اتمنى من كل الادمن في القروبات ان يعوا خطورة نشر تحركات الجيش
ياجماعة ماف زول ينشر تحرك للجيش الله يرضى عليكم الداير يطمن الناس يدعي على الجنجويد و ادعي للجيش بالنصر والثبات حاول تكسر اعلام المليشيا لكن ما تنشر للجيش اي تحرك ما لم ينشر الجيش ويطلع بيان عشان نساعدهم لو حصل اي تقدم للجيش أثناء المعركة ما توضح المناطق وتمركزات الجيش ولو داير تمد الناس بمعلومات الانتصار ياريت تكون بعد انتهاء المعارك
فوائد عنصر المفاجأة الممكن يكون مافي مصلحة الجيش اذا نشرت تحركات الجيش اول بأول والاصح ان تنشر بعد الانتهاء من العمليات لان الحرب خدعة واذا امتلك العدو معلومة عن خطط الجيش اكيد الخطة ح تفشل وانت كدا بتكون خدمت الجنجويد واديتهم معلومات مفروض ما يعرفوها
الهجوم المفاجئ أو الهجوم الخاطف أو تكتيك الصدمة: هو مناورة هجومية في المعارك، والذي تقوم فيه القوات المهاجمة بالهجوم بقوات كبيرة وبأقصى سرعة. الهدف من هذا التكتيك: توجيه ضربة مباشرة قوية ضد العدو، تهدف إلى كسر تشكيلاته وتحطيم معنويات جنوده
فانت ياسوداني ياوطني لو عايز تدعم جيشك بالجد ما تنشر اي تحرك او توضح معلومات دقيقة لان الحرب فيها السرية مهمة لتنفيذ المهمة والخطط
طيب نحن العلينا شنو علينا انو ندعي وندعم جيشنا مادياً ومعنوياً ... واي صفحة حساب تواصل للمليشيا نبلغ عنها ونحاربهم إعلامياً ونوري العالم البحصل شنو في
السودان( ودا مهم وبنفعنا بشكل كبييير لانو لو صنف الجنجويد ارهابيين كدا اي دعم من دولة تانية ح تتصنف انها ارهابية وطبعاً الامارات ما عايزة كدا ) المهم ادعم جيشك بدل تكون عليهو ابقى معاهو عشان بعدين ما تقول انو زمان كان في دولة اسمها
السودان انشر عشان الناس تعرف ولكم جزيل الشكر
#كلنا_جيش#شعب_واحد_جيش_واحد#السودان_يتعرض_للغزو_الخارجي#تسليح_المستنفرين_مطلب_شعبي