الفتن حوالينا من كل اتجاه، وفتنة النساء بقت من أكبر التحديات اللي بتواجهنا. الحل موجود، لكن محتاج منك قرار حاسم وإرادة قوية⁉️ قلبك لازم يتعلق بالله، علاقتك بربنا هي الحصن اللي هيحميك من السقوط في الفتن. لما يكون الله الأول في حياتك، هتقدر تصرف بصرك وتحصّن قلبك، زي ما ربنا أنقذ سيدنا يوسف عليه السلام من فتنة عظيمة. تخيل الجنة قدامك والنار بعينيك. فكر في نار الدنيا ، أمال نار الآخرة اللي ربنا أنذرنا منها، هتبقى قد إيه؟ لما تلاقي نفسك قدام أي فتنة، ابعد فورًا، فرّ بدينك، لأن نظرة واحدة ممكن تدمّر قلبك وتضعف إيمانك. ربنا بيقول في القرآن: {وَلَا مُتَّخِذِیۤ أَخۡدَانࣲ}، وكمان قال {وَلَا مُتَّخِذَ ٰ⁠تِ أَخۡدَانࣲ}، يعني الصحوبية بين الولد والبنت محرمة بشكل واضح. ولو نبص على تعامل الصحابة مع زوجات النبي ﷺ، ربنا أمرهم {وَإِذَا سَأَلۡتُمُوهُنَّ مَتَـٰعࣰا فَسۡـَٔلُوهُنَّ مِن وَرَاۤءِ حِجَابࣲ}، ليه؟ {ذَ ٰ⁠لِكُمۡ أَطۡهَرُ لِقُلُوبِكُمۡ وَقُلُوبِهِنَّ}، حتى الصحابة اللي كانوا أطهر الناس، كان لازم يحافظوا على حدودهم. سيدنا جابر بن عبد الله سأل النبي ﷺ عن نظرة الفجأة، فقال له: «اصرف بصرك». والسلام بالإيد بين الرجال والنساء مرفوض حتى لو كانوا قرايب؛ النبي ﷺ قال: «لأن يُطعنَ في رأسِ أحدِكم بمخيطٍ من حديدٍ خيرٌ له من أن يمسَّ امرأةً لا تحلُّ له». فما بالك لو زاد الأمر عن كده؟!