Татарстанга яңа комбайн — Габдулла Тукай исемендәге RSM 161 комбайны кайтты. Авыл хуҗалыгы техникасын «Август-Теләче» агрофирмасы алды. Бу хакта Татарстан Авыл хуҗалыгы һәм азык-төлек министрлыгы матбугат хезмәте хәбәр итә. Россия авыл хуҗалыгы техникасы җитештерүчесе 95 агромашина чыгарган, алар Россия тарихында якты эз калдырган эшлеклеләр хөрмәтенә аталган. Алар арасында — космонавтлар, шагыйрьләр һәм композиторлар, танылган галим-селекционерлар һ. б. Һәр төбәк өчен үз герое сайланган. Татарстан өчен комбайн татар шагыйре Габдулла Тукай хөрмәтенә аталган. 🌟 TatNews Tatar