Cımı ružnoma ku i poa. Cimi ružnoma, cimi hár ružnani qeydon tabii ki Tolıša zıvon ada’n. Išta ružnoma ada vey vaxti dešta diáloge kárdedam, yá an ruži dırozi dešta kárda diálogon ku vojiba poane nıvıštedam. Insoni dešta sehbat kárde vey vojiba proses’e iyan vey qašanga tajruba’ye. Im diálogi Tolıša zıvon ada nıvıšte ay láp unikále kárdeda, odami vizioni láp hoviže kárdeda. Im kırta hissa ada darhol hazz say ro jahd kárda mı (instinktiva mı) iyan dıroza mıddatina hazzi ro norohata mı (aqlmánda mı) ára ada ba mınosiba maxraj ome ku sıxán šeda. İyo aqlmánda mı instinktiva mı na jánge-jánge kárdani. Ay daraseda, hattá bay dástak doda.