اقتراحي لقضاء #يوم_عرفة مع الله.. قال النبي ﷺ: "إن لربكم في أيام دهركم لنفحات ألا فتعرضوا لها".. وأغلى نفحة العلماء اتكلموا عليها الساعات اللي جاية من أول بعد مغرب الجمعة لحد مغرب السبت اللي هو يوم عرفة.. والساعات دي مش عايزين الشيطان اللي هو مش متسلسل في يوم عرفة يضحك علينا.. عايزين يوم عرفة ده يكون يوم من أيام الارتقاء مع الله.. اقتراحات سريعة لقضاء يوم عرفة مع الله: (١) الصيام.. وعلشان تصوم عن كل شيء سوى الله.. محتاج تشغل لسانك وقلبك بالله.. عايز أقترح عليكم بكره ٣٠٠٠ ذكر أو أكثر.. أذكار الأساس اللي العلماء قالوا عليها دي أساس تمسكك بطريق ربنا.. - ١٠٠٠ لا إله إلا الله - ١٠٠٠ صلاة وسلام على سيدنا محمد - ١٠٠٠ استغفار واللي يخلص ال ٣٠٠٠ دول ولسه عنده مساحة في اليوم وغالبًا ده اللي هيحصل.. هوصيك ب ٥ أذكار المشهورة اللي بتقل ميزان العبد عند ربنا.. - ١٠٠ سبحان الله - ١٠٠ سبحان الله وبحمده - ١٠٠ سبحان الله وبحمده سبحان الله العظيم - ١٠٠ لا حول ولا قوة إلا بالله - ١٠٠ الحمد لله (٢) إياك إياك من إزعاج السوشيال ميديا.. لا تعكر قلبك ولا نفسيتك ولا تشغل بالك ولا الشيطان يدخلك من حاجة مش كويسة على السوشيال ميديا تتشاف (٣) "خير الدعاء دعاء يوم عرفة".. كل الدعاء خير لكن بالذات اليوم ده احنا محتاجين كل واحد عنده حاجة نفسية ومشاعر بيدور عليها من حب وسكينة وجبر خاطر.. ادعي هداية العيال.. شفاء النفس.. الفلوس اللي محتاجينها عشان دي قيوام الحياه.. الفتح الناس اللي عايزة تعمل شغلانة.. اللي بيدور نفسه ينجح في انترفيو.. ادعي والدعاء مالوش لغة.. ادعي بأي لغة انت بتعرف تدعي بيها مع ربنا المهم تكون مستريح وذكر "لا إله إلا الله وحده لا شريك له.. له الملك وله الحمد وهو على كل شيء قدير".. ده ذكر يوم عرفة تعالوا نتفق ندعي لبعض.. ربنا سبحانه وتعالى يعطي كل إنسان ما يتمنى.. ويعطي كل إنسان فوق ما يتمنى.. ويجبر بخاطركم.. ويعطيكم أشياء هو يعلمها.. ويفتح لكم كل الأبواب المغلقة.. ويرزقكم بناس صالحين في طريقكم في الحياة يساعدوكم ويكرموكم ويقفوا جنبكم ويكونوا سببًا في إيصال أرزاق الله.. أرزاق المباني وأرزاق المعاني.. وادعولي معاكم بالعلم النافع والسكينة والستر وحسن الحكمة والبصيرة.. وأن يهدينا لما يحب ويرضى.. ربنا يتقبل منا ومنكم.. المشترك تلجرام مميز تقدر تسوي تعزيز للقناة ٤ مرات حتي نفتح القصص ان شاء الله https://t.center/boost/x6AzkarBOTChannel