkaatu hundeessuun aadaa fi gatii biyyattii eeguuf dambii baheedha" jedhan.

Fakkeenyaaf seera uffannaa irraa:

➡️ Uffannaan qaama laphee hin uwwisnee ykn uffanna mormaa gadi uwwisu yoo hin uffannee,

➡️ Uffannaan dubartoota dheerinna isaa fi tarsoofni isaa jilba ol yoo ta'e,

➡️ Qubeelaa cidhaa malee ala faaya biraa naannoo mul'atutti uffachuun adabbii akka qabu kaa'ameera.

Danbiin kun, ogeessota hoteelotaa fi dhaabbileen tajaajila kana fakkaatan irratti kan bu’uureffate yoo ta'u, dambii kanaan hojjechaa jiraachuu fi dhiisuu isaanii yeroo yeroon hordoffiin ni taasifama jedhameera.

@tikvahethafaanoromoo

Barattoota Qabxii olaanaa galmeessaniif badhaasni kennameera.

Barattoota Mana Barnootaa Bultii Addaa Waldaa Misooma Oromiyaa (WMO)tti qabxii olaanaa galmeessaniif sagantaan beekamtii fi badhaasa magaala Adaamatti gaggeeffameera.

Barattoota bara 2016tti qormaata kutaa 12ffaa fudhatanii qabxii olaanaa galmeessaniif akka kenname ibsameera.

Hogganaan Itti Aanaan Biiroo Barnoota Oromiyaa Dooktar Galaanaa Waldamikaa'el manneen barnootaa kuma 32 keessaa manni barumsaa bultii addaa barattoota qormaata fudhatan hunda dabarsuu himaniiru.

@Tikvahethafaanoromoo