" بعد أيام قليلة سينقلب روتين حياتنا سُنحب الليل بزياراته واجتماعنا بعد غروب الشمس، سنتراكض قبل آذان الفجر لشرب الماء، وتعلو المساجد بأصوات التراويح، سنشعر بجرعات إيمانية في أوردتنا، اللهم بلغنا رمضان في أحسن حال، ومن غير أن نرى دمعة حبيب ولا فراق غالي .."
احنا لازم نقتنع بكلمة سيدنا الخضر الأولى "إنك لن تستطيع معي صبرا".. لن تستطيع يا ابن آدم أن تفهم أقدار الله.. الصورة أكبر من عقلك.. ممكن تعيش وتموت وانت فاكر أن القدر ظلمك في جزئية معينة.. لكن الحقيقة غير كده خالص.. الحقيقه ان ربنا حماك منها...لكن احنا مفهمناش كده.. تماما كما لم تفهمه أم الغلام.. كما لم يفهمه ركاب السفينة كان فيه مقوله ف تفسير الحته دي بتقول "استعن بلطف الله الخفي لتصبر على أقداره التي لا تفهمهما.. وقل في نفسك.. أنا لا أفهم الأقدار .. لكنني متصالح مع حقيقة أنني لا أفهمها..و موقن أنها كلها من عند الله " لو وصلت للمرحله دي.. هتوصل للطمأنينة.. وهي دي الحالة التي لا يهتز فيها الإنسان لأي من أقدار الله.. خيرا بدت أم شر.. ويحمد الله في كل حال فالحمد لله على كل حال والله يعني .."
" للمرة الأولى أستشعر المعنى الحقيقي لـ"ربنا افرغ علينا صبراً" .. لن تكفيك جرعة أو مكيال من صبر أنت في أمس الحاجة إلى شلال فوق رأسك يغسل آلامك ويشدّ عزمك .. صبر يصمد أمام كيد الظالمين ، وفراق الأحبة ، وصعوبة الطريق ، واغراءات الفتن ، و وسوسة النفس .. ربنا أفرغ علينا صبراً ..🤍"
-يعنى عليم بحالك كلهُ .. كلهُ . - عليم باللي بيوجعك وباللي بيخطط انهُ يأذيك، وبيتكلم عنك,عليم بكّيد كل واحد,وربنا وقتها هوّ اللى هيتصدىّ ليهم، ربنا هيكفيك ويغنيك عن كل واحد عشمك وخذلك، هيعوضك عن الوجع واليئس، هيغنيك بحبهُ عن احتياجك لخلقهُ، من الاخر كدة محدش هيقّدر يقرب منك غير لو كان فى قربهُ خير ليك.
" إيّاك أن تفقد اليقين لحظةً، ولو زادَ الشّر في طغيانه، واشتَدّ الليل في ظُلمته، الفجر آتٍ ولو بعد حين، اللّه لا يخلف وعده، ولا يترك أهله، نزيف الطّريق مطلوب، والثّمن العالي لا يستطيعه كلّ أحد، لذلك كانت الجنّة درجات، على قدر المكابدات، لا على قدر الأمنيات .."
" بعد معافرة مع أفكاري اقتنعت أن الإنسان بيحتاج لإنسان في حياته أيًا كان مين المهم أنه معاك، محسسك بالأمان، ميكونش قاسي عليك وقت ما تكون ضعيف، حنين وفاهمك بكل التعقيد اللي جوا دماغك.. عارف إمتى يشد عليك وإمتى يرخي
الإنسان محتاج لإنسان زيه يُؤنس وحشته ويهون عليه مشقة الطريق والتعب .."
الفترة اللي فاتت الواحد اتعلم ان الدنيا ولا تسوى و كل اللي بتجري وراه طول حياتك ولا يساوي حاجة…ما بين ليلة و ضحاها العالم بيتقلب العزيز بيبقى ذليل و اللي مش لاقي ياكل يبقى مش ملاحق على الرزق! كل خططك ممكن في ثانية تتبدل و حساباتك كلها تتغير بسبب حاجة تحصل مالكش إيد فيها و رغم كدا لسة بشوف ناس شايفة الدنيا من خرم إبرة و رافضة تتقبل العيشة و اللي عيشينها و رافضة تتبع القانون الأوحد إن إحنا في الدنيا بشكل مؤقت و هنتحاسب على كل كبيرة و صغيرة!
" ياربِّ الخطوات الجاية تكون أسهل والطُرق تكون أوضح .. ياربِّ اجعل لنا نصيب في حياة طيِّبة ، نرضى فيها عن نفسنا وعن مجهودنا ومحاولاتنا واختيارتنا بدون تخبُّط أو خساير أو آلام! ياربِّ ارزقنا من حيثُ لا نحتسب ..'
عندي أمل إن كُل حاجة هتكُون أفضل من كدا بكتير، ومش عارفه جايبة الأمل دا منين رغم إن كُل الأحداث سيئة بصراحة. بس يعني نحنُ أحياء وللحلم بقية، فَـ أكيد فيه أمل. 💛
" الحل الوحيد عشان تقدر تكمل (هو إنك تعفو عن نفسك) .. تستوعب إن مفيش حاجة بإيدك مهما سعيت وحاولت تخلي كل حاجة مظبوطة .. مفيش حاجة هتمشي صح غير لما ربك يأذن .. مهما تعبت وصدقت نيتك وعملك في النهاية الأمر كله لله ..
مفيش حاجة متأخرة ولا حاجة حصلت كان مفروض ماتحصلش ولا في حاجة فاتتك، ومفيش حاجة لو كنت جريت أسرع كنت هتاخدها وهى مش بتاعتك ولا حد مشي كان مفروض يكمل واللي مكتوب له يكمل معاك مش هيمشي .."
انا من اشد الناس اقتناعا ان ربنا بيعوض الانسان لدرجة انه ممكن ينسى هو خسر ايه في الاول او ينسى الضيق والتعب اللي مر بيه، بيعوضنا لدرجة انك ممكن تفكر وتقول يارتني ما كنت اتضيقت لحظة واحدة قبل كدة. هو عارف انت بتمر بايه وعارف انك جبت اخرك وشايف انك مش عارف تكمل بس صدقوني وعن تجربة كل لما كان احساسك بالضيق اكبر كل لما كان عوض ربنا اكبر واحلى بس احنا نصبر. ربنا بيسبب الاسباب زي ما بيقولوا، كل حاجة في الدنيا دي ليها سبب ربنا بس اللي عارفه وانت بتاخد بالك منه متاخر بس لما بيجي الوقت وتاخد بالك منه، عينيك بتدمع من جمال وحكمة ربنا في كل حاجة.💙
" الحمدُ لله الذي أنعم علينا بالمسكن والمأكل ودفء العائلة ، الحمدُ لله الذي انعم علينا بالصحةِ والعافيةِ والأمان ، الحمدُ لله على نعمٍ لا تُعد ولا تُحصى .."
