“Abadan shańaraq” temasında trening ótkerilmekte 🧠 Sociallıq qorǵaw milliy agentligi, Sociallıq qorǵaw sisteması xızmetkerleriniń qánigeligin asırıw orayı hám YUNISEF balalar shólkemi menen birgelikte “Kámbaǵallıqtan abadanlıqqa qaray” baǵdarlamasınıń orınlanıwın támiyinlew maqsetinde Qaraqalpaqstan Respublikasınan 2 trener “Abadan shańaraq” temasında 5 kúnlik treningte oqıtılǵan edi. 🖋 Ótkerilgen treningtiń dawamı sıpatında usı trenerler tárepinen “Insan” sociallıq xızmetler orayı supervayzerleri hám psixologları ushın 3 kúnlik trening ótkeriliwi rejelestirildi. 👮‍♂️ Búgin Nókis qalasında Nókis qalası, Xojeli, Taqıyatas hám Nókis rayonı “Insan” sociallıq xızmetler orayı supervayzerleri hám psixologları ushın trening shólkemlestirildi. 💻 Trening dawamında qatnasıwshılarǵa Kámbaǵallıq túsinigi, aqıbeti hám onıń shańaraqqa negativ tásiri, stigma hám diskriminaciya, kámbaǵallıq mashqalasın sheshiwde keys-menejment, shańaraqtı qollap-quwatlaw xızmetleri haqqında keń túsinikler berildi. 📝 Telegram | 💻 Instagram | 📝 Facebook | 🎖 ihma.uz